嘉寶漢堡

营业中

休息中

今日同老公食個便飯，經過呢間就試下，見網上都好多人食。見佢餐牌上竟然有羊堡，出面都未見過有羊既漢堡包，一於就試下啦！我地點左兩款唔同既漢堡，一個係大啡菇芝士牛堡，另一款係香辣煙肉蛋羊堡，再加一個布里芝士配料，份量十足。另外再叫左小食，雞翼同埋魚手指。黎到既時候，兩個漢堡都好足料，真係一淡都唔會咬得晒。佢既材料都好新鮮，生菜好翠綠，個牛都又多汁，配上滿滿的芝士，唔錯。評分：👍🏻👍🏻👍🏻👍🏻/5而個羊堡，加左芝士，再令到個包好巨大，太大個，上面果層包我都冇食到，佢個羊都唔會好 “SO”，不過個布里芝士可以厚返少少，話晒我都加左$18蚊。評分：👍🏻👍🏻👍🏻👍🏻/5而個雞翼和炸魚條，佢兩個都新鮮炸，好脆，雞翼外皮酥脆帶點香辣，非常惹味。評分：👍🏻👍🏻👍🏻👍🏻/5呢個鋪頭都好細，得3個位，都唔係預你座好耐既地方，不過勝在都整齊，食個快餐都唔錯既。整體味道指數：😋😋😋😋😋/5性價比：💰💰💰/5環境：❤️❤️❤️/5服務：✅✅✅/5

M 記真係加價加到好貴，而且質素越嚟越差，真係唔想再食佢，今日突然間又想食burger，見到呢間啲價錢都幾經濟實惠，而且啲包嘅賣相好吸引。香辣煙肉磨菇芝士牛堡 $54呢個真係必點啊，成個包勁香！煙肉同蘑菇真係好夾，啲煙肉煎到好香配大量蘑菇🍄‍🟫、芝士同生菜、仲有辣椒粉，成個食落好開胃之餘塊牛肉好厚實，啖啖肉汁。芝士牛堡 $42以芝士同牛肉漢堡為主配搭而成嘅包，牛肉煎好香，簡單嘅配搭都已經夠晒出色。香蔥雞堡 $40雞肉入口嫩滑，配埋生菜同烘乾咗嘅包，啖啖都咬到真材實料，抵食之選。加$18可以轉套餐，有小食同飲品。見到網上好多人大推炸燒賣，呢排喉嚨痛，點住個蒸燒賣食住先😆。

#cassiegomk -今次要推介位於油麻地近廣華醫院附近嘅嘉寶漢堡 。之前食過尖沙咀分店都覺得幾好食，今次試埋旺角分店。成間店好多人流，短短十分鐘都有十個人光顧，應該真係好好食先有咁多熟客。👍🏿-我就揀咗黑松露芝士牛堡，加埋套餐要炸燒賣同支裝飲品。漢堡即叫即整真係好食過麥當當好多，加埋套餐$77，其實都唔係貴麥當當好多。依個黑松露芝士牛堡放咗好多黑松露醬好足料。牛肉都好多肉汁好juicy。套餐小食飲品都有好多選擇，以炸物為主，新鮮炸起都好好食。🍔-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌗 (4.5)回購評分▶️🌕🌕🌕🌕🌗 (4.5)-➡️ 嘉寶漢堡 (旺角)📍 旺角廣華街1號仁安大廈地下22號舖

呢間漢堡包店我曾經喺尖沙咀分店食過，記得有個小食炸燒賣，印象幾難忘🤗餐廳提供唔同款式漢堡😋唔食牛肉嘅朋友都有好多其他選擇👍🏻另外可以單點，亦可以加$18升級至有小食同飲品嘅套餐 ▶️黑松露芝士豬堡 加煎蛋 麵包好軟熟有少少煙靭😋第一次食豬堡，味道有啲似M記豬柳漢堡嘅豬柳，但係冇咁鹹同厚身啲，而且食得出係新鮮整成😆黑松露醬好濃郁，另外一邊麵包搽上沙律醬，咬一啖有幾種口感👍🏻▶️香辣煙肉蘑菇芝士牛堡同樣地，麵包都好軟熟🤭入口食到辣辣地好惹味🥹溶化咗嘅芝士配合煙肉鹹鹹香香好滋味😄新鮮整成嘅牛堡幾重牛肉香味，但係唔會太酥👌🏻▶️跟餐小食 薯條係粗薯條🍟炸得啱啱好😌▶️跟餐小食 燒賣加咗豉油😙味道屬於正常▶️跟餐飲品 台瘋奶茶 (另加$20)茶同奶比例適中唔會太甜，仲有涼粉增加咀嚼感▶️跟餐飲品 白玉烏龍茶 (另加$10)茶味香濃，有少少白桃味🤩

呢間漢堡價錢好平，而且好抵食，味道個人認為比m字頭既好吃，最近好愛吃漢堡，突然想起這間漢堡店，入面既漢堡即叫即整，而且烤布利牛肉漢堡既烤布利芝士超大片同厚身岩晒我呢個芝士控，烤布利烤至軟熟咬落口啖啖芝味，牛肉手打漢堡好厚肉juicy啖啖肉，轉餐叫左小食煙肉芝士薯波，薯波外脆內軟，入面薯味濃郁，飲品選擇都幾多。另一個叫左蝦餅漢堡，呢個既蝦餅好厚實，咬落成塊勁厚身既蝦餅夾埋漢堡黎食都唔錯，個人比較鐘意芝士既口感。

嘉寶漢堡咁出名, 一直都未試, 今日放假係屋企唔想出街選擇叫外賣試左佢...由落單到送到黎係15分鐘 之前試過叫其他外賣漢堡包送到黎已經淋左, 本身冇特別期望, 點知黎到係喜出望外, 包同薯條都係熱辣辣, 薯條炸到好香好脆, 真係食到停唔到口而漢堡包個皮鬆軟得黎面又好脆, 而入面既肉好juicy, 另外生菜, 蕃茄呢D配料都食得出好新鮮, 性價比極高, 一定會再食!

開完冗長的會議後，差不多晚上八時才放工。胃口不大，和老公在旺角閒逛，正準備吃一頓簡單的晚餐，發現這間漢堡包店大排長龍，看一看餐牌，非常吸引。而且還可以升級做有小食和飲品的套餐，二話不說便進入內。黑松露芝士牛堡升級套餐漢堡份量十足！包經過微微烤焗，咬落脆脆，但又仍然感覺到很鬆軟。整個包鋪滿黑松露，香氣四溢。漢堡牛肉非常厚實，咬下去的瞬間，豐富的汁液瞬間涌出，口感Juicy，讓人忍不住多嚐幾口。搭配的黑松露芝士很香，增添了層次感，讓整體味道更加豐富。加辣油燒賣普普通通的蒸燒賣，加上辣油，熱騰騰的， 十分惹味。辣油的香辣感讓燒賣的鮮味更為突出。大啡菇芝土牛堡升級套餐漢堡的size大得未能夠一啖放進口裏，我只會將它分層吃。大咖啡菇新鮮多汁，與生菜、蕃茄和烤洋蔥很夾，形成了絕妙的口感平衡。牛肉漢堡同樣厚實，Juicy的口感讓人感受到每一口的滿足。炸燒賣炸燒賣炸得剛剛好，外層酥脆，內餡保持了軟嫩的口感，讓人一口咬下去便感受到多重口感的享受。魚手指魚手指的外皮非常crispy，口感外脆內軟，搭配蜜糖芥末醬，甜中帶點微辣，讓整體味道更加引人入勝。這家漢堡包店無論是漢堡包還是小食，都絕對令人感受到廚師的

嘉寶漢堡由總店開始就已經好鍾意去食，而家旺角同尖沙咀都開左分店，真係好方便。今次第一次去旺角店買外賣，呢間主要做外賣，因爲得3個位可以坐。買左甘多野都係約170，好抵食。🍔蜜糖芥辣菠蘿鷄堡$42好鍾意食呢個，塊菠蘿好甜，同鷄塊好夾，必試。升級套餐+$18 就有薯條同可樂。🍍BBQ菠蘿牛堡$42呢個買左比姐姐食，都話好juicy。🍄香辣烟肉蘑菇芝士漢堡$54呢個比較邪惡但好食，烟肉香脆，牛肉多汁。🥥椰青水$15呢隻一向都好飲。

嘉寶係我最愛嘅burger店之一🍔見住佢細舖搬大舖 再接連開分店 都好開心每次去都好多人 但係都keep到水準 呢晚去旺角店 見佢外賣order冇停過 但係堂食都唔使等太耐就食到啦🤘🏻🍔烤布利芝士牛堡 $54🍔BBQ菠蘿雞堡 $42叫咗一款牛一款雞🫶🏻加$18可以轉套餐 連飲品+小食 價錢真係好親民漢堡包輕輕烤過 食落微脆 仲脹卜卜牛肉軟熟 夾住塊薄薄嘅布利芝士 有鹹香又唔會太漏雞堡就比較結實 菠蘿超香甜 醬汁都配搭得好好每啖都咬到配料 唔會乾真真 足料雞翼3隻 （套餐+$7）煙肉芝士薯波 （套餐+$7）椰青水(套餐+$5)燒賣 單點$12小食升級左呢兩款 夠熱又夠脆 唔會有陣油溢味幾鍾意芝士薯波 外脆內軟最後飲返支if椰青水 解暑解膩 飽哂🥰

平時去開尖沙咀食, 今次第一次食旺角分店, 堂食只有3個bar枱位, 所以如果想堂食, 有機會要等一陣子, 期間不斷見到好多送貨員黎pick up外賣 💫黑松露芝士牛堡非常濃郁嘅黑松露香氣, 黑松露醬多到滿瀉, 薯條我都有點松露醬食😻加上正在融化嘅芝士, 鮮嫩多汁嘅牛堡, 同埋沙律菜, 多重口感, 層次好豐富💫烤布利芝士牛堡烤過的布利芝士融化後, 帶有淡淡奶香和奶油的口感, 質地非常滑順, 輕輕一咬, 芝士已經槳住左我齒輪😆牛肉都係無得輸, 其實食過好多平平貴貴burger店, 都係嘉寶漢堡最岩我口味, 性價比最高💫薯條新鮮熱辣辣炸起, 好脆口, 係我喜愛的粗身薯條❤️💫炸燒賣外脆內嫩, 裡面係好煙韌嘅口感, 好特別 💫雞翼醃料都好入味, 肉質嫩滑🥤西柚汽水店員細心表示西柚汽水夠凍, 我地見平時都少飲, 就揀西柚啦😂

嘉寶漢堡 @ 旺角漢堡包 - 雖然唔係我既最愛。不過…耐唔屎都會心思思想整番個食下係burger界…佢既性價比絕對高…真係價廉物美。所以一想食burger都會諗起佢先。葵涌…尖咀舊舖到新舖…旺角bakbak都留低左唔少腳毛架今次黎旺角店買外賣點左鐵膽大啡菇芝士牛堡加隻蛋…鍾意大啡菇因為夠juicy…夾埋漢堡扒一齊食口感好正。今次順便試下新野薑蒜味噌鴨堡加煙肉…漢堡扒由鴨肉做幾特別…出面未見過。好香鴨味再係咁2加配左炸燒賣…炸粟米片雞塊同魚手指。小食不過不失。佢地個包好鬆軟…比出面好多餐廳好味。同埋佢地外賣包裝…紙盒夠透氣…返到屋企都仲保持乾身👍🏻野飲今次點左可樂…因為醒唔起佢地都有好多特色飲品…上次試左ginger beer唔錯生意好好…見到店員好有默契默默咁不停整burger…#相機先食 #cameraeatfirst #foodporn #foodlover #yum #eating #instagood #foodgram #foods #foodstagram #foodies #foodphotography #fooddiary #food #foodblogger #hk

黑松露芝士牛堡💕睇相都見到大大劈黑松露醬，真係一啲都唔孤寒，黑松露味超級香，而且芝士都係半蓉狀態，牛扒亦都好重牛味好香，軟硬適中，鍾意佢嘅包唔會太硬，而且加咗蘑菇令到口感更加豐富，越嚟越鍾意食漢堡包嘅時候添加蘑菇炸燒賣💕作為燒賣嘅愛好者，無論蒸燒賣定係炸燒賣都好鍾意食，就算係外賣拎返嚟嘅炸燒賣，都唔會變硬，仍然保持好脆口炸薯條💕薯條份量都好多，女仔食完個包其實唔係好食得晒，薯條熱辣辣同係好脆口如果你揀咗套餐嘅話，仲會有飲品包埋

家寶漢堡一直都好出名， book mark咗好耐都未試，今晚經過旺角店，終於入去幫襯，真係明明不如見面，好好食好抵食點咗三個餐， BBQ菠蘿雞堡餐、BBQ菠蘿牛堡餐同埋蜜糖芥末雞堡餐嘉寶嘅漢堡包係即叫即做，漢堡扒無論雞定牛本身都已經好好食，加埋BBQ醬同埋蜜糖芥末醬，更加惹味，仲有一片完整嘅菠蘿，厚厚嘅蕃茄同生菜，口感同味道都好有層次好豐富，好好食，性價比好高旺角店舖仔細細，因為點完餐坐滿人我就拎走食，拎咗一陣返屋企仍然好好食，所以想像到堂食有幾好味，旺角店都幾舒服，好夠冷氣，下次經過一定再買

今晚👭🏻孖妹黎到旺角分店_嘉寶漢堡，社交平台 見過好多人大讚係平民美食👍🏻終於有時間鋪內以吧檯為離，牆身以灰藍色磚為主，店鋪唔算大，位就得三個，人多又如果想食可能要叫外賣啦👭🏻孖妹叫左一個黑松露芝士漢堡包、一個大啡菇芝士漢堡包、兩個跟餐配埋炸燒賣、兩杯飲品，惠顧每款漢堡包可以$18優惠價升級套餐🔸🔹🔸🔹🔸🔹🔸🔹🔸🔹🔸🔹🔸🔹🥢黑松露芝士漢堡💰60 + $6 漢堡入面有厚身漢堡扒、半溶芝士、黑松露醬，蕃茄片、羽衣甘藍，餐廳先將鬆軟麵包烤脆，包感偏法式麵包口感，邊位比較香脆，漢堡包內牛肉餡料口感鮮嫩細嫩，漢堡扒厚度ok偏腍身，鹹香度十足，黑松露醬夠香，份量多好惹味，雞蛋黃（$6）煎至流心蛋白燶邊🥢大啡菇芝士漢堡💰59呢款材料基本同黑松露芝士漢堡包一樣同芝士漢堡一樣，唔同係多左大啡菇，換上調製千島醬汁同double cheese，大啡菇好多水份，中和牛肉漢堡嘅膩，另外有醃製洋蔥，配料較豐富，👷🏻‍♀️略覺等兩塊芝士會太濃味，如果大啡菇厚肉啲會更好🥢炸燒賣魚香夠，外皮炸到香脆又有咬口，係必食！有成8粒份量比預期中多🥢無糖可樂🔸🔹🔸🔹🔸🔹🔸🔹🔸🔹🔸🔹🔸🔹✍🏻總評：加🔟服務費：❌👭🏻推薦指數：🌕🌕🌕🌕

香辣煙肉磨菇芝士牛堡 $54勁厚😍好香呀！！個包有烘過，入面都有啲醬好好食🤭重點係又有煙肉又有磨菇(個味都幾出😂)仲有芝士番茄生菜烤洋蔥👍🏼👍🏼超豐富呀！里個牛堡好抵食！塊牛都算厚身又juicy👍🏼推薦❗️❗️蜜糖芥末菠蘿豬堡 $42里個好refreshing!!!啱哂熱辣辣食，個菠蘿燒一燒個甜味更加出，同時亦都令到個豬無咁肥嘅感覺👍🏼👍🏼有創意呀！！！我地加咗$18變套餐，多咗個小食又多咗杯飲品🤞🏻魚手指 4條 (+$7)我揀咗蛋黃醬+ 蜜糖芥末醬😂蜜糖芥末醬比較深刻啲，酸酸甜甜，好食！至於飲品，餐包汽水個啲！不過見到佢有啲跟餐嘅飲品好似幾吸到🫢竟然有有汽香水檸檬鐵觀音(+$10) & 冷泡葡萄烏龍茶(+$5)好特別☺️特別係香水檸檬鐵觀音，係香港製造，外面都無見過，所以一定要試！！茶味都好出🫢👍🏼