嘉多利餅屋

营业中

休息中

今日買咗兩個包，一個係台式（灣）芋頭酥，一個咖啡朱古力鬆餅，一路行一路食，所以無影相。先嚟食個芋頭酥先，因為材料有肉鬆同咸蛋黃呢啲材料，相比起咖啡朱古力鬆餅，勉強都算“咸點”，所以食先😅當我一路行一路食個芋頭酥，我完全食唔到任何麻糬，肉鬆，蛋黃等材料，只有芋泥，而芋泥亦都無乜芋頭香味，食咗半個芋頭酥後，我好認咁食埋餘下半個，都係食唔到／揾唔到任何麻糬,蛋黃，肉鬆等材料，究竟係因為以上所講嘅材料份量太少，所以我食咗都唔知，還是根本就無放呢啲材料落去呢？🤔好彩個咖啡朱古力鬆餅意料之外的好吃，淡淡的焦糖咖啡味，個包又有點脆，呢個可以encore!

昔日街坊麵包店，自從客流量（特別係遊客）不斷增加以後，開始變得唔憂做。走了一趟去買些包點食，滿心想着回味一下以前親民的感覺。付錢的時候出現了少許延誤，卻立刻換來收銀阿姐無禮的對待，還真的嚇得有點反應不過來。相信整包師傅在烘焙房也不希望見到，他們亦想看到顧客們吃了他們親手製作的包點後，滿心歡喜的樣貌吧。質素好的麵包店說實話在香港並不難找到，有時候顧客想要的其實亦包括受尊重的對待。跟其他麵包店差的那一兩分，正正就是欠缺了（對於麵包店或是一間餐廳）沒有成本的簡單地給予顧客有禮的服務。你們都同意嗎？

一直以來都好喜歡嘉多娜的出品，無論是厚切餐肉滑蛋包、法包、Q餅、咖啡鬆餅、各式迷你包/bagel，以至蛋撻、鳳梨酥、曲奇，到後期的爆紅的布甸包等，全部出品都難得的平均又好味。作為開心果愛好者，得知嘉多娜有新品後已默默記下想試；另一半是日剛好遇到出爐時間，下班後給我帶回來，真是讓人又驚又喜。流心開心果麻糬布甸包 $13@/ $25/2布甸包用了麻糬波波的煙韌外皮，中間布甸軟滑，面頭開心果醬超濃郁，直接加了好多分，不過覺得還是用以前的外皮更為合襯。早前另一半都買了開心果燒餅給我，因為嘴饞沒拍照，新鮮熱辣的食好香好好味，個人認為更值得一試。

近來常光顧<嘉多利餅屋>，曾購買各款麻糬布甸、泡芙。近來開心果燒餅大熱，燒餅內餡有很多開心果粒，且皮薄軟糯，唯個人不喜歡甜食，略嫌偏甜。常回購的麵包：鹽可頌、枝豆煙肉包、藍莓橙皮合桃包和芝士蕃茄九層塔包鹽可頌：鬆軟鹽味麵包，無論是單食或是塗上牛油都很好吃，父母就是喜歡簡單的麵包。枝豆煙肉包、藍莓橙皮合桃包、芝士蕃茄九層塔包：三款都是有嚼口的細麵包，口味各有特色，$18/2個口味自由配搭。綠色枝豆配上咸味的煙肉，藍莓粒、橙皮清香配上合桃粒，濃味九層塔、蕃茄片配上芝士粒。早餐或是下午茶，以上一款細麵包，再配一杯飲品都是不錯的組合。毎一口都吃到配料，確實是真材實料。醒目魚柳包：麵包軟鬆，魚柳香脆，一塊生菜，配上千島沙律醬。

無去嘉多娜一段時間，原來何文田店新出左開心果麻糬布甸，迷你size幾好，食玩唔會太飽太膩！布甸包上層係濃稠開心果醬加上少許開心果碎，增加口感，裏面布甸既開心果味略嫌少了點，比較偏奶味，不過值得一讚係口感順滑而且不會過甜，搭配上煙韌麻糬外皮，多重口感，$13呢個價錢也是值得一試！

好耐冇食過嘉多娜，成日都見到有Food喺社交平台度強推佢哋嘅產品難得經過，咩都要試吓，將佢哋熱門嘅產品都買咗返屋企食開心果泡芙$25開心果泡芙係開心果關注組已經出現咗好耐，終於都比我食到開心果味非常之濃郁，真係好似食緊開心果咁個泡芙擺咗成日都仲係脆，仲要有開心果嘅icing，超級好食椰汁芋頭酥$10芋頭酥相對失色，個口感有啲實裏面嘅芋頭餡唔夠香，不過唔會太甜台灣3Q餅$10台灣3Q餅裏面有肉鬆、紅豆、蛋黃同埋麻糬本身諗住鹹鹹甜甜有啲奇怪，點知呢四樣嘢加埋味道非常之夾肉鬆同埋蛋黃令成粒3Q餅好香，紅豆餡又唔會太甜，麻糬非常之軟Q，整體嚟講就係好好食朱古力捲蛋$12正常軟硬幾鬆化

1️⃣ 開心果燒餅($10)價錢尚算合理💰 外觀看起來平淡無奇😌但一咬下去，哇😋😋😋 燒餅的外層烤得啱啱好😍呈現出金黃色的顏色，外皮唔厚😆皮薄軟糯🤩開心果餡超多😍開心果醬係自家磨製😇選用了意大利西西里及美國產地的開心果製作😆前者開心果香味較清新🤭成本較高🫣後者果仁味較濃厚🫢仲有粒粒開心果碎開心果濃度💯 好香濃又食到粒粒開心果🫡有朋友建議買三個燒餅疊埋😙然後一啖食落去😋好味指數：🍡🍡🍡🍡🍡何文田的嘉多娜分店：出爐時間是早上11時30分⏰————————————————📍 何文田窩打老道69號地下C2號🚇 港鐵旺角東站B出口,步行約12分鐘🕒Mon-Sun: 06:30-21:0

今次嚟到位於何文田嘅嘉多娜，一直都聽唔少人推介，係一間好有人氣嘅麵包店🧁店入面嘅地方唔算大，仲要長期有人光顧，所以係有啲迫嘅。今次試咗一個$20左右嘅明太子牛角包🥐，啱啱出爐超好食，係我食過最好食嘅明太子牛角包，我食完係立即推介身邊所有人！但係佢哋話買唔到，所以呢個牛角包睇嚟都係好人氣嘅🔥買唔買到都係睇彩數，只能說我同佢嘅相遇係一種緣份~如果大家見到佢一定要試吓~~另外聽朋友講佢哋嘅bagel🥯就麻麻啦，等我下次試吓係咪真係咁麻麻再同大家分享~

今天去了 -嘉多娜餅屋- 買了紫薯麻糬麵包，7$/個 20$/3個，在下午茶時段只想吃一點點東西，就買了一個🍠📌外表好吸睛，表面全是深紫之紫薯粉。麵包和紫薯麻糬的比例像是2:8😂麵包量不多，紫薯超級足料，味道天然和不甜，有種健康的感覺😂麻糬重奶味還是糯味，質感彈牙，沒有太黏的情況。

早排網上見到嘉多娜推出了新口味。。。。開心果燒餅。。。見到已經好想快d有得食。到左上星期經過。。。5點零鐘去到。門口貼左紙寫已售罄。。好失望🤨第2日再去一次。。都係失望而回。今日一早去。。。。。終於買到傳說中的開心果燒餅。。仲買6個。。等可以一人一個唔使爭一開盒已經聞到陣nuts味。。超好食。。d餡料好足。🤗🤗🤗🤗🤗好香開心果加花生香味。外皮咬落好煙韌。。。如果呢個組合做埋湯丸都不得了

之前見到未買過, 見到夜晚還有, 買個試下先🤗賣相幾靚仔😆有d似菠蘿包, 咬一下😋味道係唔錯, 外面有d開心果碎好香😍一咬入面好多綠色開心果醬走晒出來🤣🤣好香滑, 不過我個人就覺得甜左少少😅我自己就鍾意品穀的開心果雪山, 甜度啱我多d, 但依個都可以一試😚 口味都係好個人🤗

一直都對嘉多娜出品幾有信心，之前試過佢哋好多產品，包括法式布丁、餐蛋包、芝士吐司、貝果、方包、雞批、芝士撻同麻糬3Q酥，質素都唔錯，尤其鍾愛法式布丁至於芋泥酥、鬆餅、鳳梨酥、開心果泡芙同抹茶燒餅就相對普通今日經過窩打老道分店見到出左芋頭麻糬3Q酥，就即刻買嚟試試----------🔹芋頭麻糬3Q酥 $10餡料有芋頭蓉、麻薯、肉鬆、咸蛋黃面頭灑上滿滿芝麻，Size 夠大，芝麻幾香咬落去第一下覺得皮偏厚同偏乾，而且冇咩香味芋頭份量唔少，不過就毫無芋頭香，而且唔係好粉綿嘅口感；咸蛋黃同樣係冇乜香味又唔漏油；肉鬆同麻糬比例唔多，肉鬆唔酥唔香，麻糬唔夠煙韌，整體口感同味道都係合格以下，唯一讚嘅只係甜度唔高呢個酥真係令我幾失望，其實之前食過佢哋嘅芋泥酥都覺得佢哋揀嘅芋頭唔夠香，試埋呢個，係完全唔會再回購佢哋嘅芋頭出品

#鼠尾草食飲玩 #sagefoodiehk開心果😍 × 酥脆😚 × 香濃🫶🏻今次要介紹嘅係一間好出名嘅西餅舖🍰🏪。今次就啱出爐嘅時間，終於成功買到😚。試咗佢嘅國王布甸包👑🥐，即係酥脆嘅酥皮，包圍着濃郁嘅布甸燉蛋🍮。另外試咗佢開心果泡芙🌰，真係好大件，裏面嘅開心果醬好多好濃郁。🥮🥜國王布甸包嘅酥皮焗得香脆，一咬落去即刻化開，配合布甸燉蛋嘅滑順和濃郁口感，簡直係絕配！每一啖都帶嚟滿滿嘅滿足感。🤤🥐🍮開心果泡芙大大件！開心果醬嘅香氣和濃郁口感令人好滿足。一咬落去，醬料必曬出嚟。😍🌰🍩總括而言，呢間西餅舖嘅國王布甸包同開心果泡芙都非常出色！布甸包帶有酥脆和濃郁嘅口感，而泡芙則充滿開心果感。如果你鍾意甜品，一定要嚟呢間西餅舖試佢哋嘅signature！🍰😋💰 原味國皇布甸 ($25)💰 開心果泡芙 ($25)🥢 嘉多利餅屋🗺️ 何文田窩打老道69號地下C2號舖

今日有事要到何文田，就在過馬路時，看到對面的麵句舖人來人往，再望一望店名，才醒覺這是一間有名的傳統麵包店，出名的是麵包布甸。但見麵包布甸軟身，較難放進手袋內，我就買了一件拿破崙。一路都很喜歡食拿破崙，連地鐵站內的連鎖餅店買的已覺好味，這件真的不得了，脆脆的蛋白夾心，加上薄薄的奶油，酥脆的餅身，充滿著香濃的牛油味。雖然$25一件絕不便宜，但真的比大型連鎖店好味，比起新派的打咭網紅店尚算便宜，而且要支持用心經營的本土店舖，絕對值得！

幾間店，都差不多名字，一加多利、一kadorar、一kadoorie? 但網頁話其實都同一集團式都真係唔好話咩成日幫襯大陸嘢唔幫襯本地消費，你睇吓呢間加多利這個小型肉鬆包，味道沒有特別，而且體積非常細小，竟然夠膽索價$10/個，你看看鮑師傅那些肉鬆包，內裏帶點奶油甜香，平過你幾多，好食過你幾多，好難會令人想將錢擺喺呢啲本地麵包店嗰度消費。呢個燒雞包，中間有點醬汁在裏邊，因此不會太過乾，雖然有些還是雞胸粒，不過加點汁醬，總不算太過乾涸，味道還是可以接受的，不過都要成10幾蚊，的確難免令人有點而卻步。