影片
天寒地冻，怀着＄138全包任食帮衬，理应本着冇要求嘅心态来，首先入内完全唔驶等即时入座，座位尚算OK，但系火锅枱摆得比较逼夹；首先叫咗个胡椒咸菜猪肚锅底，猪肚都有好多件，但看似花奶充骨汤，是但啦最终都系沟水打，锅底选择多；酱料款式唔多，豉油好似沟过水，几淡囗，说好的大档小食亦不翼而飞⋯⋯，算！打边炉不是求小食，拎咗order纸黎过一过目，款式唔多一张纸三格睇晒，Order所有生料都系以一镬熟型式上枱，生料方面最回本位手砌肥牛，油花分布相当平均，入口肉味油香浓郁，完全唔似出面啲极品肥牛一渌就散，毫冇肉味，完全冇谂过劈场会出现，但order嘅时候，次次都系6-7成上枱；新鲜海虾，只只都爆满虾膏，肉质实净鲜甜有咬口；手打墨丸几弹牙，但系每粒份量细粒过粒麦提沙，重质不重量；其他嘅料可以瞇埋眼，饮品方面有提供乐天嘅酸乳同锡兰柠檬茶，啤酒方面有蓝冰嘅尼姑尿，可以悭返quota，乐天锡兰柠檬茶清淡唔太甜去油腻唔错；整体上用＄138全包呢个价钱来计，走混各大小村落之打边炉劈埸都已经做唔到，一句到尾有会本位系抵嘅
继续阅读
二人饮茶埋单HK$158, 不用等下午茶时段，也不用等位搭枱，食物质素款式okay, 虽然没有好grand 的门面，扶手电梯也停了（但有升降机)，我俩觉得可接受。相比其他酒楼，这间有水饺，韮菜煎鱼饼和点心拼盘。我俩公婆见到酒楼有点心拼盘，通常都会点，因为二人可食多些不同款的点心。这间的拼盘: 虾饺，潮州粉果，菜苗饺，红枣糕，叉烧包/鸡包仔。潮州粉果和菜苗饺的外皮比较厚，其他都正常。我们叫了两个拼盘，一人一盘，这样我们各人也可食到五款不同的点心，相比叫一笼有三、四件同款的点心，款式多了，两人都食得开心!芋丝炸春卷好味，炸得好脆。萝卜糕是比较多萝卜，少馅料，是乎个人口味。
继续阅读
第一次去呢度饮茶，上到一楼白色制服女知客目无表情用手指一指带位就算，深啡色制服女楼面眼神凌厉好似杀左佢咁亦唔会出声同我讲野，仲有大把台但无啦啦叫其他人搭台过黎。其他食客提醒我上一层唔洗搭台，跟住我问返刚刚著白色制服女知客系咪上一层唔洗搭台，佢话「系」，上到去举手递点心纸又见到白色制服女知客，佢话「你未开茶呀比其他人啦」，如佢指示我再举手递比其他人，该职员又话呢度唔开架你落返一层啦，跟住我好嬲直接走。总结：员工态度极差，完全冇服务可言，呢世都唔会帮衬！
继续阅读
今次又再黎喜福皇宴，肥牛好靓，油脂分布平均啱哂健康人仕之选。唔系其他舖一味得个肥字，见到已经唔想食，虾好新鲜，爽口兼弹牙。冇生蚝但有好大只嘅青口。炙烧芝心丸，咬落去芝士系个口到溶化。今次D菜改良左，用盆放置系蔬菜柜入面，好似一盆盆嘅盆栽。摆设好有心思
继续阅读