影片
电话号码
21321280
开饭介绍
喜爱观看名项运动赛事的顾客, 则可选择运动色彩浓厚的「嘉年华吧」. 「嘉年华吧」以球衣作布置, 特设多个体育频道, 播放各项体育赛事, 而深受香港人欢迎的足球赛事, NBA 等当然不能错过. 场入设有六台42吋的等离子电视机, 王再加上100吋的投射大荧幕, 能为顾客捕捉每个精彩角度. 驻店乐队组合每晚更于「嘉年华吧」献唱柔扬悦耳的歌曲, 舒缓紧张赛事的气氛.
继续阅读
特色
饮o野倾计
附加资料
无肉餐单详情: 每天供应少量素食菜式
营业时间
星期一至四
17:00 - 01:00
星期五至六
17:00 - 02:00
星期日
17:00 - 01:00
公众假期
17:00 - 01:00
公众假期前夕
17:00 - 02:00
以上资料只供参考，请与餐厅确认详情
食家推介
招牌菜
近来局势依然纷乱，但生活总要过，正如人生总有高低，你嘅生活唔会因此停落嚟，亦要揾啲点子调剂一下，免得太入局而影响自己情绪。故此，是夜与友人专登嚟到沙田「丽豪酒店」嘅「嘉年华吧」聚聚，揾个静静哋嘅地方食吓嘢，倾吓偈，谈谈近况，讲讲将来，兼且提早试试佢哋准备晌圣诞及元旦推出嘅「节日晚餐」。听个名就知喺行酒吧路线啦，原来又唔算喺，反而喺间美式餐厅+酒吧嘅混合体。如果净喺嚟饮吓嘢，拣啲梳化位就最舒服；如果嚟用餐嘅，有唔少舒适嘅卡位。入到嚟地方唔止大，仲有好多配套，例如美式桌球枱、飞标机，竟然仲有专业电竞设施添，听店员讲都喺新添置无耐，依啲设施仲喺无额外收费。餐厅正中央仲架起100吋大电视，直播英超同西甲，呢样就真喺啱晒我。有机会真喺想约啲波友一齐睇住英超，边睇边食。而有关于个「节日晚膳套餐」，定价为$428 / 人，四位用就会平少少，如提前预订并付全费，更可有低至75折嘅优惠。睇番个餐，都好丰富架，送红白餐酒或鲜果汁，菜式包括海鲜拼盘、餐汤、主菜、甜品及餐饮。白酒由于套餐头盘喺海鲜拼盘，所以，拣咗白酒嚟衬，而白酒喺自家品牌，店长专登展示一下俾我哋睇。色泽金黄晶莹，入口带微甜，有份果香，非常之易入口，配海鲜真喺十分之夹。国际海鲜拼盘唔喺讲笑，虽然按人头数，但真喺摆出一大盘共有6款海鲜嘅拼盘（餐牌都喺标示5款，实行卖大包），包括波士顿龙虾、鲜虾、青口、鳕场蟹脚、海螺、大蚬，并伴上柠檬角及惯常见到食海鲜用嘅咯嗲汁，单喺份量计，已经觉得好有震撼力，再睇睇睇啲海鲜嘅色泽，绝无欺场。夹起一碟（打卡用），好有晌自助餐时食冻海鲜嘅感觉，不过，由于喺摆好盘即时送出，心理上更觉「新鲜」。拆咗啲龙虾啖啖肉，又爽又甜，仲劲多虾膏，而鲜虾都唔弱，弹牙味鲜，鳕场蟹亦好正，拉出大大条蟹捧，有蟹味之余又带海水嘅咸鲜，此外， 青口、海螺、大蚬都OK㖞，唔会淡而无味，或者韧到擦纸胶咁。美式鲜蚬周打汤个汤睇落平平无奇，其实，入口就知真材实料，质感啱啱好，非常绵滑富奶香，而且，混入唔少鲜甜嘅大蚬，但出奇地比冻海鲜啲蚬更鲜，更肥美。香烤安格斯肉眼牛扒配野菌汁、节日香烤火鸡餐牌中写住有应节嘅香烤火鸡，初时都担会一大件，依家睇到喺每份主菜都额外配两大片，共伴有大量薯菜，咁就啱啱好喇。然而，肉眼嘅份量亦唔少，大大件煎得焦香。啲肉眼火喉煎得恰到好处，入口带点油香，肉质软腍，且甚具肉香，食得出喺件具质素嘅安格斯肉眼。沾一沾香浓嘅野菌汁，味道更搭配；火鸡一向俾人嘅印度都喺嚡烚烚，虽然，眼前呢件唔可以讲喺嫩滑无比，但亦无话食落好嚡嘅感觉；至于啲薯菜，唔止喺款多，全部都炒过或处理过，香口而唔会味道好寡。香烧龙虾配荷兰汁 、节日香烤火鸡荷兰汁通常见于配宾尼迪蛋，但今回就配龙虾，感觉都好特别。虽然得半只波士顿龙虾，但因为本身都够大只，所以，整碟出嚟嘅卖相都好有睇头，尤其香烧过后，龙虾显得金黄而焦香，十分诱人。同样伴有火鸡肉及大旺3薯菜，上文分享过就不多言，集中分享啲龙虾及酱汁。虾肉烧得刚好，轻易拆出嚟，沾上少少荷兰汁，微微酸香嘅酱汁，更吊出虾肉嘅鲜爽，妙绝。慢煮三文鱼配香草忌廉汁、节日香烤火鸡就算只喺三文鱼，都无做得马马虎虎，以慢煮方式先处理，再煎香整件三文鱼扒，睇层外皮，煎得甘脆吸引。如果有留心，每道菜都有其细节位，将香草忌廉汁以小兜装起，就唔会因淋落啲鱼度而整腍层外皮啦。由于经过慢煮，所以，基本上上碟前再轻煎就可以，不过，个人就觉得有可能煎过咗少少，所以，肉质确喺柔滑有油香嘅，但又未至于𠮶种嫩到滑落喉咙，然而，配上啲香草忌廉汁，加上啲鱼皮劲香脆，整体嚟讲都喺一道出色嘅三文鱼菜式。朱古力慕丝蛋糕伴野莓酒店级数即喺酒店级数，去到甜点都仲喺保持番个水准，店员更话，去到临近圣诞，装饰更唔止得啲野莓咁简单。咪睇件饼「黑掹掹」一嚿，如细心望望，就睇到由上而下，一共有5层：慕丝、海绵蛋糕、朱古力软浆、慕丝、海绵蛋糕，全部以朱古力为主调，所以入口嘅朱古力味好浓郁，慕丝做得幼滑细致，海绵蛋糕软绵有回弹力，中层嘅软浆柔滑香甜，喺甚高水准嘅出品。即磨咖啡享受甜品，又岂可无杯咖啡配衬一下呢？餐饮就选上即磨咖啡，一杯芳香醇厚嘅咖啡，喺可以为甜点锦上添花。友人拣咗热柠热，喺为丰富嘅一餐消消滞。餐厅唔止环境好，气氛轻松，招呼又到位，又有好多配套。虽然喺酒吧餐厅，但大人细路都啱，怪唔之得见到近窗有一大班家庭客，就喺帮啲小朋友庆祝生日！今晚同朋友都倾咗好多，渡过咗一个非常愉快嘅晚上，唯可惜地铁早收车，只可以揾日「嘉」时下半场再倾过。
继续阅读
眨眼又到了12月，好自然谂起圣诞佳节，而大部份餐厅亦开始推出圣诞套餐，让大家可早一步庆祝。今晚就跟两位好倾的友人提早吃圣诞餐庆祝，希望能在这时势互相打打气，多点正能量。位于丽豪酒店内的Carnival Bar 吸引之处是又有得玩又有得食。第一次来到，果然令我好惊喜，单单玩乐的种类已可让大家乐而忘返，整个环境都好有feel。除了玩乐之外，还有个小酒吧，而用膳区亦相当舒适，多张阔落的卡座和小圆枱，真系好咁大伙儿来玩乐。Carnival Bar正推出「节日晚膳套餐」Festive Set Dinner ($428/每位)，共有四道菜连两杯饮品，菜式相当丰富吸引。顺带一提，如果17/12或之前预订并付全费就可享有优惠：24-25、31/12有八折，而26/12和1/1仲有七五折。 ******************************庆祝佳节当然要饮返杯，餐前可先选富豪红/白餐酒或鲜果汁一杯。见大部分是海鲜菜式，就要杯白餐酒 Regal White Wine (Chardonnay 2018)，味道清爽香甜，唔会太过酸涩，易于入口，正合我口味。******************************先上一大盘冰镇国际海鲜拼盘 International Chilled Seafood Combo ，放得满满的，见到就令人喜悦。究竟有咩海鲜？逐一数数，包括开半的波士顿龙虾、鲜虾、青口、蓝青口、鳕长脚蟹、蚬和海螺配柠檬和咯嗲汁，足足七款，大满足！两款青口和蚬同样很爽嫩鲜味，个人就较喜欢细小肉嫩的蓝青口；鲜虾色泽亮丽，爽口鲜甜；海螺亦相当爽口，一点也不韧，味道仲好鲜，正！最喜欢就是肉质雪白的长脚蟹，柔软鲜甜，啖啖嫩肉，即使要慢慢拆壳也觉得值得。还有大大只的冻龙虾，肉厚弹牙，鲜甜美味，仲有不少甘香的龙虾膏，难以抗拒的诱惑。******************************平时较少点周打蚬汤，因为担心它太溜滞，但这客美式鲜蚬周打汤 U.S. Fresh Clam Chowder 却令我爱不释手⋯奶白色汤身稀稠度适中，入口香浓幼滑，非常creamy。舀几舀，内有不少清爽的青红椒粒、洋葱粒等食材，吃起来口感丰富之余，亦可中和溜滞感，配搭合宜。当然不少得蚬肉，一碗有四五只，仲要只只肉厚肥美，味道鲜甜，满足!******************************轮到主菜，有节日香烤火鸡再配一款三选一菜式，分别有香烤安格斯肉眼牛扒配野菌汁、香烧龙虾配荷兰汁和慢煮三文鱼配香草忌廉汁，就一人一款，齐齐share，感受分享的快乐。火鸡是圣诞佳节的代表菜之一，点可以少了它？肉质白净，啖啖肉，又腍嫩又香，伴任何一款酱汁都各有特色。我是鱼痴，当然先尝节日香烤火鸡Roasted Holiday Turkey配慢煮三文鱼配香草忌廉汁 Slow-Cooked Salmon in Cream Herb Sauce 。厚厚的三文鱼体积中等，色泽金黄，好靓仔！把其切开，鱼肉呈粉红，片片分明，并不散烂，肉质挺鲜嫰，虽不算肥美，但满有鱼香，跟香草忌廉汁好夹，而最吸引当然是香脆可口的鱼皮。接着是节日香烤火鸡Roasted Holiday Turkey配香烤安格斯肉眼牛扒配野菌汁 Grilled Angus Beef Rib Eye in Wild Mushroom Sauce ，友人先把肉眼切件，边切边话好易切，真的吗？试试才知！表面深啡亮泽，内肉呈鲜粉红，并没有流出血水，烤弄时间拿捏得刚好，肉质腍嫩且富肉汁，夹杂些油润的脂肪，甘香美味，牛味香浓，不需任何添加已很美味，但蘸上野菌汁又吃出另一番风味。最后一款是节日香烤火鸡Roasted Holiday Turkey配香烧龙虾配荷兰汁 Lobster in Hollandaise Sauce 。半只很有份量的龙虾，烧得金黄，卖相吸引。轻易就能把肉拉出，爽弹鲜味，啖啖肉，还有不少甘香的龙虾膏，令人吃得滋味，而所配的酱汁是荷兰汁，挺特别！配菜有清爽翠绿的西兰花；清新爆汁的车厘茄，还有粉绵兼满有薯香的薯件，烹调入味，连酱料也不用添加。******************************完美的一餐当然唔少得甜品 Dessert，是朱古力慕丝蛋糕伴野莓 Chocolate Mousse Cake with Raspberry ，卖相精美吸引。朱古力慕丝蛋糕以朱古力、朱古力慕丝和朱古力海棉蛋糕组成，共有五层，睇落挺身，但口感幼滑，朱古力味浓郁，不会太甜腻，再跟酸咪咪的鲜杂莓同吃就更岩。******************************餐饮可选即磨咖啡Freshly Brewed Coffee 或茶 Tea，我就要热柠茶消化一下，解渴解腻，最适合不过。------------------------------不知大家谂咗圣诞节去边度狂欢未? 餐厅有酒吧可喝过痛快外，又有桌球枱、电子飞镖靶机、Beer Pong、VR Game、Live Band、睇波，仲有最潮的电竞，包罗万有，可玩得过瘾，当然连埋这顿「节日晚膳套餐」，真系吃喝玩乐集于一身，唔伤脑筋，大伙儿Merry Christmas!
继续阅读
佢地有个$285 买6送1嘅优惠。听落好抵啊，但系...佢地会唔同你讲咁计你7支原价嘅服务费。我未见过人咁样收服务费。重要系唔问你要唔要花生同埋对花生有无敏感就成碗摆低. 仲要唔同你讲，静鸡鸡咁收你$30。真系佛都有火。你地仲需要有几多个静鸡鸡？？地点系一间算系不错嘅酒店入面，我估唔到服务系咁差...唔怪得知唔生意。They have an in house promotion where you buy 6+1 beer for $285. It sounded like a great deal but... they will charge you service fee for 7 beer at “regular price” without telling you. I have never seen people charge service fees like this before. They also put down a bowl of nuts without even asking if we have allergies. I thought it was free but they actually charge you $30 for that as well, again, without telling you. We were very disappointed in our visit and most likely will not return nor suggest them to anyone else. Being in a great hotel, we expected something better than this. No wonder they have poor business.
继续阅读
世界杯期间偶尔发现睇波⚽地方150包两杯饮品cocktails 沟得好饮唔马虎推介 nothing沙律小食80几蚊一碟，酒店嚟讲唔算贵嘅环境宽敞世界杯虽然完咗嚟紧又有国冠杯⚽希望e间都有得睇啦
继续阅读
其实佢嘅食物应该佢酒店其他人餐厅供应的，食物其实不错，食物有炸嘢多，炸鱼薯条比较油，但每次去食都叫呢个。食过炸鸡都唔错一般饮啤酒多，生啤有几个大路选择，算可以啦。见都好多人饮cocktail，都有不少选择。但最近服务可以用「差」去形容。以往每星期都去，胜在够近同唔多人，就算星期五、六都有位。经历几次人事变动，都系正正常常，最近新的经理奉行新政策，星期五、六夜晚睡点后最低人头消费，唔计你张枱消费几多（好似朋友先到已经order)，总之9点后入场包另收120。
继续阅读