影片
终于等到一枱可以坐多几个人，要抓紧大闸蟹🦀的蟹脚😋😋周围竟然好多餐厅都话full左😫😫😫，朋友话平时食开果间酒楼虽然唔系主力做大闸蟹菜式，但都会做到，兼有位，于是 二话不说，食左先讲如果唔系探亲戚朋友都好少会过来启业邨，所以呢d 屋邨酒楼真系要街坊先熟架步🧐，我哋一行几人都在商场兜左一阵先揾到，好彩沿途有指示带路识路朋友原来一早已到左，也帮我地发埋办，点埋菜，我地坐低就有得食，爽呀😜😜是日主角 — 大闸蟹🦀每人2只，斋睇表面已经见到d膏爆晒出来，我们d蟹今次比较多系公🤴，蟹膏比乸👸🏻的 要幼滑一些，入口creamy ，味道甘香浓郁，用「齿颊留香」来形容绝不过份😋😋😋😋请恕我太专心食蟹，兼对手用晒来拆蟹，冇帮佢地影到相，因为大闸蟹真系要趁热食先得，唔可以错过左个最佳品尝期😎也要赞赞店员的服务，知道我地食大闸蟹，会比较多壳，经常会帮我地换碟当然一个晚餐 也绝不可能只系食蟹，朋友选择了比较大路菜式，好似烧味、蒸鱼、小菜之类因为唔系我点餐，所以唔知菜式名同价钱🙈🙈烧味三部曲之一：脆皮乳猪🐽估唔到 夜晚食的乳猪 猪皮竟然可以依旧松脆烧味三部曲之二：烧鹅下庄，皮脆肉多，皮下脂肪不会太多，但够香皮烧味三部曲之三：叉烧呢条叉烧真系冇得输，表面烧得香之余，因是梅头位，肉质松化，叉烧汁微甜，一流小菜：榄角骨这是店员介绍的招牌菜，但原来朋友都未食过，而其他人也是第一次听呢款菜式，我以前食过一次之后，就经已好喜欢呢个菜式，钟意佢咸中带甜的味道，当然不同餐厅的做法及水平偶有不同这次的榄角骨 外表睇落虽然平平无奇，肉排走油后，表面是脆脆的，挂上带蜜味的榄角汁，十分惹味👍🏻榄角 的味道其实好得意，有种独特的香味兼轻微的甘味，这种味道真系要自己体会一次先明西兰花炒带子对上几道菜式都系相对味浓，兼肉食类，所以也要一个清清地的蔬菜类菜式，带子粒粒都咁饱满，爽甜时值秋冬之际，最后我们再来个 滋补羊腩煲 作结羊腩煲 材料丰富，羊腩件数都数唔晒，汤汁香浓，羊腩入味唔膻兼忟得够冧，仲有 爽脆的清甜马蹄及竹笋，而枝竹 同 包埋的生菜 真系索汁的best friend，遗憾地，差一碗白饭🍚，不过已经食唔落喇，今餐实在太丰富了临尾仲有糖水 红豆沙送添本身念住主角系蟹大闸蟹，蟹本身已经令大家一解每年一次的相思之苦；点知其他烧味及小菜更是令人惊喜连连，附近街坊真系有口福
继续阅读
星期日系妈咪休息日，所以就决定出街食，顺便支持吓曾经因疫情唔做晚市嘅呢间屋邨酒楼。首先叫咗一个六人餐，有龙虾有蒸鱼仲有半只鸡，成个餐先$588 ，真系好超值！因为我哋七个人，所以加多左只片皮鸭， $148有得两食，睇落好似好抵咁！烧味拼盘有叉烧、油鸡、烧肉同埋海蜇，每样嘅食物质素都唔错。然后就系上汤龙虾配伊面底，龙虾唔算好多肉，不过呢个价钱有龙虾食我都已经好满意例汤系青红萝卜汤，简单嘅家常汤水，唔错！蒸鱼唔算大条，六人餐的话份量够哂，蒸嘅时间啱啱好，鱼肉非常滑，蒸鱼豉油都好好味西兰花炒双蚌嘅菜煮得够淋，啱老人家食，蚌嘅份量都好多，抵食！炸子鸡皮脆肉滑，又整得唔咸，好好味！相比起六人餐，我就觉得佢嘅片皮鸭较为逊色，始终呢啲酒楼都唔系专门做片皮鸭，OK啦，$148仲有得两食都算系咁，我哋就拣咗茄子炆鸭件，味道都开胃，捞饭一流街坊价钱配合街坊嘅味道，呢餐饭又唔贵，埋单唔驶$1000，所以要多啲过嚟支持下！
继续阅读
今日食晏同同事去食呢间喜相逢入到去应该啱啱装修左 啲嘢都几新净啲食物都系大路嘢叫咗个点心拼盘 乜都有啲 味道就正正常常 方便大家唔知食咩嘅时候叫再跟住叫咗个米线加豉油鸡 ,碗米线劲大碗 劲饱肚豉油鸡都好入味总括嚟讲呢间都算一间OK嘅酒楼 食物质素一般 但系价钱平 易揾位
继续阅读
啲牛摆哂出黎，冷气又唔够，自助？豉油配料系到养乌蝇冇人理，叫个侍应加汤就就咁攞我张台樽水倒落去。阿姐就十问九唔应。海鲜又话卖哂，想点？呢到系我目前唯止最垃圾既边炉。。。。。。。。。。。。。。。。。。。。。。。。。。。。。。
继续阅读
今日去饮茶，一家大细，座位宽敞，可能太少人嘅原因叫左12样嘢食，其中叉烧包特别难食、虾肠好味。之后去收银位埋单唔记得拎张点菜卡，转身霖住去拎就听到两个收银响度讲紧我，吉我，讲果边张枱买单窝，鬼知你边张啊，之后就同左个收银对质，佢仲要爆粗骂我、最后我都爆埋粗。期间店内原工都知佢把口系咁，点解系咁佢都可以仲响度？总结：呢间嘢食：中下服务态度：恶劣做得服务业居然咁对个客，自己私低下讲我OK，但系响个客面前讲，足以证明呢间嘢嘅质素，以后都唔会来
继续阅读