喫茶ちょうぼ

营业中

休息中

餐廳裝潢格調走日本昭和洋食屋風格，深啡色木質傢俬帶出古典美，很有穿越劇的感覺。先點兩杯飲料再慢慢點菜。【泡沫咖啡】味道香濃，喝著令人心情放鬆；漂亮的金色櫻花玻璃杯裝著淡粉紅色的【櫻花梳打】，淡淡甜味感覺清新。【明太子蛋包意粉】鮮黃色的半熟蛋包，切開像流動的熔岩般，意粉口感creamy，還有鮮味十足的三文魚籽提味。【牛肉芝士漢堡】很大個漢堡，牛肉肉味濃郁又多汁，配大量熱辣辣粗薯條，吃到很飽很滿足～【日式炸雞翼】外皮又甜又脆，雞肉嫩滑。【櫻花日式布甸船】布甸甜度剛好不會膩，旁邊櫻花形狀羊羮，和風造型煞是好看，果凍口感涼爽軟糯，吃得令人心情愉快～

見到openrice話呢個好好食，環境好舒適，今日諗住經過就試下。但原來食評唔一定係準。等左唔夠5分鐘就入座，前面有1個人就安排1張枱，我1個人就安排坐大枱同人搭枱。仲要係見到好幾枱都係1個人坐一張枱。一係你就問人願唔願搭枱先俾人入座，一係你就門口寫到明會搭枱，點解要咁唔公平先。你見lunch多人想番多d枱的話就諗下點安排入座。唔係左搭右搭，你賣緊唔係酒樓茶餐廳服務，係日式餐廳，理應係休閒舒適？等候野食個陣，仲見到隔離客人未食完野，放低叉一陣，已經有侍應沖過黎問”係咪食完，幫你收走“。感覺上好似想個客你食完就走喇咁。食物黎到，見到對面客人叫同樣的紅酒牛面肉蛋包飯，我的就切好上枱淋好多汁，人地就上枱先切再淋汁，唔明點解待遇唔一樣。因為我一個人去食飯？所以要快快手？蛋包假本身抱好大期望，但原來推介的未必一定好食，牛面肉勁多脂肪，仲要一舊舊咁上，真係好奇餐牌上的蛋包飯漫畫係畫緊邊一款飯？食左一半就唔想要食。咖啡味道同香味都okay。原本仲想試布甸，但見要同人搭枱，個蛋包飯又會咁上枱，所以我都唔想再食。很可惜地餐廳明明想製造日式風格俾人打卡，賣緊日式咖啡廳的價錢，但俾茶餐廳的服務及食物質素。

上次嚟K11經過 見到裝修以深色木為主 好似幾靚 食物主打蛋包飯 賣相都唔錯今日再嚟K11 就試吓佢啦原來唔止裝修 啲餐具都幾靚呢☺️.1) 明太子蛋包意粉餐廳主食似乎係主打蛋包系列蛋包飯就試得多喇 今次試吓蛋包意粉不過原來唔係用啲蛋包住意粉 而係將啲蛋包起 放喺意粉上面🤣意粉係屬於比較幼身 個醬汁唔會好杰 食落唔會好膩 味道唔錯.2) 櫻花蝦燒茄子櫻花蝦嘅份量都幾多不過油膩咗少少.3) 伯爵茶戚風蛋糕伯爵茶味好香蛋糕質地軟熟但偏乾身連埋啲奶油一齊食就剛剛好.4) 柚子煎茶雖然杯茶沖出嚟好淺色 但味道好濃柚子味都好出唔錯.環境唔錯 坐得舒服 而且適合打卡可以一試

前排放假就同太太去左尖沙咀嘅K11購物藝術館行街街，可能係5-1黃金週嘅關係，明顯多左好多人，尤其係旅遊客🙈雖然有咁多人，但都無阻我同太太去搵好嘢食嘅心🤪今次就搵到呢間新開張無耐嘅「喫茶ちょうぼ」😋明太子蛋包意粉🍝 $96呢個明太子蛋包意粉，淨係睇個賣相都已經非常吸引，一切開個蛋，嫩嫩嘅蛋汁就一湧而出，再夾埋三文魚籽一齊食，味道啱啱好！😋南蠻炸雞🍗 $88炸雞炸得非常之鮮嫩，而且炸到卜卜脆，外脆內嫩，份量亦相當充足🤤草莓法式多士 $88又嚟到甜品時候， 呢個草莓法式多士真係令人食到停唔到口，又唔會太甜，味道啱啱好！😋伯爵茶戚風蛋糕🍰 $51非常濃郁嘅伯爵茶味，食落非常之鬆軟！白桃梳打 $45抹茶鮮奶咖啡(熱)☕️ $48

呢間係K11新開既餐廳，正確黎講應該叫分店。裝修、店員制服、食物，都係滿滿日式洋食屋既感覺！坐得舒服，而且服務都幾好！—✦埋單：$488/ 2人（included 10% service charge)—✧ 明太子蛋包意粉 $96切開之後，半熟蛋汁即刻流出，好嫩滑；意粉軟硬適中，被醬汁包覆住，入口非常creamy.✧小倉紅豆牛油多士 $75.✧蟹肉忌廉可樂餅 $62外脆內軟，裡面既忌廉仲係流心既，而且非常香濃.✧櫻花日式布甸船 $108心心眼😍好靚既甜品Set！布甸好味，又滑又香蛋味，配上櫻花羊羹，睇又得、味道又得😋.✧白桃梳打 $45.✧泡沫咖啡 $58

之前經過K11見到呢間餐廳好多人排隊，基於人食我又想食嘅心理，結果我都走咗去排隊๑˃́ꇴ˂̀๑ 餐廳環境都算chill，不過上網睇到銅鑼灣分店個裝修好似更加靚，有機會嘅話再去嗰邊朝聖吓˶‾᷄ꈊ‾᷅˵✎ 日式紅酒燉牛肉蛋包飯個蛋都幾嫩滑，有啲蛋醬滲出嚟，入面個炒飯唔算乾身，略濕潤，口感軟腍，粒粒入口～另外幾塊牛肉雖然未至於入口即溶，但口感軟嫩！醬汁味道酸酸哋，帶嚟開胃嘅感覺。✎ 小倉紅豆牛肉多士 多士略烤，所以整體口感軟腍，如果整到脆身會好食啲。用紅豆沙同芝士作為材料，味道出奇地match，更誘人，而芝士中和咗紅豆沙嘅甜，食落唔會過膩～✎ 極· 日式布甸船布甸食落唔算好滑，但蛋味濃郁，隔離有啲士多啤梨粒同藍莓做伴碟，但係士多啤梨味道好酸，影響咗成碟嘅整體口感。另外仲有個細芝士蛋糕，質感幾creamy，甜度適中，唔錯～✎ 凍抹茶麻糬沙冰勁重抹茶味，好苦，個人都係比較鍾意淡淡嘅抹茶味～

喫茶ちょうぼ 開業時就抱有很大的期望，令我回憶起五年前在日本大阪通天閣附近光顧過的喫茶店，很多都有半世紀以上的歷史，見證着Shinsekai(新世界)遊客區的變遷。那些喫茶店的收費尚算合理，一份簡便早餐附上一杯美式咖啡、水煮蛋和牛油多士，大約720円 (另加消費稅，不設服務費) 的價格便可在舒適的老店裏體驗大阪人崇尚的喫茶文化。我不懂日語，與當地侍應溝通局限於簡單英語和肢體語言，當時正值炎熱的初夏，從我冒着熱汗坐下的一刻，當地侍應放下一杯冰涼的清水，等待我拿起餐牌對着食物圖片指指點點，還跟我比手劃腳覆述下單內容，然後上菜，最後遞上一條蒸熱的毛巾。香港某些老店仍保留碩果僅存的服務方式，在此不多贅述。對於這家店在Openrice的食評，相信很多眼利的讀者能分辨出很多出自打手的文章，精美的擺位和構圖，像是在攝影棚調節出來的完美曝光，對於食物以至於室內裝修給予極高的評價，復興昭和時期的喫荼店氛圍。對我來說一間餐廳達致良好經營的命脈，首要在於美食，食材的質素、烹調手法、擺盤和餐具也很重要；其次是侍應的服務是否貼心，雖然不敢奢求要有同理心的地步，至少對於客人寫在臉上的不滿還是看得出來的。最後是室內

影張全家幅先明太子蛋包意粉🥚🍝（$96）嚟到呢度，點可以唔食蛋包系列喎。今次玩玩新意思，配上意粉。牛肉芝士漢堡🍔（$105）嗰burger 🍔一切開，塊厚厚牛肉🐮好juicy。配埋粗薯條+salad 🥗，好似食緊tea set 咁。日本炸雞翼/6隻🐔（$75）外面有一層甜醬油，入面雞翼就夠香口，好夢幻嘅雞翼。櫻花日式布甸船🌸🍮（$108）遇上櫻花祭，叫返個櫻花🌸系列嘅甜品先。有櫻花🌸羊羹 + 布甸🍮，雙重享受。抹茶鮮奶咖啡🍵☕（$48）榛子鮮奶咖啡🍼☕（$42）---------喫茶ちょうぼ地址：尖沙咀河內道18號K11購物藝術館1樓117-118號舖

尖沙咀新開張喫茶，裝修以深木色復古格調，懷舊一下日本昭和時代喫茶風格，享受日式美食明太子蛋包意粉🍝明太子已夠吸引，而流心蛋包是可以配意粉芝士牛肉漢堡🍔新鮮牛肉配芝士蕃茄，漢堡果然好出色南蠻炸雞🐥嫩滑雞脾肉，充滿日本南部南蠻風味，還有滋味蛋黃醬汁一齊食抹茶戚風蛋糕🍰抹茶香濃夠晒驚喜，必食戚風蛋糕，好鬆軟又有抹茶cream白桃梳打🍹美味白桃飲品好味道，配梳打好fresh抹茶鮮奶咖啡🍸香濃抹茶加 Latte，凍飲好香滑

K11 購物藝術館新開的日式洋食店喫茶店是一種🇯🇵日本特色的餐館裝潢會有著濃厚的復古風☕️出售咖啡、紅茶等飲品及甜點、洋食等我到了喫茶ちょうぼ，恍似置身於日本的喫茶店日式優雅復古風✨ 絕對是 #打卡餐廳😍新開張我試了主打蛋包意粉🍝明太子蛋包意粉 $96店員一上菜見到大大碟的蛋包意粉蛋做得出色，精心製作的料理蛋非常嫩滑，造型胖嘟嘟可愛✨✨配上明太子口味，意粉被醬汁包住非常好味味道淡淡的，吃起上來不會太膩🍗南蠻炸雞 $88南蠻醬汁熱辣辣上枱，外脆內嫩✨推介✨一啖咬落去外皮酥脆，配上日式美奶滋醬特別開胃，啖啖肉🍔牛肉芝士漢堡 $105牛肉是手打牛肉扒的，肉汁十足牛肉味濃也有厚度，芝士🧀溶了一半與牛肉口味相得益彰配上炸薯條又炸得香脆，非常之邪惡吖🍹草莓沙冰 $48士多啤梨🍓清甜，果味香濃加了細滑忌廉，非常日系的味道杯子造型也非常日系，打卡一流☕️ 榛子鮮奶咖啡 $42上層鮮奶泡沫🫧好可愛，口感增添順滑咖啡香濃🍰伯爵茶戚風蛋糕 $51必點甜品，伯爵茶味道非常濃郁面層厚厚忌廉真的非常好味😋帶一點甜味又不太膩，戚風蛋糕結實感覺像去了日本咖啡店一樣用料十足 CP值高，值得再回顧店員人數非常充足，可照顧到每

早幾日放假去左k11行街，見到開咗間新嘅Cafe，所以就入咗去試吓，雖然佢嗰時都已經三四點，但都要排隊先入到去🤭今次叫左明太子意大利粉🍝，自家製漢堡扒定食，南蠻炸雞，伯爵茶戚風蛋糕，最後仲叫左焙茶牛乳同cappuccino 明太子意大利粉份量都好大，而且上面仲有滑蛋係上面，再配上三文魚籽，仲有淡淡的明太子味自家製漢堡扒定食，漢堡扒定食除咗有薯菜之外，仲有蕃茄意大利麵，仲有薯仔沙律，漢堡好夠厚身，正！南蠻炸雞炸得好juice ,而且仲配上沙律菜絲，唔會太熱氣抹茶戚風蛋糕，戚風蛋糕好鬆軟，仲有淡淡嘅抹茶味，配上抹茶cream ，好好味😋

☕️日式洋食屋 #喫茶ちょうぼ 係尖沙咀開咗新店呀，繼上次去過銅鑼灣店，今次就睇吓新店有咩特色啦！一棵粉紅櫻花樹配上整家店日式復古風格裝潢，感覺好似踏進和風時代呢！👧🏻Caca今次食乜嘢？▫️明太子蛋包意粉 $96 - 蛋包飯就食得多，蛋包意粉都係第一次，蘑菇意粉上鋪上飽滿雞蛋，切開綿滑蛋漿流出，明太子剛好為雞蛋調味！▫️日式炸雞翼 $75 - 炸香嘅雞翼沾滿甜甜嘅日式醬，非常惹味。▫️牛肉芝士漢堡 $105 - 厚厚嘅漢堡扒配上半溶化嘅芝士，仲有蕃茄同爽脆生菜，感覺又juicy又fresh!▫️季節性水果忌廉三文治 $75 - 香甜草莓與奇異果同忌廉構成蛋糕一般餡料，而包住嘅係三文治，感覺清清甜甜。▫️泡沫咖啡（熱）$58 ▫️焙茶牛乳（凍）$45

自從K11有IKEA之後就時不時會去行逛 也可以行商場 最近開了很多新店看到這家一直想探店的日式茶店開了在K11✨太好了 馬上去吃一吃 當日好多人~等位也排了好一陣子整店都充滿日式風格 還用了深色的木系餐桌餐點和茶飲也有驚喜.🔸明太子蛋包意粉 $96通常是蛋包飯 也是第一次吃到蛋包意粉切開的蛋包 充滿流心感明太子和魚子的咸令到整體好夾意粉軟硬合適.🔸牛肉芝士漢堡 $105很有日式風格的漢堡 漢堡脹卜卜 有煎過牛肉多汁不會柴配了炸的粗薯條和沙律菜.🔸伯爵茶戚風蛋糕 $51個Cream相當有驚喜✨一定要配著來吃整個戚風蛋糕鬆軟 充滿伯爵茶香味.🔸焙茶牛乳 $45焙茶茶味香濃 還保留到茶的甘香牛乳用了4.3濃度 很順滑.🔸紅豆牛乳 $38升級版紅豆冰🤣紅豆蓉甜而不膩 .📍喫茶ちょうぼ Choubo Kissaten📌尖沙咀河內道18號K11購物藝術館1樓117-118號舖分店 : 銅鑼灣/ 大埔.#ChouboKissaten #喫茶ちょうぼ #cafe #coffeeshop #taipo #cwb #大埔 #銅鑼灣 #咖啡店 #喫茶店 #日式 #溫暖 #和室 #昭和 #希望綻放櫻花祭

有一集孤獨的美食家介紹一間昭和風cafe如果你想想體驗一下昭和西日fushion可以試吓喫茶ちょうぼ（昭和）尤其是係K11新店！由裝修到餐具甚至係店員喺服裝都一絲不苟🕴食物方面亦有洋食屋氣氛必食之選首數蛋包飯或意粉🍝 #明太子蛋包意粉隻蛋好靚仔咁瞓喺意粉上面有少少唔太捨得切開佢🙈調味唔錯，唔會太甜意粉我覺得偏淋，個忌廉汁濃郁嘅明太子味則有啲薄弱，唔係太食得出🍔 #牛肉芝士漢堡昭和年代漢堡包係洋食中嘅經典（雖然而家都係🤣）製作手法唔似而家嗰啲又高又大又厚嘅burger反而更顯出昭和時代式細細個漢堡嘅size如果你期待好juicy好啖啖肉你可能會失望牛肉漢堡味道其實係幾好嘅配有薯條同沙律菜，有套餐感覺幾完美🍆 #櫻花蝦燒茄子個人心水推介，以微甜嘅鼓油燒焗再灑上鹹香櫻花蝦，木魚碎同乾蔥滿滿居酒屋感，Simple is the best🍰 #伯爵茶戚風蛋糕蛋糕非常之輕盈，夠鬆軟夠fluffy伯爵茶味好出加埋幼滑伯爵茶忌廉既靚仔又好食，唔會越食越膩甜品絕對係呢度嘅皇牌👍🍷 #美式咖啡 #焙茶牛乳飲品menu有兩頁之多，重度選擇困難症冰美式偏酸，係我鍾意嘅口味而焙茶牛乳則極重茶味，濃郁帶回甘牛乳香

環境好，食物好。服務0分。所以一定唔會回頭。食物： 1:壽喜燒牛肉蛋包飯分量多，味道不錯，蛋很滑。2: 燒牛舌串，濃味軟綿綿。3：草莓西多士只是多士，絕不是有蛋汁的西多士。所以名稱錯誤。幸好麵包尚香軟。但其實是雜梅濃醬，味道酸甜，如配有忌廉會更適中。4：美式咖啡，普通。5：抹茶牛乳，茶味香濃，但不夠牛乳，大大扣分！環境： 絕對不錯，模仿日式連鎖店咖啡室之深啡色系列。服務：劣！ 劣！劣！1：最初要美式咖啡說明要牛奶。禮貌地要求了兩次及暖水，服務員竟然說：先生要時間假，咪攞緊畀你囉，唔係唔比。🙃🫨。2：之後要求要碟分享食物,最後完全當我們沒到。3： 因抹茶味道太濃，想要求給一些牛奶，服務員問回應：’你這杯不是咖啡哦！😒這不知是什麼態度，當然最後也沒有給！起初以為太多人客，見他們又像欠缺人，也體諒可是接二連三的態度差是不值得原諒的。 何況他們之後幾個人也只是站立在咖啡吧前發呆，我們完全不知這是什麼態度？總結:就算食物好,環境好,但服務如此差，是絕對不能夠留客人回頭的。 如果是茶餐廳，我們絕對能夠容忍。可是這賣點是一間日式咖啡室，就只要想跟他們說一聲：慳啲啦。