影片
今晚饮左唔少，醉就梗嘅，醉左肚饿要医肚，天经地义。想去永华食面，但夜晚一点几已经收左工，就去翻曾经所爱嘅食肆喜喜度食碗云呑面，睇下质素有冇翻生！唔食烧味，就食喺度点左食过唔错嘅云呑面，评云呑面永远分三个部份，面、汤及云呑。云呑面 HK$32卖相唔正宗，云吞冇摆底规扥起面身。面面爽口，有砚味而不重，份量比正宗云呑面大碗，算唔错。汤甜，好有虾皮味，亦有猪骨及大地鱼味，但饮完几口干，味精唔少。云呑最好，猪肉少于一成，有大地鱼粉，虾爽口而有虾味，啤水时间掌握得好好。总结: 整体而言碗面算做几好，二十四小时营业方便食客，好适合我呢类夜晚饮到啤啤夫嘅酒鬼。
继续阅读
雪耳猪骨汤，是日例汤，味道唔差架㖞，只系外卖唔够热啰。旧雪耳有成个碗咁大呀，真夸张！鸡鹅饭加咸蛋，原本系切鸡髀烧鹅髀饭加咸蛋架麻，叔叔话要过百蚊，咁贵？！公司比钱点肯过我﹗依家仲要比骨杉杉无肉食鸡翼我，阴功 ﹗好采味道质地都好满意。鹅肉味道香浓，肉质细嫩多汁，唔错唔错。咸蛋高质，出晒黄油，捞饭无得顶！我叫左 8 个饭其中 4 个都有鸡，点解全部都系鸡翼呢？干鞋口感又味道平平，no good！如果唔系再兴烧腊休息都唔会走过黎喜喜买饭，再兴平靓正又好食，双髀饭七十蚊有找架 ﹗每年只有两三次黎湾仔会展攞 show，其中可能只有一次能够去再兴买烧味饭食，但居然星期日休息呀 ﹗我仲长途跋涉行到身水身汗，点知买唔到，局住去对面喜喜买，但双髀饭要过百蚊呀 ﹗唯有放弃，转买普通烧味饭啦。我地都系想食餐好少少，开心啲啫 ﹗平靓正既再兴双髀饭都只系六十蚊有找乍。
继续阅读
旅行完落机揾饭食！因为已经好夜，加上好攰！所以叫司机去湾仔买烧味外卖（因为快）再返屋企！去到门口排队买票！因为我要写食评，收银阿姐落好单放柜位，我顺手攞起睇几钱（方便我之后写）点知我一攞张单，阿姐以成间舖都听到嘅声量喝止我：「你做乜攞呢张，你攞走就无嘢食呀！你唔系攞呢张架⋯⋯」我即刻话：「睇下啫！」佢依旧好激动！好像我偷单咁 （其实张单都系我order! 个客唔知情咪解释下，唔使咁激动嘅！我都系第一次帮衬啫！唔好吓亲我呀！ 不过佢激完，可能都觉得自己激动咗！之后又笑笑下无事！我三个人叫三个单拼（烧肉、油鸡、叉烧）分享（咁叫最抵食 ）食品好快包好！连例汤！即刻片车返归！打开份量好大，后悔无叫少饭，烧味都好多！先讲叉烧：㶶边，厚肉，比较干！油鸡：鸡胸背部份，唔够厚肉，比较嚡，用姜葱茸好味点！烧肉：好肥，肥多过瘦，所以好淋，似啫喱，皮唔脆系硬！伴碟菜心新鲜爽口，唔错，饭比较干，淋了豉油汁好少少！份量大值得赞！个例汤都值得赞，唔味精，金黄色，煲得好浓，而且外卖之仲够热！地方普通茶餐厅格局！我只在门口企一阵，但门口都油淋淋！唔算干净！
继续阅读
来湾仔上堂揾间茶餐廰食个早餐先左行右行来了呢间喜喜茶餐廰menu太阳蛋火腿方包，蛋有蛋味煎得都几靓沙嗲牛肉面，牛肉普通面底麻麻，个汤太咸冻奶茶好饮好饱嘅一个早餐
继续阅读
一如其他烧腊茶餐厅，整洁度及舒适度不要有太高要求。小吃一碟乳猪三宝饭，乳猪拼上叉烧切鸡，连饮品一杯$55，都唔平噃！乳猪颇瘦，基本上无肥肉，肉质干身，幸好主打外皮够薄够脆口。叉烧肉纹有路，松软度中上。切鸡同样用上瘦鸡，口感不够滑溜。配上的姜葱蓉亦显然过咸。
继续阅读