影片
以上资料只供参考，请与餐厅确认详情
招牌菜
夜妈妈想饮茶食点心都唔系冇可能！元朗呢间点心小店开到好夜架！呢度免茶钱加一，点心既种类都好多选择！食点心就点少得虾饺烧卖、另外我地叫左山竹牛肉同埋鲜竹卷，另外叫左2个蒸饭！全部点心都系热辣辣！而且仲大大粒！山竹牛肉口感弹牙，唔似平时食果d软淋淋，加少少喼汁食真系好正！虾饺同烧卖一样真材实料！呢度既蒸饭都唔错呀，蒸出黎够干身，唔会好似食粥咁！上面既配料都好丰富，我地叫左章鱼肉饼同埋凤爪排骨，加上少少豉油就已经好好味！呢度仲有好可爱嘅猫店长，原来佢叫虾饺啊，超可爱
继续阅读
🍴元朗夜茶抵食之选！喜洋洋点心专门店试食报告🌙 同老婆收工特登入元朗又新街揾食，发现呢间「喜洋洋点心专门店」开到凌晨2点，啱晒我哋呢啲夜鬼！铺头唔算大但干净企理，夜晚9点几都仲坐满人，睇嚟系街坊饭堂冇错啦～ 🌟必点手工点心 🦐招牌靓虾饺（$32）皮薄到透光！一咬开成只虾弹出嚟，仲要爆汁，正过好多连锁酒楼！ 🍗四宝滑鸡扎（$26）腐皮包住啖啖鸡肉同芋头，淋上鲍汁超惹味～ 🐮山竹牛肉球（$26）加埋喼汁食，传统味道冇得输！ 🦆怀旧鸭脚扎（$26）而家好少见，鸭脚炆到超淋，怀旧派必试！ 🥚鹌鹑蛋烧卖（$26）惊喜组合，蛋香同猪肉好夹 🍲晚市套餐超抵食 （$45） 🐔凤爪排骨饭原盅蒸饭够晒热，排骨腌得入味，加埋老火汤，今期系清甜嘅鱼翅瓜煲瘦肉，饮完成个胃好舒服 😋 ✨全日免收加一，不收茶位费用
继续阅读
元朗呢间点心小店经营已久，环境朴实但充满人情味，营业时间由早上到深夜，无论何时都能品尝一笼热辣辣嘅点心。相比大型酒楼，呢度更有风味，所以深受街坊喜爱，外卖订单络绎不绝。凤爪红面豉酱香浓，软腍，肉质嫩滑，皮骨分离。奶皇包松软，馅料唔甜，咸蛋黄和奶香平衡。 大大粒虾饺唔会一夹就散 ，外皮烟靭，虾调味啱啱好。鸡扎饱满 腐皮吸满汁，鱼肚淋滑有厚度，鸡嫩滑。饮茶必要品尝排骨饭，呢个排骨肉质入味，饭粒吸收酱汁非常惹味。加埋一个足料老火汤，暖胃又滋补。
继续阅读
喺元朗饮夜茶其实都唔系第一次㗎啦，但系喜洋洋就系第一次黎位置喺B仔斜对面，非常易揾，位唔算好多，我地都系坐喺外面，另外仲有四五台都坐满左。我地今晚唔算好饿，所以只系叫左几样我地钟意食既点心过下口瘾烧卖一定唔少得啦，粒粒都好大粒，蟹子唔算好多，但系食落啖啖肉，都几有口感㗎另外一样一定要叫既就系凤爪啦！又唔怕会饱肚，又好味平时我地都比较钟意食鲍汁凤爪多d，因为皮既弹性会好d，而且无咁喊，但系见呢到得呢款都照样要啦，都唔会蒸得好干身，d酱汁都仲系包住只凤爪，推介最后就系老公最钟意既糯米鸡，的确系好大个好足料，但就好似有d太油腻，同埋里面既鸡肉好干，唔易咬开普普通通啦
继续阅读
😋今晚食点心🥧感谢餐厅的服务😋的确好新鲜，日日自家制👍🏻虾🦐饺真系有鲜虾在内，劲抵食😋肠粉系叉烧，连粉皮都系老板自己制造。皮簿，但叉烧并不马虎，都系自己一手一脚烹煮！而且，叉烧的份量比其他酒楼的多几倍。就算连其他点心，都赞不绝口！🙌🏻平民价钱，食到好野食，心中好满足👍🏻
继续阅读