影片
在报纸一侧小散文,说到香港的小店,总是敌不过租金,而结业。嘉咸咖啡……将在六月二十日,便结束营业了。一间在斜路上,不起眼的咖啡餐厅。却是我曾一吃难忘之地。所以好好把握余下的一星期,再去光顾。Late lunch时间,和姊姊不想吃太饱,点了一客沙律、两杯咖啡和两客甜品。三文鱼海撒沙律,象牙色的dressing,极香蒜味!而且很多芝士丝,和dressing夹之极!没味道的生菜,变得非常精彩。Mocha,份量细杯,简直是精华之作!!咖啡的苦吗?还是特级朱古力的醇??味道浓/平衡到,分不清是咖啡还是朱古力饮品。而且质感creamy!没想过,饮到一杯可以比拼文华饼店的mocha!朱古力蛋糕,如朱古力砖,超浓!Vienna,是由espresso加cream,饮过后,便分辨得出,刚才mocha的朱古力味。这杯Vienna, body很够厚,饮下有回甘!最后也要重温Tiramisu。依然好吃!Tiramisu, 09年吃,是$52,隔了三年多,仍卖$52。可是老板娘说,食材每次order每每涨价,租金更是难挨,真的做不住。所以也未打算在另地重开。吃过今餐,满意、惊喜的水准,叫我更是不舍「嘉咸」啊。很希望能再光顾多次,和后会有期!
继续阅读
星期六，又约咗同学仔Ivan兄食晏，两个几十岁男人仲叫同学仔，唔系一齐读过中小学𠮶啲，而系一齐走去学过整面包，面包班嘅同学仔。间唔时大家都唔使陪老婆，就约晌星期六收工食晏，贪无时限，慢慢吹水，食得轻松唔使赶住走。正度紧去边度食好，今次Ivan兄上网摷到依间Café Graham，见食评唔错，近SOHO𠮶边，较静局，所以好有兴趣一试。沿中环自动行人电梯直铲，顺路拍拍悭$2优惠站，去到士丹顿街转右插入SOHO，过咗一个街口就系嘉咸街，向大斜路下望靠左就揾到Café Graham，店子门面细细，唔留心都好易走漏眼，以前都行过好几次依段路，就系无为意所以一直唔知有食间咖啡店子。1:30pm去到，唔多客，得几枱人。咁佢本身都系间小店，枱都唔算多，粗略估计大概三十个位左右，呈长形，一室墙壁挂满好多画，感觉都几轻松写意。我哋拣咗个窗口位，光猛啲又有街景。午餐，一张A4纸印晒，但有好多选择，共20款，而且菜式颇特别，唔系大大路嘅鸡牛猪搭粉面饭配个汁，例如：「蟹肉、银鱼酱、蚬肉、红辣椒甜香草酱烩意大利阔条意粉」、「烟鸭胸、香蒜葡萄醋烩天使面」、「法式浓汤芹香烩牛肉配饭、意粉、薯菜」……等等，睇得出系有诚意之作。而主菜价位由$65-$93，包一杯餐饮，无餐包餐汤，所以都唔系平架，但就唔使加一。亚枝竹蕊、风干火腿、薄荷叶、松子仁烩长通粉 $72虽然我哋两个各自拣番心水嘅主菜，但都系打算一齐分享，好等大家都试到唔同特色。亚枝竹平时少接触，所以就拣咗佢。一份长通粉唔算好多，卖相亦未见突出，只系晌旁边加片蕃茄、青瓜、一粒蕃茜点缀下，但骤眼所见，风干火腿著实落得唔少，唯可惜亚枝竹就只有两个半件，叫咗一人一件都够分够试。亚枝竹味道酸酸，软腍，口感几得意，而风干火腿就轻炒过，咸咸香香，加上带有微微薄荷香，同粒粒松子仁，味道同口感都几特别。个人系略嫌长通粉稍硬，加上酱汁唔多，令整体个烩长通粉感觉有啲干。薯仔、陈年黑醋、黑糖、南亚香料烩牛仔骨 $89「陈年黑醋、黑糖、南亚香料」，就系依几样嘢吸引Ivan兄拣佢，混埋唔知个味道系点，好期待。原餐牌系写住「牛仔脾肉」，但手改咗「牛仔骨」，但最后食到嘅都系牛仔肉，我个人钟意牛仔肉多过牛仔骨，牛仔肉炆得好够腍，又有肉味。薯仔，唔知系咪咁啱得咁桥，都系得两件，叫够分，薯仔够粉有薯香。个卖相好似碟黑咖喱牛肉咁，酱汁深啡色，嗒落有醋酸香，醇厚唔呛喉，又带点黑糖独特嘅甜香，至于所谓南亚香料，就真系唔系好知有乜，咁多酱汁，梗系配饭最好啦。餐饮包例牌茶啡一杯，如果想转其他咖啡就要加钱，例如转意大利泡沫咖啡，就要加$10。我哋就无转，饮番普通即磨咖啡，睇佢只咖啡杯印住「Lavazza」个唛头，唔知系唔系卖嘅就系依款意大利品牌嘅咖啡呢？我唔系咩咖啡专家，咩品牌对我嚟讲都唔系太重要，总之觉得杯咖啡浓香、平衡、幼滑，我都已经觉得系个好享受喇，Graham杯咖啡，就我而言，都系称心之作啦。
继续阅读
今日同个Friend去咗Soho行，见到这间很小的店，原来系间食意大利菜的小cafe.我叫了一个辣肉肠意份，我个Friend叫了个Salad. 很好食，价钱平，有气氛。辣肉肠意份可以多啲意份啰!!这晚不多人客，服务算好。
继续阅读
四个人四围逛, 又唔知食咩好, 求其见有位就入呢间冷气唔多够, 环境亦几暗, 普通桌椅不算舒适一看餐牌, 哇, ok 贵呀, 但明明o的o野食都几普通……随意要了个鲍鱼粒、BB 露笋、银鱼酱香炒红饭鲍鱼粒数量一般啦, 有点咬口但味道只是罐头货(of course !!)露笋当真BB, 又少又幼, 亦不鲜甜……银鱼酱其实唔多知系咩味, 但应该系有o既最可取系健康红饭吧有杯o野饮o既, 但真系贵啰
继续阅读
平日中环返工，拣地方食午饭永远都系最头痛的事偶尔会选择一些较远离工作地方的午饭点比较多去的是嘉咸~ 因为贪其方便、近，但又有少少远离中环又加上佢地的食物做得很好~太太多数点 "鲍鱼粒红米饭"，而我则每次不同今天吃了 "鸭胸天使面"鲍鱼粒红米饭 基本上系冇投诉，上碟已经好香，红米好有口感~反而第一次试的天使面有惊喜，鸭胸味道很好，就连我不喜的天使面也做得很好，只是吃多一点有些咸饭后没有点甜品 (打算去买蔗汁糕)，但之前试过MUD CAKE - 劲正！未试过就一定要试!
继续阅读