喜福皇宴 (已結業)

天寒地凍，懷着＄138全包任食幫襯，理應本着冇要求嘅心態來，首先入內完全唔駛等即時入座，座位尚算OK，但係火鍋枱擺得比較逼夾；首先叫咗個胡椒鹹菜豬肚鍋底，豬肚都有好多件，但看似花奶充骨湯，是但啦最終都係溝水打，鍋底選擇多；醬料款式唔多，豉油好似溝過水，幾淡囗，說好的大檔小食亦不翼而飛⋯⋯，算！打邊爐不是求小食，拎咗order紙黎過一過目，款式唔多一張紙三格睇晒，Order所有生料都係以一鑊熟型式上枱，生料方面最回本位手砌肥牛，油花分布相當平均，入口肉味油香濃郁，完全唔似出面啲極品肥牛一淥就散，毫冇肉味，完全冇諗過劈場會出現，但order嘅時候，次次都係6-7成上枱；新鮮海蝦，隻隻都爆滿蝦膏，肉質實淨鮮甜有咬口；手打墨丸幾彈牙，但係每粒份量細粒過粒麥提沙，重質不重量；其他嘅料可以瞇埋眼，飲品方面有提供樂天嘅酸乳同錫蘭檸檬茶，啤酒方面有藍冰嘅尼姑尿，可以慳返quota，樂天錫蘭檸檬茶清淡唔太甜去油膩唔錯；整體上用＄138全包呢個價錢來計，走混各大小村落之打邊爐劈埸都已經做唔到，一句到尾有會本位係抵嘅

二人飲茶埋單HK$158, 不用等下午茶時段，也不用等位搭枱，食物質素款式okay, 雖然沒有好grand 的門面，扶手電梯也停了（但有升降機)，我倆覺得可接受。相比其他酒樓，這間有水餃，韮菜煎魚餅和點心拼盤。我倆公婆見到酒樓有點心拼盤，通常都會點，因為二人可食多些不同款的點心。這間的拼盤: 蝦餃，潮州粉果，菜苗餃，紅棗糕，叉燒包/雞包仔。潮州粉果和菜苗餃的外皮比較厚，其他都正常。我們叫了兩個拼盤，一人一盤，這樣我們各人也可食到五款不同的點心，相比叫一籠有三、四件同款的點心，款式多了，兩人都食得開心!芋絲炸春卷好味，炸得好脆。蘿蔔糕是比較多蘿蔔，少餡料，是乎個人口味。

第一次去呢度飲茶，上到一樓白色制服女知客目無表情用手指一指帶位就算，深啡色制服女樓面眼神凌厲好似殺左佢咁亦唔會出聲同我講野，仲有大把檯但無啦啦叫其他人搭檯過黎。其他食客提醒我上一層唔洗搭檯，跟住我問返剛剛著白色制服女知客係咪上一層唔洗搭檯，佢話「係」，上到去舉手遞點心紙又見到白色制服女知客，佢話「你未開茶呀比其他人啦」，如佢指示我再舉手遞比其他人，該職員又話呢度唔開架你落返一層啦，跟住我好嬲直接走。總結：員工態度極差，完全冇服務可言，呢世都唔會幫襯！

今次又再黎喜福皇宴，肥牛好靚，油脂分佈平均啱哂健康人仕之選。唔係其他舖一味得個肥字，見到已經唔想食，蝦好新鮮，爽口兼彈牙。冇生蠔但有好大隻嘅青口。炙燒芝心丸，咬落去芝士係個口到溶化。今次D菜改良左，用盆放置係蔬菜櫃入面，好似一盆盆嘅盆栽。擺設好有心思

今日同三五知己去揾食，從石硤尾站C出口到喜福皇宴非常方便。嘩！有任飲任食火鍋，2個半小時。區內很少有，即刻冲入去試試。坐低就去瞄一瞄有咩食！頂級肥牛有2個品種，串生蝦、脆肉鯇魚都有，樣樣都係我至愛，丸類特别非一般平價貨式。有多款熟食，甜品及雪糕，更有啤酒任飲。多款免費湯底。真係唔錯！可以推介比朋友