嘆燒Bar (已結業)

無意中路過高山剧場附近揾食，剛好見佢門口有咪錶位，有張台仔在路邉，都好可以睇住架車。4條友，坐咗二粒鐘，KO咗。。。2塊澳洲西冷，手掌咁大，肉質有咬口，多汁，好味2塊紐西蘭西冷，都係手掌咁大，粉嫩肉質超多汁，超淋，比較肥，所以燒起上嚟好香，好正。＊＊兩者比較，紐西蘭西冷比較香，超淋，嫩滑＊＊6條牛仔骨，肉質嫩滑，多汁，容易离骨，好味4塊紐西蘭羊架，呢個羊架完全無羶味，大大塊，$38二件，抵食夾好味，我至愛2碗藥膳鷄腳，好淋，湯好香濃，兩個女人，一人要飲一碗。。。補呀~＊＊食到呢到，已經有少少飽，但老公仲要叫，結果。。。燒鴨胸，好好食，想再叫多客，但賣晒。。。唯有留待下次再安歌燒鮮冬菇，多汁，唔干，好味燒鷄翼，係我至愛嘅新疆香草味，好食到唔停得口有骨腸，好特別，醬汁有少少辣，好野味仲有。。。燒鷄皮，燒豬頸肉，燒墨魚仔，蠔油白菜仔等已飽到食之無味了，所以唔識評最後同老板閒聊，原來佢哋係用冰鮮料，所以西冷同羊架可以咁juicy，老板話，你食嘅牛，上星期仲係澳洲食緊草，今晚已經在你肚中，聽完有少少內疚添，想同隻牛講聲對不住。牛魔王快D去試喇，$45塊冰鮮紐西蘭西冷，自己去city super買

去完觀音廟借庫, 心思思又想食西冷, 所以同埋2個朋友又去食一開始, 當然叫左我至愛既澳洲西冷, $68/件 超抵食嘩, 今次重做得好過上次, 一上枱個賣相己經相當吸引肉味香濃, seasoning 重好好味, 問下先知, 原來係用左澳洲既 lemon pepper真係好有heart, 值得再黎跟住, 就叫左件紐西蘭西冷, 好似係$48/件d 肉比澳洲西冷tender, 不過, 肉味就唔夠澳洲西冷香濃所以, 下次如果2種都食, 一定要食左紐西蘭西冷先, 再食澳洲西冷最驚喜係, 佢地比左d 自家制既醋蘿蔔絲伴碟, 好好味, 真係好正 !之後, 就叫左 d 串燒食雞肉同雞腎串燒 - 係我d friend 食, 我冇食, 佢地話都 ok鹽燒墨魚仔 - 好香口, 啱晒送啤酒, 我地 encore 多一次烚粟米 - ok 啦, 不過不失羊架 - 我都係鐘意澳洲西冷多d燒菇菇 - 我冇食, 但我d friend 勁讚, 話好味, 好多汁, 唔會燒到乾晒燒雞翼 - 我都冇食, 我d friend 話都 ok燒豬頸肉 - 好味, 好汁做得好好, 正!做蜜汁鴨胸真係好得, 好野味所以要 encore

尋日同男友去土瓜灣, 見到開咗一個串燒店, 店舖雖然細細, 但係好光猛又乾淨, 決定坐低 一試...一向好"羊"既我, 嘩...見到有燒羊鞍, 即刻order啦, 好好味呀, 唔"騷"又有羊味, 超讚呀我地重叫咗好多野食呀: 燒冬菇(估唔到會咁juicy喎, 好味), 雞軟骨, 燒雞皮(好脆, 好香, 一d都唔油膩), 燒鴨胸, 骨付腸(個名好似係咁, 幾好食架喎), 燒八爪魚仔(好得意架d八爪魚仔, 出面都未食過架), 燒豬頸肉同燒雞肉(個沙爹醬超野味, 老闆話係專登搵印尼師傅整架, 唔怪得咁好味啦,) , 我地重叫咗兩碗湯添(好濃, 好濃, 飲到係落足料煲, 同埋係冇落味精既, 因為飲完一d都唔口渴, 抵讚!!!) 我地重聽到另一枱d食客話個燒西冷好好味呀, 下次我地都要試吓先得..其實一去到見到個cake櫃, 已經諗定食咩cake啦 , 我地叫咗Tiramisu 同提子冧酒cake, 好有酒店既水準, 好好味, 個冧酒cake好濃酒味, 好鍾意呀..哈哈..總括黎講, 好岩心水, 下次一定再去食過..yeah~(PS. 我地食野期間, 見到好多街坊黎買外賣, 同老闆老闆娘都好

同朋友晌土瓜灣搵食見到一間新開小食店, 就入去試下點知有驚喜 ^0^/ 又發現多個飯堂我地2個人, 食左紐西蘭西冷 - $68/塊嘩, 超讚 !!! 一定要試雖然係小食店一間, 但超好味, 肉質鮮嫩, 平過自己晌 city super 買, 值得一食粟米, 叫左烚既 (因為之前一日己經燒完野食, 己經好熱氣)一般啦, 老左少少問過老闆, 因為新年, 所以差少少見到枱上面介紹限定北海道墨魚串就叫左一碟幾 ok 喎, 鹽燒, 好野味, 送啤酒一流不過, 如果有埋汁燒選擇就好啦叫左個沙爹豬頸肉個沙爹汁幾好味^0^ 竟然晌土瓜灣見到咁多 cake $15/件一定要食返幾件啦 ^0^叫左紅豆豆腐蛋糕, 藍莓芝士蛋糕同埋石板街好味, 有酒店水準, $15/件, 好 ok以後, 飯後甜品有著落 lu

自從上次寫潮豐魚蛋粉既食評後．．．在家既地區發現左一間新開的串燒專門店。大家可能一聽到串燒．．．會覺得．好熱氣，等等既煩惱．什或是好烘．但是這一家卻叫大家明白．串燒不是一定烘才是好吃．這店鋪雖然只是開店一個星期多．．我仍前往一試．．一如以往．．點了雞軟骨串，汁燒雞皮串等燒物一試一試．．感覺很新鮮．．食材並沒有放置良久或是任何問題．．除了燒得認真外．他們對任何食物亦經過他們親身試食及把味道加以改良．．除了串燒．．還有　頂級的西冷牛扒 $45一大塊這塊扒既份量十足.燒7成熟.味道十分好他們並沒有為了令牛扒看下去更大塊以加入鬆肉粉等等的劣物就這樣原塊燒.不落調味..燒成後灑上少許調味粉就成了肉質及口感一流.非常鮮味!!!值得一試!!串燒說完..(你地唔好以為得串燒先得架t^t)\仲有既系....西式甜品..包括西餅..林明頓..以及木糠布甸都是很有特色的!!除以上的食物外..還有老火湯($8)碗,精選飯等等!!希望大家都會前來試試@!@

好耐無寫食平評不過宅此小食店認真抵食係要讚嘅。 上兩個星期六落士爪灣整D嘢行經江西街就比佢燒香味吸引。停抵睇睇個歺牌，嘩$45紐西蘭西冷，我老公話点都要試下！即叫即燒，所以等咗一陣。見佢哋都新手，開始有啲擔心，但係燒咗出來個樣好ok，食落仲得。燒到五乘熟咁上下勁有牛味又軟又『林』 我唔係好『好』羊都忍唔住叫了一客羊架$38(因為太平係要試下) 呀，點知仲搞掂一啲都唔酥。雖然土瓜灣唔會經常去，不過揸開車駛過去都ok吖P.S: 係快餐店模式座位小而窄一啲！