影片
喜乐鸡蛋仔系近年慈云山新开嘅小食店，上次食过一次觉得好好味，加上系屋企附近，所以咁快又第二次帮衬。今次外卖左一底朱古力味鸡蛋仔、原味格仔饼同埋炸鱼蛋返屋企食。………………………………………………朱古力味鸡蛋仔 ⭐️⭐️⭐️⭐️今次鸡蛋仔就无上次咁热辣辣，但系都仲外脆内软，不过朱古力味都系唔太突出，如果可以放啲朱古力粒落去就更加好啦。原味格仔饼⭐️⭐️⭐️⭐️格仔饼就热辣辣，应该系收到order 就即做嘅，口感好软，都算唔错，不过我偏好食落要有啲咬口，外层要少少松脆。奶酱之中练奶比例比较重，花生酱味就略为唔够。炸鱼蛋⭐️⭐️⭐️⭐️⭐️炸鱼蛋有意外惊喜，几弹牙，有鱼味。………………………………………………作为黄大仙街坊，难得附近有好味嘅地区小店，一定要多啲帮衬。
继续阅读