喜雙逢酒家

去燒味外賣部買了一個雙拼飯，櫃檯載眼鏡女人收銀員服務態度極之差，冇笑容還黑面，說話態度兇惡，已不是第一次了，這位收銀員對其他客人見過都是這樣的，真心我未試過去寫一個差的食評，唔好食都算自己選揀，我只係想買過飯食，唔使咁惡既！客人冇欠你的。…查看更多

酒樓轉手咗幾次，但係啲姐姐都係嗰班人都係啲街坊隔離鄰居已經認得晒，所以Service都好好晚市小菜好食，燒鵝半肥瘦送啤酒一流另外推薦海王粉絲煲， 超野味，粉絲夠晒乾身 好味…查看更多

蒜蓉蝦春卷之前佢就用長條型，不過今次食就轉左傳統粗又矮。不過好彩，呢個都keep到水準，大件又抵食，不過唔好期望好好食，正常發揮。香煎南瓜餅佢個南瓜餅入邊包住豆沙餡，就唔係咁正宗㗎啦，不過呢就好黏同好痴牙，但係就唔係太甜。香煎韭菜餃今次我韭菜餃仲特別，你唔好以為好似平時食開用肉包嘅韭菜餃，佢係用鯪魚肉包。不過要一讚嘅就係佢煎炸得好香口，就有別於一般嘅韭菜餃，可能我唔係好識食，我覺得一般嘅就正常好多，同啱返我口味。…查看更多

今早去飲茶, 點心新鮮好吃, 早茶星期一至五早上11:00前有特價, 即叫即蒸, 佢的燒味都好味, 乳豬, 燒肉, 雞, 叉燒D亞姐工作態度有禮, 之前差D, 改進好多…查看更多

拎完位，無啦啦有個女人話自己係老闆個新抱，要搭枱，我識佢邊位？呢個年頭咁多痴線！更何況，拎飛又唔講，無啦啦一個唔係職員嘅人，著住T-shirt 短褲過嚟up?俾完張飛佢睇，佢照話無得唔搭枱，我心諗：你真嘅話咁唔一早俾張搭枱飛我？無啦啦要我搭？真係痴線到一個點！但係我估佢真係老闆新抱，因為之後個職員走過嚟講咗兩句，咁點呢？你唔一早話我要搭枱？無啦啦彈出嚟講兩句要我點點點？無懸念即走，老闆屋企人大佢屋企人自己玩哂全間酒樓啲枱啦！…查看更多

去兩次 漏兩次單 叫部長追 可以叫你唔好等拿拿聲去埋單唔好阻住曬做野，第二次食晚市仲過份 催單4次 4次都係話就出黎 等左半個鐘都冇人黎（最重要係全場唔夠3成客都可以咁既態度）以後冇下次…查看更多

平時好少入屯門，今日見客個客就揀咗呢度，咁好正常梗係早少少開定位等客啦。一間睇落正常嘅酒樓，就正常咁搵張枱，正常咁開茶，正常咁用滾水淥下啲碗筷。一枱四位，我梗係正常咁洗晒四個位啲碗筷，當然會正常咁檢查下碗筷嘅衛生情況⋯⋯咦，見個碗有啲污糟野禾，就正常咁自己去隔離空枱換啦⋯⋯咦個杯又係咁禾⋯⋯最後一枱四位，我正常咁換咗三份之一嘅碗筷囉。X X X啲野食就⋯⋯都一樣咁正常囉。X X X個客話呢間酒樓係佢個朋友開嘅，咁一切都好正常囉。…查看更多

今天是大年初一，中午的時候當然是和長輩們去附近的酒樓喝茶吃點心，然後大家一起慢慢敍舊和聊天而在新年期間，酒樓會推出一系列的新春點心，我們當然立即點了幾款來慢慢品嚐一下No.1【春風得意腸】我原以為春風得意腸是俗稱的「炸兩」，怎料它竟然是腸粉皮包着鮮蝦春卷，這樣的設計真的是相當特別而且春卷亦十分酥脆香口，只是腸粉皮有點過厚，並且欠缺米香味，略為影響一下味道No.2【盆滿砵滿】這款點心的材料十分豐富，其中包括了髮菜，蠔豉，冬菇，豬脷和棉花雞冬菇滲透了濃濃的湯汁，每一口都鮮美多汁，滋味無窮，而棉花雞亦柔軟嫩滑，香甜可口至於髮菜，蠔豉和豬脷則是「意頭菜」，為的是祈求今年平平安安，身體健康，大吉大利，發財好市！No.3【黃金堆滿屋】所謂的黃金堆滿屋，其實即是「煎堆」，可惜由於它並不是即叫即煎，所以它除了只是微暖而已，更缺乏了外脆內軟，煙韌彈牙的口感，而且內裏的質感更有點「痴牙」，味道只是一般而已No.4【金箔芝麻卷】我原以為這是一款熱騰騰的點心，怎料它竟然是冷藏過的，是一份冷冰冰的甜點來幸好芝麻卷十分香滑柔軟，我們滿口更充滿着濃濃的芝麻氣息，甜甜的，香香的，美味得讓人久久縈繞，是作為飯後甜點的好選擇No.5【燕麥粗糧糕】由於媽媽今天要吃素，所以我點了一些素包給她填飽肚子粗糧糕的質感有點像麻糬，口感煙煙韌韌的，配上燕麥粒後，便是一份健康又美味的點心No.6【濃湯豆腐卷】這是一份十分冷門的點心，我們足足等了一小時才來到，趕時間的你千萬不要點！所謂的濃湯豆腐卷，其實即是腐竹包着豆腐粒，可是豆腐卻淡而無味，而腐竹的口感亦有點油膩，味道真的是相當一般不過「腐竹」寓意富足，同樣是一款新年必點的「意頭」菜式喔！價錢方面，我們五個人總共吃了$350，平均每人$70，原以為酒樓會在新春期間瘋狂加價，應該至少需要索價$500，想不到最後價錢竟然這麼便宜喔總結來説，其實這間酒樓我之前是嘗試過的，印象中點心味道相當一般，所以原本我對它的點心並沒有什麼期望，但想不到最後的質素都算不錯喔，所以值得大家一試的…查看更多

超大塊，超滑溜，超有牛肉味的肥牛，一步入酒樓就會聞到很濃烈的牛肉味，差不多每個客人都會盡情地大快人心地吃肥牛超濃味道沙嗲湯底，二滾滾的湯底令人心曠神怡甜品和點心都有，即炸鮮蝦角，好好味，手快有手慢冇地下行入大堂坐電梯按L3字一出電梯門就會見到酒樓了架上很多選擇，菜也有很多種，丸類魚肉魚片很齊全，雞架，菇類齊滿滿的品種新鮮手打蝦丸，靚魚肉，豬肉丸和墨魚丸齊全墨魚丸很彈牙，本人都食咗很多粒魚片很新鮮，可口食了大約3小時，完全忘形地痛快狂食，閒日138全包，週末及公眾假期148全包，性價比高，愉快的一餐超大超肥美的肥牛，輕輕滾一滾之後香噴噴，加埋酒樓自家製醬汁，食到停不到口…查看更多

下午茶時段光顧，特價點心有蝦餃同炸雲吞，落單後隔咗陣職員通知賣哂，其他正價點心亦有數款賣哂，我哋實在勞氣咩都無 又要收加一又要茶位錢 ，但乜都無得食，個職員竟然同我講我可以叫點心拼盤（蝦餃燒賣菜苗餃等等），我反問蝦餃唔係賣哂咩，職員回答特價蝦餃賣哂但拼盤仲有貨，根本就唔係做生意，又要做下午茶優惠，但又唔會俾人享用，經營手法嚴重有問題，啲點心又唔新鮮又涼，諗住轉咗手試下啦，真係極垃圾，呢間酒樓貪唔係呢度附近無乜酒樓啲人先幫襯，出屯門巿中心新墟都唔會再食佢！垃圾垃圾！…查看更多

新屯門中心呢間酒樓雖然轉手過幾次， 但仍然keep到嗰份人情味， 點心嘅味道亦都唔輸蝕出面其他大酒樓， 最鍾意食呢度嘅蝦餃燒賣同牛肉球， 蝦餃皮薄餡靚， 牛肉球配上喼汁更加係好好食， 係每個禮拜同屋企人飲茶嘅好地方…查看更多

同屋企人飲茶嘅好去處！ 其實每次落嚟基本上都唔係好洗等位，酒樓雖然轉手左幾次，但人情味依舊！ 必食蝦餃燒賣牛肉球，點心最能夠體現酒樓嘅水準！ 蝦餃同燒賣嘅蝦都好鮮甜，牛肉球亦都keep到水準，不過最好就改善下燒味飯，有時叉燒會太硬，燒肉有唔脆，不過都不失係大家買外賣嘅好選擇！…查看更多

新屯門中心的酒樓十分大的。我們坐係歌舞廳入面，酒樓真的好大呀。蝦腸好大的蝦，好滑夠爽口。鳳爪排骨飯係大排檔攞，飯都幾乾，排骨入口唔算好肥。叉燒包大大個的。叉燒好多夠juicy，好味的。鮮蝦菜苗餃三大粒，透明的，蝦爽，菜甜。咖喱魷魚，大大碟，爽口呀，不是好辣，夠香咖喱味。牛栢葉，好熱同夠入味，份量也唔少的呀。燒賣，大大粒，啖啖蝦肉，有d蟹籽，好美味的，肥肉冇既。芒果布甸也幾靚，入面粒粒芒果肉。不是好實，夠滑呀。燉鮮奶，好夠熱，又滑同好香，唔係好甜呀，好味。…查看更多

呢間酒樓好似改左名, 轉左手。一落低就出去自己拿點心, (因為自己拿快過點,ｈａｈａ）,但出面唔係樣樣點心都有。燒賣: 比轉手前細粒, 入面有蝦有肉, 都對板ge。排骨: 又幾大碟, 味道ok, 少d 肥肉更好。叉燒彤*; 有3大條, 叉燒夠瘦, 我中意, haha, 但腸粉唔算滑, 有d 削。蛋黃壽包: 竟然有呢樣! 即點。一籠2個, 以為得少少蛋黃la, 點知有成半個至大半個蛋黃, 正呀!! 如果蓮蓉唔咁甜更好。in general , d 野貴哂, 連茶鐲都要9蚊...…查看更多