喜記潮州鹵水飯店 (已結業)

今天下午 ，走過去北河街 ，喜記潮州鹵水飯店。 由於店內客人多， 便買了一個兩餸飯 ：豆角和雞翼， 回家食， 合計30元。 豆角炒得好爽， 雞翼可能放了一回 ，凍咗少少， 但是以30元的價錢 ，這兩餸飯 味道已經不錯， 又經濟。

走入地道又傳統嘅住宅區，日夜都咁旺嘅鴨寮街開始入夜，見到好多買餸準備晚餐嘅街坊。哩間鹵水店特別旺場，應該值得一試店面好多人排隊買外賣，一邊係現成餸菜，一邊係一人系列鹵水產品。買咗3大盒返屋企第1盒:鵝翼，鵝腳，鵝腸，滷豆腐鵝翼鵝腳可以，滷水入味鵝腸又韌又鹹，好難滷豆腐就有驚喜，豆味好香，輕輕帶滷水香第二盒半隻鵝(約180幾蚊)，肉質結實，近骨位味道好香，但美中不足係師傅冇起鵝片，無得享受成啖肉嘅滋味。第三盒鵝頸鵝頭，2大條$60，食得過。一共$310，深水埗咁樣斬料算豪食，如果有機會會再試埋其他配料，豬肚，鵝肝我都見有人買，應該不錯吧～

本身想食燒味，行行下見到隻鵝，心諗好耐無食鵝，就食拉，我比較奇怪，食了鵝，我要隔幾個月先再想吃。鹵水鵝飯，碟鵝好大喎，望真d有菜做底，加上有一半係骨多肉少，味道好似咸了些，不太岩我，店內好多人，大部份人都叫一支酒加個小吃就坐係到，邊吹水邊等運到。都幾迫，食完都不想逗留。