影片
港铁湾仔站 A3 出口
继续阅读
电话号码
25282121
开饭介绍
喜万年酒楼已有三十多年历史,而其炭烧乳猪更是出名特别好吃,其他小菜点心亦都制作认真。
继续阅读
营业时间
今日营业
10:00 - 15:30
18:00 - 23:00
星期一至五
11:00 - 15:30
18:00 - 23:00
星期六至日
10:00 - 15:30
18:00 - 23:00
公众假期
10:00 - 15:30
18:00 - 23:00
以上资料只供参考，请与餐厅确认详情
相关文章
第一次去呢间酒楼饮茶，见系老字号，所以就试吓。因为朋友星期六要返工嘅关系，所以就约咗食下午茶时段。2:00去到，等枱等咗半个钟。食食吓喺3:29先知道啲员工3:30落场。喺无通知嘅情况之下3:30准时全场熄灯赶客人走。所以如果大家去食记住避开下午茶时段，除非你食得好快，一个钟之内可以食完啦。场入边有老有少，员工都唔会话特别留意就熄晒所有灯。仲要间酒楼喺地库𠮶层，熄咗灯之后场内黑麻麻，迟早有意外发生。啲人要摸黑咁执嘢走，我同我啲朋友都要开手提电话嘅电筒先可以睇清楚有无留低嘢。但系食物系OK嘅，啲虾饺好大只。但系员工嘅态度要改善一下。
继续阅读
例牌叫咗春卷，春卷炸得个皮好脆，都几好食。虾饺真系出色，内涵嘅虾有好多只，好足料，咬落弹牙，味道调得刚刚好，个皮又好薄，新鲜出炉，热辣辣好好食。马拉糕整得唔系好甜，个糕亦好有弹性，好好食。山竹牛肉球，牛肉球咬落入面唔会话有啲根咁咬唔烂，整粒都琳琳滑滑咁，个味亦调得啱啱好，值得一试。见到隔篱枱叫左个金黄色好大笼嘅食物，卖相好吸引，所以就跟住你叫咗一个，佢系花胶栗米蒸虾滑，好大笼，花胶好大块，虾滑好多，粟米又好甜，好好食。好耐冇食锅贴，叫咗一碟，煎得唔够香脆，但涵料就好足，食一个都好饱 。
继续阅读
湾仔地牢夜总会酒楼？ 诚意推荐春风得意肠《喜万年鲜虾饺（特）》$49 真系皮薄馅靓！一上台见到啲皮好晶凝通透。里面有满满嘅虾肉，食落爽口弹牙！ 《蟹籽烧卖皇（特）》$49 都系大大粒，有一大嚿猪肉虾肉同冬菇馅，香口好食！ 《豉汁蒸凤爪 （中）》$42 不过不失啦，蒸得够腍，不过味道就唔算太突出。 《春风得意肠(顶）》 $47 懒惰鼠最爱！集合几种口感又真系好得意！先黎个滑滑既肠粉外皮，咬一啖系脆既？系春卷！中间有层香脆既春卷皮呀！最里面又有弹牙嘅鲜虾！劲好食呀～～～！不过呢个一定要趁热食，如果唔系春卷皮潮左就食唔到呢个咁得意嘅口感㗎啦！ 《古法马拉糕(中) 》$42 味道质感都系属正常发挥啦！ $285 整体 食物味道中上，大推春风得意肠。 环境就唔太开扬，同隔离枱既食客会比较亲密。服务态度就正常，不过黎饮茶都要等下位架。 Rating： 懒惰鼠 😻😻😻😻 懒惰虎 🤩🤩🤩+0.5 📍喜万年酒楼湾仔轩尼诗道288号英皇集团中心地库 💰人均消费：$150 ⏰营业时间：11am-11pm
继续阅读
带埋屋企人慕名而来，点知非常失望！Book 位嘅时候已经要忍住度气，接电话嘅女士两次交往都系冇乜礼貌，半死不活的语气，问两句答一句。昨晚嚟到食啦，点知中伏 -乳猪：1/4 只，味道正常，都算 OK，但系唔值三百几蚊。古法盐焗鸡：算系全晚最 OK 嘅，不过亦都只系正常好食，$568！鸳鸯酱脆皮虾球：酱唔好味，所谓鸳鸯其实味道非常接近，一般嘅炸物整两 pat 酱而已。带子多士：唔好味，好油。七味脆皮豆腐：完全失败，我每逢饮茶食饭都会叫呢道𩠌，可谓专家，但系佢个皮又硬又厚。蒜子浸菜心：真系经典，虽然味道 OK，但系要 $118 ，大约只有半斤。大胆讲句钱唔系问题，如果啲嘢好食又食得开心其实已经唔计较，弊在又贵又唔好食，态度又一般。 六个人 $2,000，冇话平贵，系唔值。
继续阅读
喜万年真系名不虚传，食物水准保持，服务态度良好。屋企人庆祝中秋佳节，一定要拣间信誉良好的食肆，食好味的怀旧菜👍招牌乳猪皮脆肉滑，岩盐烧牛舌好味，姜葱捞粗面亦是我的至爱😋总之但凡有喜庆聚会，第一个闪入脑海的地方就是喜万年🥰
继续阅读
您可能会有兴趣的...