影片
途经九龙塘这大商场，由于系一支公，到餐厅食野好似冇咁经济，一于转战food court揾食。呢度有6-7款野选择，我就一于选择人龙最少既黎排。又俾我发现好野㖞，就系云吞河一碗28元，百物腾贵，唔使30蚊有河粉食，算几好啦。呢碗云吞系菜肉云吞，皮都算滑身，馅料就一般正常，系猪肉加菜，肉汁就无乜，无虾肉系有点失色。至于河粉就够滑但口感欠奉，质感都几淋，得个滑字。咁既价钱仲有杯可乐都收货既。
继续阅读
最近工作压力大到无人有，经常东奔西，走追小巴迫地铁打的坐船几乎都试咗一轮，今天又过咗嚟九龙塘送样板，等咗大半日都未等到个客仔，附近仲要无地方落脚食餐好嘅，真系有几凄凉得咁凄凉，好彩绝望之际同事比咗间喜栈嘅Num我一齐叫快餐。我哋叫咗一份叉烧饭同埋脆皮烧鹅饭，等咗半个钟唔使就有得食喇，你哋完全想象得到当见到两个热辣辣嘅快餐向你飞奔过嚟系一种咩感觉，就好似大海放生鱼，沙漠见绿洲，好幸福啊～～lee个moment我只可以讲lee个快餐系我咁大个以来食落最好味嘅快餐咯，份量够多，叉烧嘅味道咸甜味道适中，烤嘅时间刚刚好，瘦叉肉质比较嫩；朋友都话佢点嘅烧鹅，皮脆肉嫩，白饭吸收咗烧鹅汁嘅味道之后食落又香又开胃。5分钟都唔使，我哋就食完个快餐了，仲要觉得唔多够喉，想再嚟多一份先，好在个客仔终于比电话，话过多几分钟就可以赶到，如果唔系我哋就真系再点一次当下午茶了！
继续阅读
中午放工唔知道食乜好，Lily话我成日食埋啲大排档、细盒饭，食极都会厌啦，今日佢真系超级大方啦，话要请我嚟喜栈食lunch！！虽然唔系话咩贵野，不过胜在喜栈嘅野食性价比够高！！而且环境又唔差，好啱中午relax一下，食翻只炸鸡翼，叹翻啖奶茶！！~~~~我对喜栈其中一样好感就系佢用嘅系电子餐牌，对于我呢啲咁钟意环保嘅人嚟讲就啱晒啦，而且又唔使等waiter拿menu俾我地咁浪费时间，good choice~净云吞，中午唔想食太饱，想食好多小食，呢度嘅净云吞就系我嘅首选啦！！云吞皮够薄，云吞食落好爽口，而唔系果种软淋淋嘅口感，再配埋啲清汤一齐食，yummy！！！炸云吞，虽然净喺得两旧，不过一只已经觉得好大啦，其实系佢嘅云吞皮炸开咗，你先会觉得睇落去好似特别大旧咁，其实佢入面嘅肉同净云吞一样多，不过口感上就比较香脆。烧鸡翼~~我钟意食！！！呢对鸡翼虽然话系炸鸡翼，不过我自己就觉得佢嘅肉质吖、口感吖都更加偏向烧嘅鸡翼囖，特别系佢秘制嘅烧汁，好香！！另外我钟意嚟呢度食lunch嘅原因系套餐加14蚊，有优惠，可以任选餐牌上面嘅一种小食！！！绝对抵食啦！
继续阅读
平时会专诚找好野食外, 有时候Hea Hea 地都快快手手食过饭之后继续做野.放工后快快手手之选, 来Food Court 食过烧味饭云吞面虽为Food Court , 但D 烧味好似不错..来个烧鹅烧腩仔双并饭餐跟野饮(HKD58), 份量一般都够成人份量.烧鹅的外皮都颇脆, 肥瘦适中.而烧腩仔虽然不太热辣, 但外皮还是带脆, 口感层次也不错, 味道不算太咸, 送饭一流.而我这个虾子鲜虾云吞面餐 (HKD40),都有五粒云吞面质爽口而云吞中的鲜虾也是爽口弹牙味浓加HKD14 有个鱼汤油菜, 鱼汤就有点淡, 但我志在要吃多点菜多D 纤维La~相公竟然可以早返家, 只好买多盒义烧饭, 相公话Overallok , 不过义烧就瘦了点, 不过健康点不要吃太肥腻吧~价钱在又一城来说也是中规中矩吧~ 快食之选.
继续阅读
一个人在又一城，医肚最佳地点应该是顶层 food court吧。想吃得简单清淡一点，一于帮衬喜栈。虾子鲜虾云吞面(HKD40)云吞不以size为卖点，而是以鲜味取胜。幼面爽口有嚼劲，没皂水味，汤不过咸，味道不错。份量较少，女生应该满意。跟餐的鱼蛋鱼腐，另加 HKD14就可享用。鱼味很香，一口大的size也方便享用。鱼汤油菜味道清淡，菜心爽口，份量不多但却需 HKD33， 贵得有点夸张。最后加多一杯热菜蜜，普通纸杯份量，索价 HKD18，偏贵啊。跟餐再加的食物，价钱尚可接受；额外再搭配的小吃饮品，价钱是意料之外的昂贵，份量不多，还真的要三思，不能兴之所至随心添加。
继续阅读