影片
因为次次经过都见到依间野好多人食所以一直都好奇究竟点解咁多人食哈 原来又系一间熟客不用排队的酒家服务员好串嘴 对熟客又系另一个样想要佢地烧鹅烧肉双拼饭 加钱都唔系问题但就话唔可以咁双拼🌝成个茶楼好似要嗌交咁 无论客人定职员都好燥底 讲野超级大声🌝野食又唔系特别好食
继续阅读
上年6月，我应该第一次走来屯门这个商场嘞！妈咪有晚打算不煮饭，建议走到屯门良景广场3楼的酒楼 <嘉年华海鲜酒家>，晚上 7:30 时段，已经起码8成食客，真的好旺！食到 9:00 前，已剩番两三成食客！就算疫情改善及相关政策放宽，并以隔板相隔，感觉上，提高私隐度又容易倾计！当我发觉我找不到我的食评，才留意到，店名已改！以前是：嘉年华火锅酒家现时是：嘉年华海鲜酒家餐牌一家四口晚饭都要追单客家煎酿豆腐 (例) $88一客8件，既香且滑，大大件的豆腐，显得表面的猪肉馅少得可怜！黑醋金薯咕噜肉 (例) $98跟菠萝咕噜肉同价，新口味点来一试，长方体外型的就是蕃薯，其他就是咕噜肉，薄脆甜美的外层包住，咕噜肉的肉质被松肉粉弄至口感好腍，虽然有外脆内软的双重口感，却是觉得有点怪！上汤焗海虾伊面 $118+$20 芝士底 虾大约有10只， 妈咪记得以前这里食过虾是霉， 今次鲜甜爽口，估计用冰鲜虾，质素好过以前！伊面软硬适中，吸收芝士汁，食一碗都不觉得腻滞！豉汁蒸白鳝 $208等足半个钟，还要追单， 见到送来时，跟另一枱的蒸白鳝一起用食物车仔送上，白鳝入口鲜爽，豉汁香口惹味又入味， 不过好油！父亲节晚餐：4人套餐 $638 由淡味至浓味花胶海皇烩翅的确选用真鱼翅，略为份量少而已！加入花胶丝，口味啱大家胃口！浓汤鱼腐浸菜苗鱼汤调味恰到好处，软腍腍的鱼腐吸收鱼汤几入味，白菜仔都几嫩！碧绿炒斑球西兰花入口清爽，石斑起肉，依起来啖啖肉！金薯黑醋咕噜肉套餐的货色，炸浆较薄，每件蕃薯及咕噜肉都相对正价的细件，味道不变！野菌斑腩斑腩酱汁几浓味，却不及豉油王中虾！ 夹杂鱼骨，配料有草菇、...。豉油王中虾有8只虾，非常惹味！色泽鲜明，鲜甜爽口，酱汁更提升鲜味！白饭 $12/ 碗晚芥 $12/ 位供应湿纸巾及洗手用的柠檬茶
继续阅读
唉，谂住星期日唔洗咁早起身啦点知主人👩🏼🐯拎埋个老母出嚟叫我去揾位饮茶🤬好啦求其揾间啦朝早8点几就出左门口🕖心谂星期日要同啲公公婆婆争位👴🏻🧑🏻🦳哎哟，好彩唔洗等位🤭我就紧系开定茶摆好晒𠮶阵☯️等主人同埋外母大人到啦但系食咩当然唔到我拣啦🙇🏻♂️🙇🏻♂️鲜虾腐皮卷🌟🌟（真心麻麻哋好油，同埋唔够脆，重要系冻嘅）黑金流沙包🌟🌟🌟🌟（呢个流沙包回头率100%，可能因为佢真系啱啱蒸起，个皮唔会太厚，个馅嘅味道又啱啱好👍🏻）蟹籽烧卖皇🌟🌟（唔知点解个烧卖好咸，可能个厨师心情唔系太好）香煎咸薄𦉘🌟🌟🌟（呢个煎得唔错，虽然都系油比较多，但系食落去都可以食到脆口同烟韧既混合）回头率%40今日有外母大人眷顾又唔使受靶🥰🥰
继续阅读
嘉年华酒楼到饮左好几年 每逢有咩日子亲戚朋友都会约埋系呢度食饭饮茶食个包🥐好耐无食过 咁岩同朋友仔无野做 就约埋去饮茶倾下计👧🏻👧🏻👧🏻专登入去 门口好多人等位 大约等左10张枱先入到去👅虾饺烧卖呢两部系每次去酒楼必叫既！其实呢两味都已经好反映到酒楼嘅质素 食呢两样点心 就可以知道间酒楼咩料！☕️蟹子烧卖皇$25烧卖质素都正正常常ʕ •ᴥ•ʔ☕️鲜虾虾饺$25虾饺嘅质素就麻麻 个皮唔够弹牙 虾肉唔多 食落冇咩口感 食左一嚿就收手🥲☕️豉汁蒸凤爪☕️香煎薄饼罉以上两款都正正常常，冇咩惊喜，薄罉得唔够香同脆🥲☕️黑金流沙包呢一个系我食过全餐最好食嘅点心！一搣开一半 真系流心㗎 唔会甜同腻💓🐿食过咁多年整体质素每年下降⬇️以前真系会觉得嘉年华好食 但系依家真系麻麻哋 粗粗地饮茶都可以接受 但系唔好期待话真系好好食🥹市面上越开越多新式嘅小型点心馆 食物质素好好🤤希望大型酒楼都可以做返好啲 大家都可以食返好好味嘅点心🥰
继续阅读
之前经常帮衬，觉得呢度D野食又平😍，质素都ok😋 , 就成日嚟。但系个日，我地坐落，见到D价钱早已升级。由$28 碗烧肉濑粉升至$32🥲。呢样都唔紧要，人地要揾食，我十分明白😉。我地叫咗碗烧肉濑粉，发现原来加咗料🧐，有只黑色物体在汤中畅泳😨，自由自在，无拘无束🥴。我地叫侍应😵。佢换咗碗米线😮，只系免咗一位茶钱(我地有三个人)😬，算了吧!🙃再来不来，大家自行决定吧!😗😀我不行了🤗
继续阅读
您可能会有兴趣的...