営丼

营业中

休息中

#上水美食 抵食之選 ✨営丼一個價錢食到丼飯+烏冬啱哂三心兩意嘅朋友仔～😆上水廣場5樓多咗好多食店今次食呢間営丼幾抵食必食推介✨溫泉蛋焦糖菠蘿芝士牛漢堡丼飯超級大碗！份量十足好豐富薄切牛肉湯烏冬讚岐烏冬口感彈牙，清清地幾好食小食🐥唐揚脆炸雞每件都好大舊啖啖肉🥟雞皮餃子外皮唔係好脆卜卜個款，咬開好多肉汁🍤吉列海鮮拼盤有海蝦、竹莢魚及生蠔外層酥脆，不過要小心魚有啲細骨🐟自助區有多款醬料同調味粉免費提供紙巾和水，服務貼心🩷整體食物都唔錯，價錢合理👍🏻份量多味道都幾好，值得再去如果係附近返工諗唔到食咩都會係我首選😋😋

臨上深圳之前，先係上水廣場搵嘢食醫下肚先，上到去5樓，全部都係食肆，最後揀咗宮丼食日式料理 ♥️ 兩個人揀咗兩個餐同三款小食，每樣食物都超有驚喜！而且價錢平，性價比極高！必定回頭！我揀咗醬汁牛漢堡丼 + $10配前菜同味噌湯醬汁牛漢堡真係值得一讚！一咬啲醬汁必晒出嚟！真係好好食！而且口感好鬆軟！好Juicy！仲有特色丼，選擇困難症必選！飯同烏冬雙拼！屋企人點咗雞丼飯+腐皮湯烏冬！另外仲揀咗三款小食，海苔薯條、雞皮餃子同牛油北海道粟米粒，小食值得一讚！完全唔馬虎！海苔薯條一上枱熱烘烘，脆卜卜，好好味！雞皮餃子一致好評，極速吃清光！薄薄嘅雞皮，一咬勁多肉餡！真係好好食！牛油北海道粟米粒，牛油味香濃，好食！

上水廣場5樓有多間食肆，去咗営丼食晚飯，餐廳主打食日式料理，丼飯、烏冬、炸物小食都有，價錢唔貴，味道都唔錯！🔸溫泉蛋焦糖菠蘿芝士牛漢堡丼飯 $72有兩大塊好厚嘅漢堡扒，入口充滿着肉汁，其中一份更有車打芝士，令味道更為豐富！丼飯上仲有溫泉蛋同一片焦糖菠蘿，份量十足🔸牛丼飯＋腐皮湯烏冬 $73三心兩意嘅我揀咗呢個雙拼組合，有齊牛丼飯同烏冬，烏冬口感彈牙，湯底偏濃味，牛丼份量都唔少，米飯加入醬汁食落更香口🔸唐揚炸魷魚鬚 $33 / 唐揚脆炸雞 $33 / 牛油粟米粒 $16呢度炸物即點即炸，魷魚鬚炸粉厚薄適中，炸雞大件都juicy! 粟米粒充滿牛油香，做小食是不錯的選擇

呢期同上水幾有緣，幾日都喺呢邊收工。收工即刻食飯太肚餓。今次想講下食咗嘅日式丼飯。😋1️⃣招牌美國牛肋條丼飯（豐盛）見到係招牌即刻叫咗，牛肋條炆得軟腍入味，肉嘅份量幾多！個汁勁送飯，撈埋啲飯一齊食，不知不覺食晒成碗。2️⃣鹽香蔥溫泉蛋牛丼飯嚴香蔥真係好香，啲蔥好新鮮！蔥同鹽原來係咁夾，溫泉蛋牛丼飯食得多，搭配鹽蔥更加惹味。呢個飯得，可以再嚟食👍🏻3️⃣唐揚炸魷魚鬚呢隻魷魚鬚食到鮮海水味，唔係淡茂茂好似咬緊橡筋嗰啲咁，炸皮薄脆，好食嘅😋4️⃣雞皮餃子四件估唔到雞皮餃子可以甘脆，成件事好似食緊春卷咁，咬落第一個香味傳送到嗅覺係好香嘅雞油味，餡料係豬肉白菜，ok嘅👍🏻

再黎到上水廣場搵朋友食飯，上次黎呢度食完，發現原來5樓有好多餐廳，見到呢個日式牛肉飯好吸引，今次就食呢間。lunch 時間好多人啊，好多學生都黎食，因為價錢真係比較平民，而且款式多。🍱美國牛肋條拌烏冬（$72）牛肋條炆得好林好入味，醬汁唔會太咸又好夠味，好match😋😋🍱精緻三色丼飯（$66）一次過食晒唔同既丼，包括豚，牛，雞，好滿足😋🤩雖然豚丼d汁唔算好多，但原來好夠撈飯。個醬汁係類似台灣肉燥咁，有d 肉末喺醬汁度。雞丼係配洋洋蔥，好清新。牛丼係肥牛片，配上牛肉汁，好似日本餐廳專食牛肉飯既味道😋😋🍱脆炸芝士雞中翼（$26）每一隻雞翼都比黃金既外皮包住，好香脆，同埋好有濃郁既芝士味，正😋🍱雞皮餃子（$19）雞皮餃子好有特色，好鐘意食香口野，用雞皮黎做皮，令餃子更香🤤🤤😋🍱唐揚炸魷魚鬚（$33）魷魚炸到金黃色😍而且炸粉唔多，每條魷魚鬚都好粗，煙煙韌韌好有咬口😋

同朋友試咗間日式快餐店麻辣醬汁牛丼飯（豐盛）牛肉嫩滑，份量多，麻辣醬汁惹味，微辣帶麻香，飯吸晒汁好食，唔會太辣👍🏻跟餐加小食吉列海鮮拼盤（海蝦/竹莢魚/生蠔）海蝦爽彈，竹莢魚嫩滑，生蠔juicy又鮮，炸得酥脆，配他他醬好開胃，但份量略少😆鰻魚拼牛丼飯鰻魚燒得香，甜醬汁軟糯；牛肉嫩滑多汁，洋蔥入味，兩款一齊食好有層次，超滿足！😌加小食唐揚脆炸雞六件雞肉多汁，外層炸得脆口，調味香而不膩，六件份量啱啱好，係正宗日式風味👍🏻熱宇治大麥麥茶$8抵飲，清香順喉，暖笠笠好舒服，配餐一流！

📍営丼 (上水)上水龍琛路39號上水廣場5樓502B號舖工作關係要到呢邊睇一睇工程⚠️ 收工攰到喊🫩又塞車塞到暈😵‍💫😵🤮 即刻去到鄰近商場-上水廣場食個快靚正飯，補充下體力先💪🏻🪭招牌美國牛肋條丼飯 $116套餐加配是日前菜，味噌湯，道地巨峰玉露，焦糖芝士雞中翼 🪭鰻魚丼飯+腐皮湯烏冬 $106套餐加配是日前菜，味噌湯，熱宇治大麥麥茶🪭三色小食 （螺肉，芝麻八爪魚，中華沙律） $33菜單選擇十分之多，有飯有烏冬仲有好多款小食，真係任君選擇同配搭🙂 眼見入座的大部份都係住附近嘅街坊，好多一家幾口好似飯堂咁落嚟食（因為個餐牌望咗2秒就嗌到嘢食應該都係幫襯開嘅街坊😂）。

叫咗兩個抵食午餐丼飯套餐，真係好滿足！第一個係和風生姜牛井飯套餐，加配咗熱宇治大麥麥茶同唐揚炸魷魚鬚。牛丼飯嘅牛肉份量好多，而且煮得入味！熱宇治大麥麥茶清香解膩，唐揚炸魷魚鬚炸得金黃香脆，魷魚味好香。第二個係牛丼飯＋腐皮湯烏冬套餐，加配道地檸紅茶同三色小食（螺肉、芝麻八爪魚🐙、中華沙律）。呢個套餐嘅牛丼飯同第一個一樣咁好食，腐皮湯烏冬，腐皮滑嫩，烏冬彈牙。三色小食：中華沙律同螺肉都爽口、芝麻八爪魚惹味。呢兩個抵食午餐丼飯套餐都非常值得推薦！份量十足，味道唔錯，價錢又合理，絕對係午飯好選擇！

啖啖肉又香甜嘅鰻魚係唔少人至愛😋，今期介紹呢間口碑唔錯嘅鰻魚飯畀大家，有傳統日式鰻魚飯、街坊抵食店，使用了秘製醬汁，配上口感香脆的鰻魚，非常下飯好吃。酥炸魷魚鬚🦑有誰不愛 又香口又惹味食落脆卜卜得嚟又有咬口😍，估唔到喺呢度可以食到😋😋製創意口味餃子餃子炸至金黃香脆最緊要就係試買菠蘿漢堡🍔飯😋😋真係超級Juicy值得再來試。其餘嘅小食就唔多講啦，反正呢一間服務態度同水準都好值得推介👍👍。

営丼📍上水廣場5樓502 B舖* #招牌美國牛肋條丼飯(豐盛)：嘩！呢個丼飯真係名副其實「豐盛」！牛肋條份量十足，炆得夠腍夠入味，肉汁豐富，入口即溶！配菜亦相當豐富，有爽脆嘅是日前菜，還有暖胃嘅味噌湯，簡直係完美組合！😋* #牛丼飯+腐皮湯烏冬：呢個牛丼飯同樣出色，牛肉嫩滑，醬汁甜甜鹹鹹，好惹味！而腐皮湯烏冬，湯底清甜，烏冬彈牙，腐皮軟滑，係個好舒服嘅配搭！👍* #雞皮餃子四件：雖然只係四件，但每件都煎得金黃香脆，雞皮餃子內餡飽滿多汁，口感一流！😋* #三色小食(螺肉, 芝麻八爪魚, 中華沙律)：呢個三色小食拼盤好適合做前菜，螺肉爽口彈牙，芝麻八爪魚香氣撲鼻，中華沙律清新解膩，三款小食各有特色，互相配合得好好！👏* #冷/熱宇治大麥麥茶：茶味濃郁，麥茶嘅清香同宇治抹茶嘅苦澀完美融合，回甘悠長，係個好飲嘅飲品！🍵呢餐係我近期食過最滿意嘅一餐！食物質素高，份量十足，性價比超高！下次一定會再嚟幫襯！🤤#営丼 #上水美食 #香港美食 #日本菜 #丼飯 #牛肋條 #牛丼 #餃子 #烏冬 #麥茶

小朋友中意食，味道又啱我，有吾同選擇，小朋友細食，又可以叫個迷你餐，價錢合理，之前係商場食過某間日式餐廳，價格貴得黎，D飯鎹吾知點解咁甜，食落去巳經無曬胃口，可能吾啱我口味。