影片
营业时间
今日营业
14:00 - 00:00
星期一至日
14:00 - 00:00
以上资料只供参考，请与餐厅确认详情
响坚城食完煲仔饭，老婆话坚城地铁站附近开咗间新甜品屋叫叹甜品，上网谂住睇吓咩料，点知见好多comments ，不过都系响粉岭、屯门… 相信系港岛间嘢新开所以未有。尽管已经有7、8分饱，当散步行咗去门口望吓八卦吓咩料先☺️门口见到有人排队，望见餐牌有中式糖水，亦有西式甜品，见价钱尚算合理，姑且去试试佢哋有咩乎弗先。等咗10几分钟，入去嗌椰皇点知卖晒，最后嗌碗红豆沙同杨枝甘露。红豆沙（$30）叫做正常发挥，意料中事，点知碗杨枝甘露（$39）有料到，佢个芒果底杰身又够冻，整体上叫高分，可以返食。下次早啲去，试吓个椰皇咩料子会咁快卖晒先得😙
继续阅读
食完晚饭四围行下，经过坚尼地城士美菲路见咁多人响度，又灯光火著，于是行去八卦下，🥰原来有间新甜品开左，系*叹甜品*，同事已经介绍过话呢间窝夫同烧卖好正，今次岩晒,母亲大人正想食甜品，自己都想试吓，大概等左10分钟左右就有位，舖头唔系好大果种，但好企理，好干净，冷气都足，话晒都系新舖，餐牌入面好多款式，见到就样样都好想食🤭最后拣左窝夫同中式甜品，果然，一试难忘😋窝夫颜值高😘又好味，猫猫划花仲好靓👍🏻母亲大人食中式桃胶椰皇都好正，好新鲜好味👍🏻，2个甜品都非常ok,可以食到每様嘢嘅味，唔系一味死甜果种，岩我哋口味，价钱又ok唔算贵，所以食完都回味🤭个餐牌入面仲有好多款，都好想好想试，下次约多D人一齐去，就可以试多啲款式，继续支持👍🏻👍🏻
继续阅读
和朋友到新开叹甜品食糖水。我叫左杨枝甘露（走奶+马蹄爆珠），杨枝甘露用芒果沙冰底，芒果够冻份量够大，好食，性价比高！朋友叫咗椰皇榴梿飘香，一如其名好劲榴梿味，我老公闻到𠮶阵榴梿味要行咗出去唞气，D24果然真材实料，OK 劲！另外叫咗个杂果窝夫，个窝夫够脆够烟靭，一齐share就啱啱好！黑糖五保宝芋圆仙草，啲芋圆烟靭好食，个仙草好清凉，劲足料！每个糖水都好大份，足料!仲有炸鱼蛋烧卖个椒盐都好好食！暂时觉得不错，希望之后都保持水准！
继续阅读
您可能会有兴趣的...