喜喜燒味冰室1998

营业中

休息中

近來天氣好熱，一間冷氣足嘅茶餐廳係好吸引，後來發現侍應姐姐嘅態度好好，雖然食下午茶都滿臉笑容招呼，要咩醬料都即刻奉上，冇話嫌麻煩，抵讚👍🏻✨🥢乾炒牛河$45+凍檸茶$3: 牛河有鑊氣，牛肉又鬆軟，河粉唔係碎濕濕的，出乎所料香口，再大碟啲我都食得哂😋。辣椒醬要問姐姐攞，姐姐好合作即刻攞兩包俾我，爽快👍🏻✨🥢楊州炒飯$45+凍檸茶$3: 唔知係咪因為本身有燒味賣，炒飯好多料、好多叉燒粒，飯又炒得乾身，合格✨🥢叉燒油雞飯$40+凍檸茶$3: 油雞滑，但叉燒唔係梅頭肉，有點乾、鞋😓；燒味量比白飯還多，老板大方呀😉✨🍜柱侯牛腩河$40+凍檸茶$3: 係牛腩但唔係傳統做法，牛腩係一粒粒，唔可以話難吃，但就是….試一次便夠😅整體來說食物合格，但茶餐廳氣氛舒服，絕對會回頭！

今日打算喺灣仔食返個早餐😊😊經過軒尼詩道， 見到呢間喜喜冰室， 地舖咁方便就入去試下啦， 入到去睇返餐牌都合理，40蚊一個早餐左右，🤭🤭入到去員工都會講早晨好有禮貌 🤠🤠叫咗個五香肉丁米粉， 黎到嘅時候碗米粉好熱， 覺得佢哋整得唔錯😋😋 米粉質素都算幾好， 五香肉丁都多之後跟餐有餐肉煎太陽蛋， 太陽蛋剛剛好我最鍾意， 午餐肉就正常發揮啦😙😙最後叫咗杯熱鴛鴦， 果然呢種類型嘅冰室鴛鴦都幾好飲☺️☺️總括食得都幾開心， 因為員工有禮貌， 食物又整得幾好， 最重要係早餐價錢唔好貴🤑🤑

自從換了個燒味師傅,餐廳改善了很多,再加上本身食物很好,整潔好味,價錢便宜,叉燒經常是肥叉,好味,燒鵝賴粉好味,什扒飯的牛扒很好食,英蓉蛋飯的豉油採用美極,好味

今日出灣仔，心血來潮嚟咗好耐都無幫襯過嘅喜喜，而呢間位於軒尼斯道嘅就完全未試過，早前有網友話呢間係直昇機，但係人就係犯賤，唔試過就唔心息，叫咗個以往食開嘅燒腩仔叉燒飯加薑蔥蓉，配飲品套餐，$56。個湯係蓮藕排骨湯，正常，好飲。燒味飯遠望無乜唔妥，近睇就知佢嘅叉燒改咗用五花腩而唔係傳統用嘅脢頭豬肉，食落腍啤啤，唔得爽，個燒肉仲衰，皮肉分離，啲肉若果用個「霉」字去形容都唔算過份，明顯係貨源唔掂，咁搵幾叻嘅師傅整都係無用。或者下次會試其他都未定，但叉燒同燒腩就免啦。

放工經過見到外賣套餐幾吸引，點知食咗一肚氣，叫咗個燒味雙拼瀨粉，返到屋企打開先見到燒味份量少得可憐，仲要搞錯俾咗個米粉，點餐嗰時見到餐牌上寫明套餐配送例湯，最後問職員拎又話唔俾，唔會再有下次！

夜晚經過，見到燒鵝乳豬雙拼80,見到價錢不偏宜,想試一下！估唔到燒鵝同乳豬都係凍得，燒鵝又柴又硬，乳豬全部是肥肉，飯系剩飯又凍又難吃！檯面都係油，服務都差！中伏

路過灣仔，入去食個下午茶餐。叫左沙嗲牛肉煎蛋米粉，味道一般。叫杯熱好立克，一位男侍應幫手落單，跟住放低張改單。見到加左$3，以為落錯凍飲，跟該位侍應確認是否熱飲，點解會加左$3。佢話跟單做，唔知道咁多。自己再睇下餐牌，原來真係寫左熱飲凍飲都要加$3。該位侍應就係度講自己睇餐牌啦，費事同你講。真係唔好意思，我唔係遊客，唔會睇埋餐牌啲細字，係茶記食下午茶餐都要加$3真係第一次。香港餐飲業生意差，其實都唔係偶然。食物水平一般，價錢貴，服務態度差，點叫客人幫襯呀。

求其搵間野食午餐，入到去d呀姐呼呼喝喝，態度勁差，野食又難食，我地8個人兩張枱，一張岩岩食完諗住等大家一齊才去埋單，個侍應呀叔話食完就起身唔好阻住佢地做生意，成班侍應不斷罵d 客。

今日行過附近順便食呢間燒味 見佢寫外賣雙併燒味飯38連飲品/湯叫咗油雞燒肉瀨 收到張單凍檸茶加8蚊又話連嘢飲 而家似自己加錢自購凍飲加3聽過 8蚊點嚟 問佢 阿姐話 "唔知呀 總之加8蚊 😳"收費和menu不同我話 咁轉返飲湯 佢話入左單 冇得改😒瀨粉分餸唔分湯 返到公司已經發脹淋曬湯好淡冇味 食物咸普通 唔會再幫襯啦

老闆可否炒晒d避風塘素食，當我買义雞飯外賣，經常吾比薑蓉，當記得比薑蓉就吾比飲筒，當冇野吾記得比時，我叫凍奶茶就比柸凍咖啡我。吾知點解你間茶餐廳做外賣經常做錯野。

一星期幫襯4日，外賣雙拼飯配湯。乜都試過晒，其實食物質素低，只有燒腩仔係食得過，最最最差係叉燒（好乾好'鞋'，好難入口），其他如油雞、切雞麻麻地，燒鵝完全無香味、肉'鞋'。因為佢外賣抵食，所以一直幫襯。外賣和堂食差距 $20，十分誇張。一年了，一直沒有收外賣盒和膠袋錢，而且是膠盒，可以重用。今日突然話要加多 $2 外賣盒和膠袋，仲要係發保膠盒。這樣做生意不合理！收得錢就應該俾膠盒，一下子跳到落發保膠盒，有感故意掠水。反正佢啲嘢食質素差，我乾脆唔會再幫襯！

近日天氣寒冷, 一心諗住中飯時間吃個燒味飯會飽肚暖胃, 於是從中環跑去灣仔, 見這間以燒味為主打的喜喜燒味冰室(能以燒味作招牌, 應該有一定質素)!於是點了义燒鴨飯加中湯, 碟頭不少的 (剩為HKD62)! 但可惜义燒勁唔合格 ---又肥又刃又乾, 义燒不是用梅頭或赤肉做, 而是用了一塊下欄肉去燒(一般做义燒都不會用的部位),  完全咬不入, 如果正常肥义燒應又香又滑才是, 夾了一塊已跟店員反映, 但店員看了碟义燒鴨飯一眼, 當沒聽到投訴就馬上走開了! 結果我只吃燒鴨及1/3牒飯便付款走人, 浪費了2/3碟; 這次不快經驗已令我不會再來!

昨日專程從中環座地鐵去灣仔，想食高質素的燒味、於是選了這間以燒味為主打的「喜喜燒味燒味冰室」， 午餐供應燒味雙拼飯$62（包中湯或飲品），點了傳統的叉鴨飯及例湯，碟頭都算大，但义燒就勁唔掂—- 勁肥但又肉質非常刅，很費勁都咬不入，跟店員反映，完全沒有理會當聽唔到！結果整碟飯只吃了幾件燒鴨便放棄了，浪費了三分之二！正常來說，肥叉燒，應該是滑溜軟熟！但竟然是又肥又刃！之前去過一次吃茶餐、已經覺得沒有特別，昨日的經驗令我以後都不會再光顧這間店！🥲

次次都是個年青人吾記得比僵蓉，吾知係吾係故意，吾知係吾係個年青人為博廚房師傅的認同所以這樣玩客人。年青人真冇性格欺善怕惡但又要冇自尊合群，你廚房師傅可以為了外型玩我，等於心底裏潛意識都有鄙視你外型玩你。

早兩星期晚飯時間食過的豉油雞脾四寶飯, 啲餸多到睇唔到下面啲飯 (相中的半隻咸蛋反轉咗放, 未必睇得清), 源自舊舖 (仍在的) 廚神級的义燒, 造法與眾不同的, 味道方面相信都接近冠絕全港; 隻豉油雞脾又係真的無得輸.早兩日再去食午飯, 叫了另一款四寶飯, 內有燒排骨及豬仔腳, 非常入味, 燒排骨多肉及嫰口, 好少食到咁肉感的燒排骨。我覺得佢哋有啲秘方, 食材質素也相當高, 下次路過灣仔要試吓其它燒味以外的廚房出品.