影片
今日向新蒲岗大有街附近，都唔知食乜好，因为对这里唔多熟。行下行下见到有间鱼蛋粉，就入去试下。一坐低见到啲人食紧牛腩河，或者油菜要腩汁，我估应该是牛腩好食所以d人咁叫。\我都叫一碗鱼片头牛腩河同奶茶，先来一杯奶茶，跟茶餐厅一样冲得有茶味和香滑，但因为只杯唔热所以奶茶好快冻左。牛腩片头河来了，片头得2粒=.=好少又细粒，咬落弹牙，有鱼味，不过2粒就真系太少！牛腩一望就知有层次，一咬落去松化而且唔痴牙，有牛腩味，系清汤牛腩，份量多，好食。河粉份量都好多，有潮州果种风味，我个人觉得汤比较咸同浓味，如果可以淡少少会好啲。
继续阅读
喜欢到新蒲岗觅食因为此区小店多, 而且质素佳. 今次又找到一间高水准的粉面店 黄昏时候, 店内客人不多, 一坐下阿姐已过来下订单, 心情好, 一口气点了两碗:- 牛腩牛丸粉- 双并 - HKD27 牛腩软而入味, 偏瘦但一点也不干, 还带一些坑腩, 正! 牛丸郤不太爽口, 一看餐牌, 第一项是手制鱼蛋, 加上门口有售鱼蛋, 后悔没有点 下次一定回来尝 净水饺, HKD22 - 有生菜垫底, 五只肥大的水饺, 虾很爽口, 黑木耳也不少, 想不到潮州粉面店的水饺也原此不赖. 又多个理由回来光顾 此店座位寛敞, 地方清洁衞生, 灯光明亮, 令顾客吃得安乐!在付款时, 店内的员工围在一起吃晚膳, 全都是吃店内的牛腩. 牛杂, 鱼蛋粉面等, 吃得津津有味, 可见水准高, 大家也百吃不厌!
继续阅读
前两星期开始, 逢星期六下午都到新蒲岗上课。上课前找地方食LUNCH, 不想吃茶餐, 又不喜欢工厂区的西式餐厅, 无意中见到这家粉面面, 去到门店总听日大叔到喊"入黎坐, 自制鱼蛋潮洲粉!!"。我系潮洲人, 不喜欢没葱没蒜的粉, 而且河粉一定要潮式的才好吃! 店里的员工都是潮洲人, 我就已经自我感觉良好^^! 听住佢地讲潮洲话好有亲切感! 而且佢地对客人都好有礼貌, 成日都"唔该!!", "唔好意思"~第一次去食左牛肚水饺河, 牛肚炆得"林", 但不烂! 好入味! 水饺大大只, 皮薄, 鲜味!今次去叫左鱼皮饺河! 皮薄弹牙, 里面既肉好好食, 好鲜甜, 但又一D都唔咸 (唔知大家有冇留意, 好多鱼皮饺都做到好咸!)...第一次叫2味, 今次1味, 因为份量真系有够多! 上次食唔晒觉得好浪费, 点知今次都仲系差少少先食得晒><!!! 叫少底又怕唔够食........其实, 都系想讲句好抵食呀! 平靓正!
继续阅读
约左下午两点见工，十二点几就去到新蒲岗，梗系要揾个地方食野同hea下。行到爵禄街，沿途都有好几间餐厅，快餐店，茶记，星马菜都有，偏偏我就系吾想o系面试前食咁heavy，平平地简单食碗面就算。好彩都比俾我揾到呢间鱼蛋粉，一间o系新蒲岗开既“香港仔“鱼蛋粉 =.="入到去系典型既鱼蛋粉铺格局，我简左个舒服既卡位坐底。叫左碗鱼蛋河，加个我至爱既鱼皮。鱼蛋大粒弹牙有鲜味，未必系最好食既鱼蛋，但一定好食过四海鱼蛋好多倍！鱼皮就相当松脆，有好重鲜鱼味，不俗！埋单廿八蚊，心谂而家出街食野竟然仲可以二字头埋单，抵食！食完野，感觉饱满，抖擞精神，去迎接面试。
继续阅读
今日我同朋友两个人打完波谂住食D简单又饱肚既野，行过呢间粉面店，未试过咪入去试下。我见鱼蛋粉系呢间铺头既招牌货，我就叫左一碗鱼蛋河，我朋友就叫左一碗云吞米。D鱼蛋一食落口，就觉得不得了，十分弹牙爽口！河粉又滑又唔会lam pat pat！朋友就话佢碗D云吞，粒粒大大粒，同埋两碗粉都份量十足，岩哂打完波食，抵食夹大件！同埋D员工都好Nice，所以呢间铺头绝对值得推介，将会变成我地既饭堂！
继续阅读