喵喵茶聚

营业中

休息中

香辣XO醬撈麵：好！難！食！佢哋唔會幫我撈⋯⋯就咁加勁多豉油喺底（鹹到傻咗，食咗幾啖真係食唔落⋯⋯），之後叫做係咁咦加一pat仔XO醬喺面，我打開嗰下真係呆咗😂然後個XO醬係撈唔開🥴唔知佢哋放咗幾耐⋯⋯個餐包嘢飲，不過杯嘢飲淡到呢😂同飲水差唔多🥴上次經過都有試下齋買嘢飲，都係勁淡味⋯⋯仲有嗌手抓餅，唔明點解可以整到唔熱😂我行翻屋企其實都係3至5分鐘路程，唔會凍得咁快⋯⋯根本就似冇幫我整熱過⋯⋯真係唔會再食！

我從未食過咁難食嘅手抓餅，塊皮完全唔喺嗰回事、同坊間嘅手抓餅皮有天淵之別，如果有食過慧食貓嘅，可以同你講呢間絕對會令你失望，呢間出嚟塊餅白雪雪、又無煎過，而且單價同出面差唔多，豬柳+蛋+菜承惠$35，但質素不能接受，本身打算見元朗好少手抓餅店所以試試，但一試就伏伏伏，喺差到連相都唔想影

平時成日經過呢一間小食手搖飲品店，都冇機會試吓，見到有啲飲品做優惠，$10一杯，值得試吓。揀咗個做緊優惠嘅楊桃海鹽果茶，最後尾揀咗大杯，加咗寒天$20埋單。紙杯好有心機好可愛。飲品味道都唔錯，略嫌唔夠楊桃嘅酸味味。寒天都加咗好多，啖啖都有。佢哋都有好多小食，下次可以試吓，不過Menu望落去有啲繁複，太多字，建議可以執整一下，客人有機會望落更加吸引

行過想飲杯嘢，是但買咗杯芝士奶蓋，點知中伏，就咁用蓋一飲，第一啖已經冇乜奶蓋，成杯好似奶水咁，差，平時冇寫食評嘅，我即刻好想食食評，茶又唔係好味，芝士味得第一啖有，仲要係唔好味

應該係新店開張 近近地支持下啦 諗住好快咁食串魚蛋走人 $10/6粒spicy 全日落肚既野 食完就又開工 等左5min 咁…就等下啦 等左我覺得世紀耐 可能冇預要等等佢喺雪櫃拎再整熱再叮完最後覺得係咪未熱哂 。。定係呢隻魚蛋係咩品類我食唔出 好霉?好似一層層咁？有啲奇怪既texture 未食過係咁 但個汁係好食既汁 等左陣都有睇其他野 好似都中規中矩 但包類多 toast 都有糖水 同鮮榨汁 定價同cafe差不多 冇暫時好大興趣 繼續觀望下次再睇下有咩岩食啦唯有