嘆甜品

营业中

休息中

響堅城食完煲仔飯，老婆話堅城地鐵站附近開咗間新甜品屋叫嘆甜品，上網諗住睇吓咩料，點知見好多comments ，不過都係響粉嶺、屯門… 相信係港島間嘢新開所以未有。儘管已經有7、8分飽，當散步行咗去門口望吓八卦吓咩料先☺️門口見到有人排隊，望見餐牌有中式糖水，亦有西式甜品，見價錢尚算合理，姑且去試試佢哋有咩乎弗先。等咗10幾分鐘，入去嗌椰皇點知賣晒，最後嗌碗紅豆沙同楊枝甘露。紅豆沙（$30）叫做正常發揮，意料中事，點知碗楊枝甘露（$39）有料到，佢個芒果底杰身又夠凍，整體上叫高分，可以返食。下次早啲去，試吓個椰皇咩料子會咁快賣晒先得😙

食完晚飯四圍行下，經過堅尼地城士美菲路見咁多人響度，又燈光火著，於是行去八卦下，🥰原來有間新甜品開左，係*嘆甜品*，同事已經介紹過話呢間窩夫同燒賣好正，今次岩晒,母親大人正想食甜品，自己都想試吓，大概等左10分鐘左右就有位，舖頭唔係好大果種，但好企理，好乾淨，冷氣都足，話晒都係新舖，餐牌入面好多款式，見到就樣樣都好想食🤭最後揀左窩夫同中式甜品，果然，一試難忘😋窩夫顏值高😘又好味，貓貓劃花仲好靚👍🏻母親大人食中式桃膠椰皇都好正，好新鮮好味👍🏻，2個甜品都非常ok,可以食到每様嘢嘅味，唔係一味死甜果種，岩我哋口味，價錢又ok唔算貴，所以食完都回味🤭個餐牌入面仲有好多款，都好想好想試，下次約多D人一齊去，就可以試多啲款式，繼續支持👍🏻👍🏻

和朋友到新開嘆甜品食糖水。我叫左楊枝甘露（走奶+馬蹄爆珠），楊枝甘露用芒果沙冰底，芒果夠凍份量夠大，好食，性價比高！朋友叫咗椰皇榴槤飄香，一如其名好勁榴槤味，我老公聞到嗰陣榴槤味要行咗出去唞氣，D24果然真材實料，OK 勁！另外叫咗個雜果窩夫，個窩夫夠脆夠煙靭，一齊share就啱啱好！黑糖五保寶芋圓仙草，啲芋圓煙靭好食，個仙草好清涼，勁足料！每個糖水都好大份，足料!仲有炸魚蛋燒賣個椒鹽都好好食！暫時覺得不錯，希望之後都保持水準！