喜亭軒

营业中

休息中

放題雞煲邊爐一次過滿足你三個願望，極豐富和飽足！兩個女仔最後食起雪糕放題🤣筲箕灣形薈新開餐廳，環境好大我倆坐得舒服，台夠大可以擺放食物。人均：$358.5.選了$288黑毛和牛set先食宮廷香辣走地荔枝雞煲，有前菜海蜇和中華沙律，其後加$38任食刺身，推介！刺身新鮮，帶子、甜蝦、三文魚again & again！之後出去拎醬料，選湯底：花膠黑胡椒豬肚湯，有大大舊豬肚、皮蛋芫荽湯，有馬蹄，勁多芫荽，烚下烚吓好快兩個鐘。.火鍋落過單的如下：海鮮拼盤美國S R S黑毛和牛安格斯肩胛肥牛西班牙黑豚肉黑松露蝦丸蟹子墨魚丸芝心牛肉丸梅菜豬肉丸黑椒牛筋丸香菇貢丸魚皮餃鮮蝦雲吞鮮蝦水餃蜜椒一口雞翼午餐肉菇類蟹柳豐盛菜籃兩款啤酒任飲，飲左罐醇滑嘉士伯最後我們每人食了兩條雪條加一杯movenpick好滿足！.總結最驚喜有大腳板、mega，香印雪條，同類型餐廳比較少見，另外有醇滑嘉士伯和獅威啤酒任飲，哩兩樣喜歡的真的可以食到飲到回本！當然任叫和牛肥牛也是必須😂

“美饌B雞煲海鮮放題套餐”($288/位)“任食刺身”(+$38/位)通常去筲箕灣食嘢都只會諗到東大街但最近新開嘅商場形薈已經有唔少餐廳進駐🤩今次就去咗呢間喜亭軒食雞煲火鍋放題🤤晚市2小時雞煲火鍋放題有2款分別係平啲嘅A餐提供嘅牛肉係安格斯肩胛肥牛B餐就會多咗美國SRF黑毛和牛🐮價錢只係差$40,所以我地就直接揀咗B餐🤣而每位加$38就可以有任食刺身,咁抵無理由唔加啦😛入座後先會上宮廷香辣走地荔枝雞煲🐔雞肉份量岩岩好,唔會一嚟就食到飽哂打唔到邊爐🤣肉質都唔好太乾柴☺醬汁叫咗小辣,幾惹味😚刺身方面提供嘅款式有8款分別係三文魚,油甘魚,泰式虎蝦,甜蝦,北寄貝,榮螺肉,日本帶子,八爪魚🐙質素都唔差,所以我地都encore咗幾次😛雞煲食到咁上吓就可以落定火鍋湯底我地就叫咗四川麻辣同花膠胡椒豬肚鴛鴦鍋🍲同時會跟一份海鮮拼盤有海蝦,鮑魚仔,帶子,斑腩,青口,蜆😍當中海蝦同青口之後都可以再任點嘅😝配料種類以放題嚟講算係幾豐富肉類除咗牛,仲有西班牙黑豚肉🐷同蒙古羊肉卷🐐仲有好多唔同丸類,菜類,主食,小食等等大多數嘅食材質素都唔差☺食到好滿足😋最後甜品環節除咗出面任攞嘅雪糕雪條仲可以每人落一杯Moven

返工太辛苦，中午要食餐好獎勵下自己，得1.5小時食飯，同事揸車來回形薈至可以食耐啲，話晒食放題一定要食多啲至滿足我地揀左美饌B雞煲海鮮放題 美國SRF黑毛和牛 $258，每人加$38任食刺身🐓雞煲打邊爐前食，份量大概有半隻雞，小辣味道岩岩好，帶點麻辣嘅香，雞肉亦算嫩滑🍲火鍋🥩美國SRF黑毛和牛（必食）牛肉係逐件order，我地2個人一叫就叫十件和牛油脂分布平均，肉質有光澤，而且比較厚身大塊，建議先將和牛攤開，等水滾再放落去，大概5-7秒就食得，入口有濃郁的油脂香同牛味，唔洗點醬已經好好食，叫多幾round依然保持水準👍🏻🦐海鮮海蝦滾完啲殼好容易剝，證明好新鮮，食落好鮮甜鮑魚大大隻，色澤好靚，容易咬開而不失口感青口都不錯，亦係大大隻，無雪藏過嘅味，咬落去好彈牙蜆殼全部都開口，雖然粒肉唔算大，但頗鮮甜，味道不錯🍢丸類黑松露蝦丸（推介）真係用新鮮蝦肉打成，食落有咬口，加入左黑松露味道更香濃，而家預先調好味，不需再點醬汁🍣刺身分別有帶子、甜蝦，泰式虎蝦、三文魚、八爪魚、北寄貝，樣樣新鮮味美，個人最鍾意食帶子同北寄貝推薦指數：🌕🌕🌕🌗🌑（5🌕滿分）餐廳新淨寬敞，各款食物質素不錯👍🏻

集齊雞煲/火鍋/刺身的火鍋放題筲箕灣近年有新樓宇落成,配合其發展必然會有新式的商場(形薈),入面的空間不算太大,但有許多新開的店鋪。今晚朋友生日,好耐無食高質的任食火鍋放題(包雞煲),既然新開就不坊一試~環境寬敞,坐得舒服;有齊雞煲/火鍋/刺身三種選擇,價錢中上,視乎時段;店員服務殷勤有禮。晚市火鍋放題 B餐 268元+38元任食刺身 (+10%服務費)雞煲(小辣)大中小不辣的雞煲,通常都會選小辣,因為雞煲要辣才夠惹味。吃完半隻,店員提醒可以無限添加雞煲,這點在打邊爐店相當難得。刺身拼盤+38元鮑魚/青口/生蝦/魚片/墨魚片/帶子在品嚐雞煲的同時,店員會親自上一碟刺身拼盤,同樣都是任食套餐,第一碟是固定的,大部分刺身都很新鮮,但切記不要吃太多,因為要留肚打邊爐!火鍋湯底 - 姬松茸益菌/花膠胡椒豬肚湯個人力推姬松茸益菌湯底, 越煲越濃,非常鮮味,很有雲南菇菌的原味道。花膠胡椒豬肚湯就略帶有胡椒味,吃清淡的食材會特別有效。推介火鍋食材黑毛和牛/手打丸/海蝦/粟米/鮑魚/帶子/皇帝菜黑毛和牛是絕對要點完再點的精選,我只是將和牛放入姬松茸益菌湯底灼十秒,直接食用就感受到和牛的味道,緊記要多點

喜亭軒👻好耐無同屋企人打邊爐好在一年四季都有得打見到依間有海鮮有雞煲仲要有刺身放工約埋屋企人過黎食個邊爐食到好滿足既一晚😛.🔅美國SRF黑毛和牛火鍋放題 HKD288佢一開始就可以揀個雞煲食住先揀咗小辣出到黎辣辣地咁好爽份量啱算多不過可以無限任refill😆咁樣就唔怕好快食飽食唔落野啦佢雞煲入面個豬皮吸哂汁勁好味🤩✨花膠胡椒豬肚同埋姬松茸雜菌湯湯揀咗兩款前者夠清後者就濃菇味一次嘆兩個湯底可以隨喜好揀落邊個湯底✨海鮮拼盤佢海鮮都有得任食不過除咗散叫既仲包埋個重量級海鮮拼盤有鮑魚帶子青口大蝦蜆魚擺得夠靚成架船咁仲要用料夠新鮮🥰🥰🔅刺身任食放題 HKD38食放題加$38就有埋任食刺身見到啲刺身質數咁靚當然要加啦三文魚 油甘魚 榮螺 八爪魚甜蝦 虎蝦 帶子 北寄貝有質數夠鮮甜帶子刺身真係世界級好食😉.整體黎講：刺身邊爐 雙重享受😚.🎈喜亭軒 (筲箕灣)筲箕灣筲箕灣道393號形薈1樓1號舖

知道呢度開咗一間火鍋，近近地過嚟試吓。環境舒適，服務不俗，個個阿姐都好有禮貌，服務態度良好。講到食物，二百零蚊～就唔需要抱有太大期望，不過不失….我哋揀咗A餐，埋單每位$270。質素就普普通通，但係普通火鍋料、飲品、雪條都係任吃，兩小時，如果志在找個地方同朋友聚一聚，都可以接受。但係如果講求食物質素嘅朋友，就未必適合了。個人覺得雞煲算最好食，幾惹味，呢個係二人份量。海鮮盤入邊，帶子係最新鮮，魚都OK。其餘嘅就不過不失！蝦、青口係可以再點。好明顯，牛嘅質素係好普通其實仲有其他小食選擇，不過冇影相。湯底亦都係差唔多食完先記得影，真係唔好意思Movenpick/Dreyer可以order一次，其餘雪條就可以任食。平日晚上，人唔算太少，大家都想試新野掛。不過如果佢可以做高質少少，可能可以吸納多啲客人。相信大家唔介意俾貴少少但係食好啲。（不過都只係個人意見）

公司附近新商場開左一排，食晏經過見到呢間裝修得幾靚又有雞煲同海鮮火鍋放題，就想試左好耐，終於約到人黎陪我收工食野🤗🤗佢套餐有兩款，A餐就配安格斯肩胛肥牛（$248)，B餐就包哂A餐既野再加美國SRF 黑毛和牛 ($288) , 另外仲可以加$38任食刺身添，我地個個樣樣都想食，最後就揀左B 再加刺身添🤤🤤一嚟到佢就上咗四個前菜，有木耳，青瓜，中華沙律同埋海蜇，調味都幾足，海蜇非常之爽脆，整體來講幾好食😙😙跟住就係主打嘅雞煲😍😍店員擺上黎之後比個鬧鐘我哋，2分鐘就食得啦😚😚雞煲份量唔多但店員話免得我哋食飽哂，唔夠可以一直添雞煲🙆🏻‍♀️🙆🏻‍♀️我覺得呢個安排幾好，又唔會浪費食物，想食又可以繼續食👍👍抵讚加左錢揀既刺身我地就全部都叫左少少黎食，刺身質素唔錯，全部都新鮮甜美，又切得大大件，比既數都足，最好食係個帶子刺身同埋油甘魚，兩個都好鮮甜😋😋湯底有5款選擇，仲可以揀鴛鴦湯底，我地揀左花膠胡椒豬肚同埋姬松茸雜菌湯，湯底清清地，仲好大個鍋方便我地落配料😙😙跟餐有個固定既海鮮拼盤，有蝦，青口，鮑魚，扇貝，龍躉同埋蜆🤩🤩好豐富，其他配料包括牛肉，丸，菜同埋其他海鮮全部都係qr code 落單，仲可

放工想喺附近搵任食打邊爐，發現筲箕灣新開左一間火鍋放題，仲有刺身任食！地點就係喺筲箕灣地鐵站附近嘅一個商場～一日凍我就見到好大張枱放好多調味料，除咗蔥，蒜頭，芫荽等，仲有好多款醬料等雞煲嘅時候，可以食咗刺身先～ 款式都算多，過下口癮都唔錯～舖頭採用QR code去點餐嘅，首先就揀咗個小辣雞煲，分量唔算好多，但兩個人食好足夠～然後就叫咗啲小食，以上幾款都味道唔錯～ 先叫咗美國SRS黑毛和牛同埋安格斯肩胛肥牛，一款牛味比較重但就會厚身啲，另一款就比較薄切啲～ 我個人就比較鍾意安格斯西班牙豚肉片都夠薄片，好快熟同好香豬肉味仲有海鮮拼盤同埋各式各樣嘅手打丸類～黑松露蝦丸同芝心牛肉丸就比較特別啲另外青口都幾新鮮，值得一試！飲品亦都係任飲，仲要有啤酒供應，夠誠意其實仲有好多其他嘢食，不過就食唔晒咁多款，下次可以encore

形薈商場愈嚟愈多餐廳！有時唔知食乜好又想乜都食最好就係食任食任飲嘅放題，而咁啱屋企附近有間主打廣式火鍋所以今日收工就嚟試試啦。呢到晚市火鍋放題配料有：肉類🔺美國SRS黑毛和牛，安格斯肩胛肥牛，西班牙黑豚肉，蒙古羊肉海鮮🔺青口，海蝦，手魷，鵝腸，豬潤，豬皮，雞子，牛柏葉時菜🔺豆卜，生根，海帶，金菇，生菜，菜芯，皇帝菜，娃娃菜，炸芋頭等等...主食🔺白飯，烏冬，出前一丁，紅薯粉，粉絲小食🔺麻辣海蜇，一口雞亦，貓耳朵，黃金魚片頭，中華沙律刺身🔺三文魚，甜蝦，油甘魚，日本帶子，北寄貝等等...而星期一到四火鍋放題只係$288!!! 刺身會先畀一份，如果想任食就可以加$38咁就可以任食所有刺身。首先上嘅雞煲唔算好大隻，但勝在夠香同濃味道。食完之後我哋就點咗兩款湯底：花膠胡椒豬肚/松茸益菌鍋。食肉獸嘅我哋獨瘋狂叫美國SRS黑毛和牛！佢薄得嚟帶點肥非常好味，而另一樣我最喜歡係炸芋頭！個芋頭又粉又香，而雪櫃都有多種款式，仲有我最鍾意食嘅movenpick雪糕。有時想滿足下任食同一大班人覺得呢到近近地都係不錯嘅選擇！離開時發現形薈真係多咗好多餐廳，有機會下次再試其他！ 📍筲箕灣筲箕灣道393號形薈1樓1

一向喜歡飲茶吃點心，形薈新開的這家點心火鍋店，平時路過向上望，見到窗邊坐滿客，決定放假要來試試。黑松露北菇燒賣王 - 每粒燒賣都有兩隻蝦肉， 肉質彈牙，好味！陳皮牛肉球 - 牛肉球大大粒，但美中不足，略嫌沒有什麼陳皮味…原隻鮮蝦腸粉 - 腸粉算滑，味道正常流心榛子煎堆仔 - 即炸，看到仍然在出煙，脆脆芝華外皮，入面是流質的榛子醬這裡是用茶包泡茶的，出味需時，臨結帳時才飲到應有的茶味…假期下午兩點半來到，入座前店員告之三點半為截單時間，果然很準時，他們即掃地、準備每枱的火鍋工具。

筲箕灣呢個地方真係比較小黎, 因為同行朋友住附近佢話見到呢個商場有幾間新開既餐廳, 所以就揀左呢間試下..呢間係食完雞煲之後可以轉湯底打邊爐所以先吸引左我黎…呢度有2個唔同Grading既牛比你揀.. 我地揀左Set B,有和牛都只係 $288+10%見比平時既和牛邊爐平, 所以都不妨一試.. 同埋我地仲加左$38/位 食埋刺身呢度有位錯，位置都闊落同舒服😌係等雞煲既期間先送上4款小食, 再等多陣就上刺身&雞煲刺身種類唔會太多, 但一般既選擇都有.. 都新鮮的~~麻辣雞煲- 小辣 入面除左有雞件之外仲有豬皮.. 都唔係好多地方既雞煲有豬皮佢地既雞預先炒過.. 小辣食起黎唔會太麻/辣.. 係好BB既BB辣既感覺~ 雞件啖啖肉同juicy.. 配上麻辣醬好惹味食完雞煲就可以換湯打邊爐, 當日有5款湯底, 而我地揀左什菌湯拼麻辣湯之後再上海鮮拼盤, 分別有鮑魚、海蝦、魚片、聖子、帶子、青口同埋蜆海鮮拼盤既海鮮都好新鮮, 建議大家用什菌湯底果邊, 可以食到海鮮既爽甜佢地既和牛質素都相當唔錯! 不論你放邊一邊湯底都唔會cover到佢地牛味..濃郁之餘入口軟腍, 任食質素黎講相當好!❤️手打丸質素又

住東區選揀雞煲嘅餐廳唔多見到筲箕灣形薈新開一間就提早BOOKING試下晚市的雞煲邊爐打去BOOKING , 工作人員對一二三輪的時間也不太清楚 , 真的搞到我一頭霧水BOOK左7:00第二輪，6:50就能入座了首先是食雞煲，上枱便知龍與鳳雞肉眼見已經太乾，就知道過熟了我不是扮食家，自己做飲食20餘年，睇得出雞肉份量亦少得可憐，還要放個鬧鐘在旁邊調教2分鐘？其實雞肉眼看都知全熟鬧鐘作用只是翻熱味道方面太重口味，醬料放太多只吃到濃濃的醬味同味精工作人員還提醒，雞煲吃得差不多。可以早點掃QR CODE下單選鍋底。因家人不太好吃牛肉，就揀左A餐。鍋底唔想講 清水咁 看不到誠意同心機同街市78蚊一磅差唔多口感味道但顏色係OK海鮮放題;基圍蝦,熟扇貝,鮑魚,沙白,熟青口,不知名魚肉,似龍躉最後不得不提的雪糕櫃在上層的雪糕出現溶化現像小心進食為妙3大1小花費1100元這個價錢可以到杏花邨稻香食得更好并不是抹黑，而係價錢同食物質數不成正比感覺似在大排檔吃一樣(大排檔可能仲好)可能是剛開業關係吧？餐廳位置也開在人流旺的商場。希望日後食物質數有所改善，先再考慮再幫襯。

. 📍喜亭軒 📍香港筲箕灣筲箕灣道393號形薈1樓1號舖最近秋風起又是吃火鍋的好時機😝發現一間新開的火題放題，環境超級整潔，我星期四晚上7點半去吃，選了套餐B雞煲海鮮放題(288hkd)加任食刺身(+$38)🥰牛肉可以選安格斯肥牛和美國SRS黑毛和牛😝刺身都處理得很乾淨，我推薦螺肉和泰式虎蝦，螺肉可以吃到海鮮的甜味，虎蝦很爽脆新鮮，$38可以無限食很划算💕點了小辣雞煲，辣度非常輕微，喜歡辣的人可以放心點大辣😂豬皮在裏面非常吸汁🥰好吃，後續的火鍋湯底選了麻辣和豬骨湯，麻辣湯很香但不油膩，食物不加豉油也很夠味💕火鍋料的選擇很多，基本上海鮮、牛豬羊和特色丸類都有，黑毛和牛的油花很均勻，我連續點了2、3次😂海鮮拼盤按人數送，蝦🦐超彈牙新鮮，青口也完全不腥，必須叫😂！#foodiblum港式

今次同朋友嚟試吓喜亭軒😚 佢哋嘅晚市放題配料選擇都多，門口勁多人排隊🔥餐廳都好方便啊係用QR code落單👍🏻環境舒適 性價比高!個人鍾意胡椒湯底多啲！又唔會搶晒肉類嘅味道👌🏻我最鍾意嘅就係美國安格斯牛肉😚其次就係srf和牛💓兩款都好重牛肉味，肉質亦好嫩滑～然之後都推介西班牙豬肉🐷🐷成日話食牛肉好毒 咁豬肉啱啦掛！佢嘅牛肉同豬肉一樣咁出色 肉質好鮮嫩😻配料方面我就鍾意佢哋嘅鮮蝦雲吞，墨魚丸同牛肉丸🔥全部都勁鮮甜彈牙🌞最後就食咗佢哋嘅自助區雪糕 都好多選擇❤整體來講呢間火鍋店十分唔錯！！

昨日去咗港島東區做嘢，做完嘢就約咗朋友係附近食嘢，見到形薈商場開咗間新餐廳叫喜亭軒，眼見餐廳環境都唔錯就去試吓先。喜亭軒早上、中午丶下午茶有點心食。中午、晚上就有雞煲海鮮火鍋放題。昨晚就嚟食雞煲+火鍋先，餐廳有分唔同時段，價錢都會唔同。前菜一坐低店員就先送上四小碟小食，有泡椒鳳爪、麻辣海蜇、中華沙律、香辣鮮竹貓耳朵。我本身都鍾意食海蜇，呢度海蜇食落好爽口，之後仲叫多round 添🤪刺身打邊前會先送上刺身，有三文魚、帶子、泰式虎蝦、北寄貝丶油甘魚😋😋😋😋樣樣都幾新鮮，唔錯。雞煲+ 火鍋之後就送上雞煲，每件雞都好惹味，食完雞煲就轉食火鍋(打邊爐) 😋 湯底點咗個鴛鴦鍋(麻辣/皮蛋芫荽)。海鮮拼盤餐廳會送上青口、鮑魚、海蝦、元貝、沙白、斑腩等海鮮，樣樣海鮮都新鮮㗎。其他海鮮類，海蝦、青口、水魷魚、鯇魚片等係可以無限任食😂，海蝦我當然要嚟多幾round 啦☺️肉類有美國SRS黑毛和牛、安格斯肩胛肥牛、西班牙黑豚肉、蒙古羊肉卷，梗有一款啱大家，我呢個牛魔王，當然食咗幾碟牛食返夠本😋食到咁上下其實都差唔多飽飽地，叫多幾款丸、加上我最愛嘅蟹棒、芝士腸、娃娃菜、粟米咁啦，每次打必我都必點😆粉麵如果大家未