嘉樂餐廳 (已結業)

唸住近近地，一心去食佢個常餐，點知太夜無得食了，慘情， 禍不單行。本想叫個餐牌上的干炒牛河，點知加8先有凍飲，後來就要了wall上的餐牌喇：跟餐中湯味有味精但唔明顯，紅蘿蔔豬肉湯料唔算少，例湯不過不失。時菜牛腩河40都估到係濕炒，大條河粉算幾滑，時菜係大路既菜心，幾翠綠嫁。牛腩份量亦唔少，而且比干炒感覺健康多喇。加2的凍奶茶一黎到，又幾大杯bor，碎冰上，奶味茶味都合心水，嘻。咸牛治16加1烘底呢個都ok，但咸牛不夠咸，包查牛油幾多下，包入面半濕的，烘底好好多。食後感：今日第一次黎，覺得門牌shape醒又夠大，但入面呢？刺廿年前的快餐外賣店，裝修零，而且無卡位，坐得唔舒服唔在講，因為台上無餐具，伙記在點餐後就求其掉低雙筷，落單時連收銀都醉心督電話，唔憂做狀態。雖然價錢平，但試過就算，無下次。

正當大部份茶記的常餐價徘徊在38至40+港元，這間位於彌敦道同界限街交界的嘉樂餐廳的常餐只售34元! (凍飲+2)而且沙爹牛肉份量多，絕不嬉場！另外花生醬西多連大片牛油一樣好食，售價$24+2做街坊生意的小店雖然唔係坐得好舒服，但值得黎撐！