喜筷 (已結業)

因為工作關係，最近都在柴灣工業城開工，然後經同事介紹，就來到這家餐廳午飯。本來同事都極力推薦，我也十分充滿期望，不過呢，當叫的點餐來了後，我是真的很失望。午餐時段，我叫了一個素食的all day breakfast, 不知是不是因為素食原因，這個all day breakfast真的很難食！滑蛋一點也不滑，很熟，然後磨菇沒有味道，還有點硬，煮得不夠軟身。之後那個紫薯球沒有味的。唯一正常真的只有那些薯條。蕃茄也不新鮮！真的很難食！我自己整的比這更好。很失望但可能食肉朋友會比較開心吧？！…查看更多

柴灣向來都係美食沙漠，除左大集團餐廳，真係冇乜啲特別嘅美食，不過，最近工廠區多咗啲特色餐廳，好似呢間餐廳咁，佢有中式、有西式、中西混合菜都有，柴灣人終於不再只有大集團餐廳了🤩！醬烤片皮鴨春卷北京菜之中，我最鍾意就係片皮鴨，平時一向係酒樓、中菜館食既傳統片皮鴨，配青瓜、蔥絲、醬汁一齊食。但呢間餐廳就將中式片皮鴨同青瓜，用印度薄餅皮包住，已經夠特別，仲有西式薯條、沙律做配菜。片皮鴨幾肥美同幾滑，加左青瓜係入面好清新一啲都唔膩，印度薄餅做包身偏硬，真係第一次咁樣包住食片皮鴨，仲可以邊食片皮鴨邊食薯條，呢個組合真係夠曬新穎🤪！…查看更多

工廠區難得有的食店，因本人在附近工作的關係，惠顧這食店已經快接近２年了～現在才寫第一篇食評真的有點對唔住佢地呢～哈哈大家有時間可以上去試試，各個姐姐們都好Nice～每次上去用餐姐姐們都熱情招待～，而且環境十分舒適～柴灣工廠區午飯選擇首選無誤！～…查看更多

曾幾何時，阿叔👨🏾都有段短時間返過工業區，不過感覺就麻麻😞。一來OT放工後好似死城咁，周邊無乜人氣，二來就係無啖好食。😫.之前係柴灣工業區做完野，諗住好日都唔嚟，嚟到就當然搵啲好野食吓！😛之前喺筲箕灣返工，有時都會同同事蛇王🐍嚟食午飯，因為呢度啲環境都幾舒服，有海景睇，食物價錢又相宜，午餐$5x - $6x，最重要有咖啡飲，你要知道返工業區想搵杯starbucks 係好難的。😭😭😭.久別重逢，今次叫咗份下午茶，香蕉🍌雪糕🍨格仔餅($5x)，講真，味道就無佢午餐咁出色架啦😅，不過多謝廚師畀咗個「哈哈笑🙂」我，加上望住個海景食，心情即時放鬆晒！🙂喺附近返工嘅朋友仔，食慣咗工業區嘅茶餐廳？有時轉轉口味會令你工作力大增的！共勉之！💪🏼…查看更多

午餐叫左紅酒汁牛肉，牛肉幾淋，味道都可以，但13:20落單等到13:50才有得食，上菜時間似乎太慢了。樓面只得兩個侍應，人手少似乎好吃力。淨係紅酒汁牛肉沒有湯和飲品，都要$68，價錢偏貴。…查看更多

🔕你想要點私人空間嗎？這個地方正在工業區中帶點寧靜🙉今日就獎勵自己吧🤫叫了牛肋條飯，香濃而且好軟綿咖啡香，望住海景食飯，繁忙中帶點寧靜係休息休閒時食午飯既好地方！…查看更多

公司最近搬左office，於是就搵下附近邊度有好野食，見到呢間食評都唔錯，於是乎就黎試下。我地早上十一點九左右到達，得我地一枱客；環境開揚光猛，窗外有一大片海景！午餐餐牌有五六種選擇，今日試呢個烤牛肋條拼薯條白飯，牛肋條軟腍入味，薯條夠香脆，唔錯。不過如果佢個menu 唔係個個禮拜轉嘅話咁就會好快食到悶，希望佢會不時轉新菜單啦！我同事飲熱咖啡，話都唔錯，幾香濃！佢話如果下晝唔駛返公司，坐喺度嘆下咖啡睇下風景都幾寫意咁話喎！我地食完走人時就開始陸續多人了，所以早食都有好處。😆😆…查看更多

今次我又再同同事黎喜筷食lunch～由於今次早左出黎，去到餐廳已經有好多食客喺度（繁忙時段），感覺人客比上次仲多，眼見服務員加左兩張臨時枱喺門囗位置。今次發現menu價錢調高左少少，同埋有幾個熱門餐款已經賣曬😢所以感覺比上次有DD失望～ Endup 我地兩個叫左以下款色：吉烈魚柳、滑蛋、粟米伴白飯:今次叫唔到我最仲意食既紅酒汁牛肋條飯，唯有試試其他款色，賣相都唔錯！今次魚柳炸得幾香脆，至於蛋飯都幾有屋企味道～粟米汁比較普遍，不過整體感覺總算不過不失～至於同事就叫左all day breakfast:整體味道唔錯～份量細細份幾岩女生食👍🏻有煎蛋、煙肉、香腸、薯角、鬆餅、茄汁豆、蕃茄同沙律菜。食得出有落心機。不過我始終都想再食返紅酒汁牛肋條飯～希望餐廳日後會多點供應～…查看更多

來柴灣開會，客人帶路來吃午餐。設計簡潔，環境幽靜，可以眺望海景。食物選擇算多，我點了烤牛肋條伴紅酒汁配炸薯角及白飯，而客人則點了香蔥汁無骨雞上脾配白飯。餐湯點了栗米濃湯，味道像罐頭湯，有點失望。$12吃罐頭湯有點不值......客人的飯賣相算不錯，他說香蔥汁很惹味，雞肉質嫩滑。紅酒汁牛肋條飯賣相吸引，紅酒汁很香，酸酸的，跟牛肋條很配。而且牛肋條很淋，肉質鮮嫩，伴白飯很開胃。薯角亦炸得香口。肉質鮮明，一條一條的。…查看更多

入過柴灣工業區都知，工業區除左茶記就係茶記，真係好少特別少少既野食。今次就有朋友介紹，柴灣工業城有間relax少少既餐廳，咁就一齊上去試下啦。上到去13樓其實都唔係難搵到，轉個彎行到尾就係。間舖門口位仲要係黃色白色牆，好易認。門口位，感覺有用心設計過。內裡空間十足，坐係度傾下計都唔使趕住走。咁高睇海景地點係柴灣唔算多。Menu 既菜式唔算多，得8款可以選擇。我地㨂左 烤牛肋條伴紅酒汁配炸薯角配白飯($63)＋是日靚湯($12)牛肋條煮得好淋身，而且好入味。紅酒汁伴飯都好夾。但係配薯角呢個配合就有少少怪怪地。成個飯就感覺都算幾真材實料，唔會太味精既感覺。再講一講個是日靚湯就有少少失望，見個飯都好真材實料，但係個湯就有啲似罐頭玉米湯咁。一個極之熟悉既味道，就好似茶記粟米肉粒飯個汁咁⋯⋯總結：野食真材實料，環境舒適，但係唔好飲湯啦。…查看更多

朝早出外工作身處工業區，一到午餐時間真係唔知食咩好，原因係今日又到Happy Friday，想坐得舒服而食到好味嘅午餐，的確喺柴灣區選擇唔多😢唯一令我意外的就喺友人工作室發現一張外賣單張😬心血來潮的提議同同事直接跟住地址上去依間喜筷望望，一上工業城一期13樓出lift已經見到依個黃色餐牌！一入去就見到大大logo招牌👍🏻餐廳🍴環境感覺都幾親切，可能依度多木枱同小擺設的緣故～裝修設計都算新𩓙。觀察到顧客群多從事設計攝影行業有型人仕出沒。由於我地去到已經過左午餐最繁忙時段～客人不多，我地選了坐海近景位置，店員亦很快送上暖水及菜單紙，示意先要往收銀處點菜付款。 我同同事分別叫了D同F餐：炸薯角份量少少但味道尚算惹味！食牛肉之前自己習慣先食配菜清一清腸胃，有肉有菜感覺都算健康，味道不錯👍🏻食到牛肉，😋肉質入味又軟熟，再配依個紅酒汁非常大愛😍！一邊食一邊享受窗外柴灣碼頭海景～有種忙裏偷閒感覺😸而杯紫薯鮮奶入囗甜度恰到好處，唔算太甜太漏，比我想像更加好飲👍🏻而同事叫左個F餐係無骨雞上脾配白飯（香蔥汁）賣相都算不錯👍🏻雞肉肉質嫩滑，再加埋翠肉瓜片，我都忍唔住試左少少，依個組合食落味道唔算太肥膩，煮法都幾健康幾清新！香蒽汁唔算重口味，岩哂我地仲意食得淡口味嘅女生：）可能我地女生比較細食～食剩左1/3白飯🙈下次再黎落單前會記得叫話少飯😆…查看更多

同朋友嚟一個悠閒午聚喺陽光☀️充足既下午，對足個大海景食咩都好食呢好鐘意個環境：淡黃色招牌+木枱木椅，空間感十足，大玻璃窗Half-self service，你出面order完就有人拎嘢食過嚟。食客都好斯文呢，似乎都係熟客，好少喧嘩吵鬧，相信呢度係繼Chanwanian後我其中一個喺柴灣既Best-Kept Secret…查看更多

作為新西人，返工係九龍區。柴灣對於我依個大鄉里嚟講係一個不毛之地，總覺得仲遠過去台灣...由於今日需要拜訪客戶，所以嚟到柴灣第一城，由於人生路不熟於是上openrice搵下依頭有咩好食，咁啱搵到依間餐廳。餐廳唔大，行cozy cafe style, 以黃色光亮裝修為主。一入門口見到有個好nice好好笑容嘅姨姨welcome, 感覺好warm，由於餐廳夠光猛又有大窗見到海景，感覺好舒服。Lunch set 選擇都幾多，豬雞牛魚仲有素食都有得簡，少見有椰汁底野菌意粉於是叫左。碟意粉賣相好吸引，成左山咁。意粉食得出同椰汁一齊炒過，唔會粉還粉汁還汁。椰汁底出奇地同意粉好夾👍🏻由於環境好適合hea, 於是唔經唔覺依餐lunch食左兩個鐘，但姨姨們都好好，唔會催你走仲不停幫你加水。誠意推薦👍🏻有機會會再嚟！…查看更多

我知道openrice 是會審查，但為了告訴大家要外賣最好不要，因為在一街之隔明報記者落單了六個飯，在1:00pm ，但在2:18pm 仍不見踪影！所以想食快飯的明報同仁及附近人士，也要叫外賣…查看更多

高樓底、白牆、牆上大鏡、淡黃色Pop Art風格大畫、深木色的餐桌、不同款式的designer chair、大玻璃配上難得的柴灣藍天，連空氣也變得別清新。食物價格相對其他工廠食堂當然有點少貴，五六十蚊不連飲品。沙律有進步空間，烤茄子不錯，但溫泉蛋可以生啲，而且蛋無咩蛋味，南瓜好硬。如果餐具和飲品杯不用即棄塑膠產品會更好。…查看更多