影片
无意中路过高山剧场附近揾食，刚好见佢门口有咪表位，有张台仔在路邉，都好可以睇住架车。4条友，坐咗二粒钟，KO咗。。。2块澳洲西冷，手掌咁大，肉质有咬口，多汁，好味2块纽西兰西冷，都系手掌咁大，粉嫩肉质超多汁，超淋，比较肥，所以烧起上嚟好香，好正。＊＊两者比较，纽西兰西冷比较香，超淋，嫩滑＊＊6条牛仔骨，肉质嫩滑，多汁，容易离骨，好味4块纽西兰羊架，呢个羊架完全无膻味，大大块，$38二件，抵食夹好味，我至爱2碗药膳鸡脚，好淋，汤好香浓，两个女人，一人要饮一碗。。。补呀~＊＊食到呢到，已经有少少饱，但老公仲要叫，结果。。。烧鸭胸，好好食，想再叫多客，但卖晒。。。唯有留待下次再安歌烧鲜冬菇，多汁，唔干，好味烧鸡翼，系我至爱嘅新疆香草味，好食到唔停得口有骨肠，好特别，酱汁有少少辣，好野味仲有。。。烧鸡皮，烧猪颈肉，烧墨鱼仔，蚝油白菜仔等已饱到食之无味了，所以唔识评最后同老板闲聊，原来佢哋系用冰鲜料，所以西冷同羊架可以咁juicy，老板话，你食嘅牛，上星期仲系澳洲食紧草，今晚已经在你肚中，听完有少少内疚添，想同只牛讲声对不住。牛魔王快D去试喇，$45块冰鲜纽西兰西冷，自己去city super买都唔得。唯一唔方面，地方太细，店内只可以坐高櫈Bar台（6-8位），大伙朋友容纳唔到，门口路邉放有二张台仔，天热比较辛苦~
继续阅读
去完观音庙借库, 心思思又想食西冷, 所以同埋2个朋友又去食一开始, 当然叫左我至爱既澳洲西冷, $68/件 超抵食哗, 今次重做得好过上次, 一上枱个卖相己经相当吸引肉味香浓, seasoning 重好好味, 问下先知, 原来系用左澳洲既 lemon pepper真系好有heart, 值得再黎跟住, 就叫左件纽西兰西冷, 好似系$48/件d 肉比澳洲西冷tender, 不过, 肉味就唔够澳洲西冷香浓所以, 下次如果2种都食, 一定要食左纽西兰西冷先, 再食澳洲西冷最惊喜系, 佢地比左d 自家制既醋萝卜丝伴碟, 好好味, 真系好正 !之后, 就叫左 d 串烧食鸡肉同鸡肾串烧 - 系我d friend 食, 我冇食, 佢地话都 ok盐烧墨鱼仔 - 好香口, 啱晒送啤酒, 我地 encore 多一次烚粟米 - ok 啦, 不过不失羊架 - 我都系钟意澳洲西冷多d烧菇菇 - 我冇食, 但我d friend 劲赞, 话好味, 好多汁, 唔会烧到干晒烧鸡翼 - 我都冇食, 我d friend 话都 ok烧猪颈肉 - 好味, 好汁做得好好, 正!做蜜汁鸭胸真系好得, 好野味所以要 encore 多一碟先够喉食左好多热气野, 即刻叫返碗青红萝卜汤好甜, 好够料, 重冇味精, 有诚意最后, 当然系叫我至爱既甜品哗, 大发现除左有西饼之后, 竟然有埋中式糖水食到咁饱, 都忍唔住要叫齐 cake 同埋蕃薯糖水做德国 cheese cake 真系值得推介, 好彩最后一件比我手快买左听店主讲, 呢个 cake 好多人钟意食, 入货一日就卖晒食完都同意, 因为, 呢个 cake一层层, 唔会好似 new york cheese cake 咁"留", cheese 味又够浓下次一定要再食蕃薯糖水 - standard 野, 不过, 土瓜湾上路无咩糖水铺佢地有中式糖水, 所以都值得推介下3个人每人$134, 唔算平, 不过用料靓, 做得几有诚意, 值得再黎
继续阅读
寻日同男友去土瓜湾, 见到开咗一个串烧店, 店舖虽然细细, 但系好光猛又干净, 决定坐低 一试...一向好"羊"既我, 哗...见到有烧羊鞍, 即刻order啦, 好好味呀, 唔"骚"又有羊味, 超赞呀我地重叫咗好多野食呀: 烧冬菇(估唔到会咁juicy㖞, 好味), 鸡软骨, 烧鸡皮(好脆, 好香, 一d都唔油腻), 烧鸭胸, 骨付肠(个名好似系咁, 几好食架㖞), 烧八爪鱼仔(好得意架d八爪鱼仔, 出面都未食过架), 烧猪颈肉同烧鸡肉(个沙爹酱超野味, 老板话系专登揾印尼师傅整架, 唔怪得咁好味啦,) , 我地重叫咗两碗汤添(好浓, 好浓, 饮到系落足料煲, 同埋系冇落味精既, 因为饮完一d都唔口渴, 抵赞!!!) 我地重听到另一枱d食客话个烧西冷好好味呀, 下次我地都要试吓先得..其实一去到见到个cake柜, 已经谂定食咩cake啦 , 我地叫咗Tiramisu 同提子冧酒cake, 好有酒店既水准, 好好味, 个冧酒cake好浓酒味, 好钟意呀..哈哈..总括黎讲, 好岩心水, 下次一定再去食过..yeah~(PS. 我地食野期间, 见到好多街坊黎买外卖, 同老板老板娘都好好倾, 唔错唔错... )
继续阅读
自从上次写潮丰鱼蛋粉既食评后．．．在家既地区发现左一间新开的串烧专门店。大家可能一听到串烧．．．会觉得．好热气，等等既烦恼．什或是好烘．但是这一家却叫大家明白．串烧不是一定烘才是好吃．这店铺虽然只是开店一个星期多．．我仍前往一试．．一如以往．．点了鸡软骨串，汁烧鸡皮串等烧物一试一试．．感觉很新鲜．．食材并没有放置良久或是任何问题．．除了烧得认真外．他们对任何食物亦经过他们亲身试食及把味道加以改良．．除了串烧．．还有 顶级的西冷牛扒 $45一大块这块扒既份量十足.烧7成熟.味道十分好他们并没有为了令牛扒看下去更大块以加入松肉粉等等的劣物就这样原块烧.不落调味..烧成后洒上少许调味粉就成了肉质及口感一流.非常鲜味!!!值得一试!!串烧说完..(你地唔好以为得串烧先得架t^t)\仲有既系....西式甜品..包括西饼..林明顿..以及木糠布甸都是很有特色的!!除以上的食物外..还有老火汤($8)碗,精选饭等等!!希望大家都会前来试试@!@
继续阅读
好耐无写食平评不过宅此小食店认真抵食系要赞嘅。 上两个星期六落士爪湾整D嘢行经江西街就比佢烧香味吸引。停抵睇睇个歺牌，哗$45纽西兰西冷，我老公话点都要试下！即叫即烧，所以等咗一阵。见佢哋都新手，开始有啲担心，但系烧咗出来个样好ok，食落仲得。烧到五乘熟咁上下劲有牛味又软又『林』 我唔系好『好』羊都忍唔住叫了一客羊架$38(因为太平系要试下) 呀，点知仲搞掂一啲都唔酥。虽然土瓜湾唔会经常去，不过揸开车驶过去都ok吖P.S: 系快餐店模式座位小而窄一啲！
继续阅读