喜記避風塘炒辣蟹 (肇明大廈)

营业中

休息中

今日去食lunch，見$60咁平就試下，咁平當然入到口就ok，所以今次ge comment係唔ok!完全唔ok!!!!!!!!!!從進門到離開,整個用餐體驗簡直是一場災難。一入口就有一陣怪味，跟手行上2/f，feel到條樓梯係勁油、好扇，一個唔小心就會仆，咁ge環境就係差過一般茶記好多。到食lunch set，有食淨差唔多一半。魚香茄子- 比正常差少少，叫做入到口。椒鹽豬扒- 椒鹽"冇椒鹽味，最重要係質感好怪，本身舊肉有怪味。口水雞- 好難食。食咁多次口水雞，從未遇過難食ge口水雞。今日，我遇到了。個汁燈色，唔係口水雞汁，雞肉有怪味，質感極奇怪。一句講晒，好難食！乾炒牛河：牛肉咬唔開，香口膠咁，成碟野味道比一般差d但叫做入到口。唯一好ge係侍應姐姐有禮貌。

呢間老字號海鮮餐廳，聽過好多次，聽聞專食避風塘炒蟹同各種惹味海鮮，今日一於來實測下～一入來就聞到陣陣嘅避風塘香氣。作為招牌嘅避風塘炒蟹，點可以唔試下～
佢地有唔同份量選擇，味道夠曬惹味鹹香，炒得恰到好處～豉油王中蝦好開胃，調味恰到好處。真係好耐無食過啦！水浸蜆肉好多粉絲，索曬肥美蜆肉嘅鮮味同湯汁，好入味另一個招牌其實係佢哋嘅醉鮑魚，望落就知有彈牙啦！酒味唔會太重，比彈牙嘅鮑魚索曬，入曬味，食落又彈又juicy！

又到去【喜記避風塘炒辣蟹】肇明大廈分店既時候啦，都係因爲暑假多外國既親戚返香港既緣故。因爲佢地既海鮮尤其蟹都特別好食、而且價錢都ok。今次就叫下D平時少叫既食物。招牌避風塘炒辣蟹：必點招牌菜，用左特大蟹、蟹肉鮮嫩多汁。避風塘炒辣蟹係以蒜蓉、辣椒、乾辣椒、蔥同其他香料炒煮，香辣味濃郁好味道。吸收咗好多調味料，展現出獨特嘅風味。涼拌青木耳：酸酸微辣、非常開胃、好清新，適合做開胃菜。招牌醉鮑魚：酒味其實唔算好重，鮑魚好軟好入味，冰鎮左肉質彈牙。楊州炒飯：中規中矩，唔會太油太鹹豉油皇中蝦：都算幾大隻、肉質彈牙、鮮甜美味雞煲：雖然夏天食雞煲好似唔係好match，但見好多人都叫就試下。非常入味、有葱薑蒜所以好香。

香港特色炒蟹，海鮮新鮮有風味！（喜記避風塘炒辣蟹）搶招牌菜一定係蟹，勁有風味喜記避風塘炒辣蟹，用炸蒜炸蟹十分惹味，中意蒜味人士不可不試炒辣蟹，上枱見到就覺得色香美味。還有另外其小菜同樣出色；上湯水浸蜆、美味雞煲。整體海鮮都好吸引，一大班人一齊食更好可以試到更多款式，而且人均消費都係$300一個人👍🏻👍🏻。抵食溫馨提示：記得記得book定位 ，平日都好full 喜記避風塘炒辣蟹 (肇明大廈)地址: 銅鑼灣謝斐道477-481號肇明大廈地舖及1樓A室

今日同媽咪出去銅鑼灣行街，屋企人都係鐘意食中菜小炒所以就揀咗呢間，睇其他評論個炒蟹都唔錯就同佢黎食啦！環境都好闊落有啲卡位幾好坐，今次主要想食海鮮，嗌咁多幾個餸都好新鮮熱唔錯！招牌避風塘炒辣蟹—果然係招牌，佢個蟹真係啖啖肉，蟹如果唔新鮮會梅，呢個絕對係冇，加埋啲醬料蒜炒，辣辣地好惹味！豉油皇中蝦— 炒至收汁乾身，醬汁岩岩好包裹住全隻蝦，蝦身都爽口美味雞煲—雞煲係香港人至愛，份量都幾多有時見好似都好多人，可以book定位先會好啲

呢日嚟喜記食炒蟹🦀,當然要試下佢哋招牌避風塘炒辣蟹!雖然對我嚟講有啲辣,但好惹味👍。另外仲叫咗個招牌醉鮑魚🦪,鮑魚夠腍夠入味,有淡淡酒香🍶。佢哋呢度好多游水海鮮,所以就點咗個豉油皇中蝦🦐。啲蝦夠新鮮又大隻,用豉油皇炒好香口😋。因為好想食蜆,所以叫咗上湯水浸蜆🍲。簡簡單單,個蜆夠鮮甜已經好好味,連個湯都飲得。除咗海鮮嘢,仲叫咗個雞煲🐔。雞件爆香再入煲度煮,略有焦香味,送飯一流🍚。最後主食就叫咗個楊州炒飯,啲飯炒得夠爽身,仲有啲蝦仁喺面🍤。份量夠大,四個人分啱啱好👍。

喜記避風塘炒辣蟹遠近馳名，今日終於有機會一試，另外仲食咗其他海鮮菜式，非常出色👍🏻- 豉椒炒蜆蜆味道鮮甜，每一粒都脹卜卜，食落完全無沙，用豉椒一齊炒非常惹味。- 椒鹽大蝦果然係大蝦真係非常大隻，而且椒鹽味好香，非常入味。- 招牌避風塘炒蟹蟹鉗好大隻，肉質飽滿結實，喜記用左大量辣椒同炸蒜爆炒，非常惹味，同時爆炒可以提升蟹肉鮮味，真係人間美味😍- 上湯水浸蜆蜆肉肉質唔會過老，上湯吸收左蜆既鮮甜變得更加鮮甜，同時粉絲索曬汁，口感彈牙嫩滑。

有朋來自遠方，外國嚟講比較少新鮮海鮮，黎到香港就帶佢哋試吓我哋香港嘅特色炒蟹。銅鑼灣我都可以算係地膽，帶咗佢哋去食香港元組級風味嘅避風塘炒蟹。等咗一陣，隻蟹就已經上枱，隻蟹簡直係色香味俱全，走油靚，用大量蒜爆香，未食已經香噴噴，個蟹鉗成個男人拳頭咁大！極為抵食！外國嘅朋友仔似乎好鍾意避風塘口味，另外仲加多左個避風塘雞翼同埋馳名沙拉骨 😋佢哋直頭話食到流晒口水🤤最後埋單人均$300，佢哋話下次再嚟香港，再試埋其他菜式！

係銅鑼灣如果想食有鑊氣又大份嘅中式小炒，我會二話不說就推薦喜記！喜記本身除左辣蟹出名之外，其實仲有好多小炒或煲仔都夠鑊氣夠好食，今次就試左呢幾款：🔅椒鹽焗鮮魷上碟已經見到夠晒大份，外皮食落鬆脆，夠晒熱辣辣。魷魚亦保持到鮮味，點埋個汁食更加醒胃，會中和返個油膩感🔅美味雞煲雞件大件亦夠咬口，d肉都幾嫩滑，非常入味，送飯一流呀🔅豉油皇中蝦話就話中蝦，其實都已經接近大蝦嘅size。蝦肉爽彈新鮮，炒得夠晒鑊氣

今日同屋企人去到喜記避風塘炒辣蟹這餐廳雖然冇食到招牌炒辣蟹，但係食咗其中幾味餸都令我回味無窮。.椒鹽九肚魚🐟這道海鮮菜品味道出眾，九肚魚經過特製的椒鹽調味,外層酥脆可口,裡面肉質鮮美多汁。將椒鹽的香辣和九肚魚自然鮮味完美融合,口感層次豐富,下酒開胃效果佳。.楊州炒飯🍚楊州炒飯是這家餐廳的又一得意之作。飯粒分明,炒至恰到好處,不會顆粒過軟或過硬。肉絲、蛋以及各種蔬菜的搭配恰當,調味也恰到好處,做到了既不偏鹹也不偏淡,可謂是煮飯藝術的典範。這道簡單實在的主食,卻美味可口,堪稱粵菜經典。.美味雞煲🥘這道雞煲菜品名副其實,肉質鮮嫩多汁,湯汁濃郁醇厚,各種食材融合得天衣無縫。料理手法細膩,在保留食材本真鮮美的同時,又通過慢煮的方式將各種香料的味道發揮到極致。.上湯水浸蜆🍲這道簡單的蜆類料理,以清爽的上湯為底襯,突出了蜆肉本身的鮮甜滋味。蜆肉鮮嫩彈牙,與清香的上湯相得益彰,口感清新爽口,非常適合夏日享用。這樣的烹飪方式,能最大限度地保留食材的營養和原汁原味。.總的來說,這家餐廳的每道拿手菜都做得出色,無一例外地展現了粵菜的精髓。從精湛的烹飪技藝到嚴選新鮮食材,再到恰到好處的調味,無一不讓人賞心悅目

喜記避風塘炒辣蟹 (肇明大廈) (銅鑼灣)喜記避風塘炒辣蟹 - 港味十足嘅必食之選!你有冇試過呢間香港式海鮮餐廳喜記?如果未試過嘅話,我要強烈推介你一定要去試下佢哋嘅招牌菜「避風塘炒辣蟹」!呢道菜真係好吓人,我一坐落坐位就聞到陣陣咸香四溢嘅蟹香,仲夾雜住幾分辣味,簡直係餓狼撲食咁。食落嘴入面,蟹肉肥厚鮮甜,而且渾身「包住」喺濃郁嘅醬汁之中,簡直係一絕!仲要配埋幾片生薑,簡直係醍醐灌頂呀!除咗呢個必食招牌,佢哋嘅其他菜式同樣都非常出色。例如「奄仔蟹」、「薑蔥肉蟹」、「醉鮑魚」等等,個個都好味道。仲有一啲更傳統嘅菜式,像係「楊州炒飯」、「生滾泥鯭粥」、「皮蛋瘦肉粥」都好下飯!再加埋一啲蔬菜和小炒,例如「涼拌青瓜」、「蝦仁炒西蘭花」、「避風塘炒牛河」等,真係應有盡有,好適合一家大小一齊享用。最後要講下餐廳嘅環境同服務啦!環境好清靜舒適,裝潢同佈局都好有港味特色,而且服務生都好有禮貌,態度也好好。所以,如果你想試吓正宗香港式嘅海鮮美食,我一定要推薦你嚟喜記避風塘炒辣蟹,絕對會令你食得好開心!😋靜靜雞指數 🐥🐥🐣🥚🥚🔂再偷食指數 ✅✅✅✅☑️💲減荷包指數 💸💸💵💵💵————————————————

最鍾意食海鮮嘅我今晚嚟到銅鑼灣一間出名多海鮮選擇嘅店，店入邊嘅位置亦都寬敞舒服，而且海鮮種類繁多😍喜記避風塘炒辣蟹避風塘炒蟹，非常之入味😍蟹肉非常之多，少少辣辣，好香蒜蓉嘅味道，😍，非常之新鮮！上湯水浸蜆上湯非常之鮮甜，蜆肉十分大隻同鮮味，一咬啲蜆肉，煙靭嘅口感非常之過癮椒鹽大蝦🍤椒鹽配上新鮮嘅大蝦，椒鹽嘅味道啱啱好鹹鹹地咁樣，大蝦非常之多肉同埋好大隻，而且肉質鮮嫩多汁，不會諧霎霎美味雞煲呢個雞煲好值得推介，雞煲嘅份量好多適合兩至三人食，而且非常之香口，雞肉嘅肉質亦都係好嫩滑，唔會有諧霎霎噌噌噌嘅感覺🥰喜記避風塘炒辣蟹 (肇明大廈) (銅鑼灣)銅鑼灣謝斐道477-481號肇明大廈地舖及1樓A室

今次嚟到銅鑼灣呢間喜記，果然名不虛傳😌⭐️避風塘炒辣蟹一睇就知色香味俱全，滿滿嘅蒜，炒得超級香，直頭將蟹嘅鮮味帶出黎，蟹鉗滿滿嘅肉，蟹蓋仲有膏🤤😝😝⭐️黃金大蝦炸到好脆，好惹味，蝦肉好彈牙，而且好新鮮👍🏻絕對值得一試⭐️蟹油炒麵用蟹油嚟炒真係好香，第一次食蟹油炒麵，炒麵有海鮮味，令到成件事即刻冇咁dry😌同埋個麵炒得好乾身，呢個真係好講技巧😗Overall 黎講全部菜式都唔錯，值得推介👍🏻👍🏻👍🏻

銅鑼灣喜記避風塘炒辣蟹️ 晚餐吃得超滿足！最近去了銅鑼灣的喜記，這家老字號的避風塘炒蟹專門店，每次來都覺得不虛此行！環境舒適，燈光柔和，很適合和朋友家人聚餐。這次我點了幾道招牌菜： * 招牌醉鮑魚： 鮑魚炆得軟嫩入味，酒香四溢，每一口都好食好有O趙頭。。 * 上湯水浸蜆： 蜆肉鮮甜飽滿，湯頭清澈鮮美，喝起來特別清爽。- * 招牌避風塘炒辣蟹： 每次來喜記，必點的當然是避風塘炒辣蟹！他們家的炒蟹火候掌握得剛剛好避風塘炒辣蟹這道菜絕對是喜記的招牌！蟹肉鮮甜，蒜蓉香脆，辣得過癮，每一口都充滿了大海的鮮味。蟹肉鮮甜彈牙，搭配蒜蓉的香氣，真的太美味了！️️-除了這些招牌菜，喜記還有很多其他海鮮料理可以選擇，下次想試試看他們家的其他菜色。總之，喜記的避風塘炒蟹絕對是必吃！-地址：銅鑼灣謝斐道477-481號肇明大廈地舖及1樓A室

老老實實 ，唔知大家食過呢間喜記未，真係出名唔係冇道理，食物質素非常好，唔講真係唔知，佢既食物真係好新鮮，而家環境都好舒服，慢慢食都唔怕。店家都好好態度，令我地有家既感覺。避風塘炒蟹啖啖肉超好食，唔怪得咁多人會突登來食，香口到不得了。另外佢既炒大蝦都係屈機，超級無敵咁大隻，而家好新鮮彈牙，大大隻又香口，真係好好味。另外個蜆湯都湯底非常屈機，極度鮮甜，甜到飛哂天，其實佢配合埋個炒蝦炒蟹，真係一流，非常好味。