喀什米爾咖哩屋

营业中

休息中

今次真係實在太嬲, 嬲到不能接受. 呢間餐廳我哋本身已經食咗好幾年, 無論係堂食外賣速遞或者外賣自取都幫襯過超過50次. 今次真係忍無可忍, 今日喺某外賣平台落單外賣自取，然後專登打定電話過去將普通naan 轉做蒜蓉naan, 因為外賣平台係冇蒜蓉烤餅呢個選擇，而我哋之前已經親自問過餐廳嘅員工可以咁樣做，我哋呢五年嚟都係咁樣做，每次去到補返錢俾佢. 今次真係大開眼界，竟然鬧我哋話所有喺外賣平台訂餐都係cheap 野, 話就算補錢都唔可以轉嘢或者加錢加嘢都唔俾. 就係不停咁喺舖頭門口侮辱. 並且趕我地離開. 永遠唔會再去

深水埗在美食界是一個卧虎藏龍的地方。每次途經深水埗，總會心思思想到北河街搵小食，通常大家會將集中點放在附近較多人認識的荳品店，忽略了旁邊有間地道的咖哩屋，其實他們即炸的印度咖哩角 (Samosa) 會不時新鮮出爐，以濃烈的咖哩香味吸引味蕾。多款口味咖喱角 (Samosa)一般印度餐廳只提供一兩款口味的咖哩角，但這間小店就推出了雞🐓、牛🐂、羊🐑、薯仔🥔等多種選擇，迎合肉食及素食人士。新鮮炸起的一刻，金黃的外皮酥脆香口，裡面包滿香濃的咖哩餡料，相當吸引。這次我選了羊肉和薯仔口味，羊肉的香味融合在咖哩香料內餡中，辛辣之餘，也很惹味。薯仔口味不單有細膩的薯蓉，也有切小粒的薯仔，帶來層次分明的味覺享受。價錢方面是以三件起計算，每件平均約 $8 -10 (視乎不同口味)，既飽肚又好味，實在是平民恩物。除了咖哩角，小店亦提供多款小食，包括油酥餅、印度薄餅、牛肉卷餅、咖哩雞脾🍗等，方便即買即食。同時，餐廳也有堂食供應，到訪的一刻發現食客大多是南亞裔人士，可見食品是比較地道，所以下次有時間，也可以試試小店其他食品。

幾年前去食過一次，印象都幾好，芝士薄餅同咖喱羊肉都幾足料咖喱味好濃郁👍🏻但係事隔幾年之後，行過又再去試吓，地方污糟就一定㗎啦🙈今次都係一樣叫芝士薄餅，今次冇叫咖喱羊肉，叫咗碗淨咖喱加羊肉卡巴卷😃 芝士薄餅第一個到，以前食都會拉芝士，今次一食，拉唔到芝士之餘，搣晒成塊薄餅都冇一絲芝士😱即刻問吓老闆係咪比錯咗我？ 佢話唔係，係芝士薄餅。我話但係裏面冇芝士。佢話有不過少啲啫。我話唔係少啲喎，係直頭冇，然後逐件薄餅打開俾佢睇，跟住佢就話再做過俾我。今次都係冇拉絲芝士，裏面有好少芝士味，但係完全睇唔到有芝士。可能物價高咗，自然就少啲，都唔緊要，照食啦。點知嚟到個咖喱成層都係油，隔咗油之後用薄餅點落去食，點極都冇咖喱汁掛喺塊薄餅度，再加一根試吓個咖喱汁原來係水溝出嚟嘅😭😭😭以為羊肉卡包卷好啲，點知啲羊肉又韌又嚡冇羊肉味，仲要啲羊肉裏面仲有啲凍添😭超級嚴重極度失望😭😭😭咁就食咗$110。。。。。真係冇下次😟

今日午飯時間在深水涉，經過喀什米爾咖喱屋，很想吃印度菜， 但因時間不夠，唯有外賣回公司吃。見店外的桌子上有咖喱角、雞脾、肉卷、薄餅等，最後選了咖喱角（羊肉、薯仔)及雞脾。 紅色的去皮雞脾應該是傳統印度Tandoori 烤雞的烹調方法，咬下去雞肉尚算嫰滑，不太乾，印度香料味道不算濃，不太spicy, 我個人覺得味道可以濃噃少少。咖喱角的確挺大隻，很飽肚，外面的脆皮很鬆脆，裏面無論是羊肉或薯仔，饀料都分量十足。羊肉咖喱味道温和，不能吃辣者都應該無問題，但可以spicy一點；薯仔咖喱香料味相對重一點，味道不錯。以８元（薯仔）、10元（羊肉角）和20元 （雞脾）的價錢來，雖然食味未算頂級精彩，但實在是超值的印度小食。

走進這家印度餐廳，一陣香料的氣息撲面而來。點咗串燒五香雞柳，端上枱嗰陣，真係熱辣辣仲有聲音喎！口感啱哂，辣味夠哂kick但又唔會辣到飲涼水，就連雞柳都系正！只不過有啲乾，可能系炮得時間太足了。嚟到主菜Chicken Tikka Masala，呀！講真，見到個汁嘅香濃郁，已經忍唔住淋係白飯上面。味道有層次，由酸轉辣，呢碗咖哩真系正呀！👌牛肉卷餅呢，外層酥脆，入口即溶，芒果酸乳就伴得刁鑽，滋味鮮甜，完美平衡哂嗰種香濃嘅香料辣味。至於賣相普通嘅Palak Paneer，佢嘅味道就亡羊補牢，芝士同菠菜混埋，簡直係健康同幸福感爆燈！😋而個椰菜，炒得軟綿綿仲有少少焦香，勁贊。成餐食落去，我哋兩個嘅肚皮都滿足到唔得了。下次還會再黎，推薦俾鍾意印度菜嘅你哋！🍛

首次幫襯某外賣平台，80減50，就叫咗個印度咖喱咖喱羊配簿餅油同醬撈極撈唔成一體，一打開碗咖喱，只見到紅色油，搞咗好多下，撈埋咗少少，薄餅蘸落去，只有油無醬癡住，要將匙羹淋上薄餅先得。咖喱無咩印度香料味，一般。羊肉麻麻地，無咩羊味。配飯或兩塊薄餅，梗係揀薄餅啦，呢種薄餅就好似手抓餅咁，煙韌嘅，如果有Naan更開心炸薯仔餃子巨型餃子，一份有兩隻，外面好似咖喱角咁，入面係滿滿嘅薯仔粒，辣辣地，有香草味，好特別，仲超飽肚印度菜真係超多油，紙袋吸滿油，未開始食已經成手油。咖喱飛兩滴落檯都好難抹，食嗰時要好小心

這是一家印度巴基斯坦咖哩小店，印度咖哩好吃不好吃由你決定，對我來說很好吃。 它和香港咖哩不一樣，我聽到有顧客問為什麼沒有洋蔥？ ，因為正宗的印度咖哩是沒有洋蔥的！ 但它提供的食物成分又多又大，特別是印度麵包，他們稱之為 Paratha / Naan / Roti ，我不知道他們的中文單詞？ 如果你喜歡這些食物，你還可以透過窗戶觀看他們的廚師製作這個麵包。 這很有趣！ 你可以從這些小商店找到很多很多類型的印度麵包。 它很便宜，又大又熱又好吃！ 可以堂食或者直接買外賣！

夜晚同屋企人行完深水埗，晏晝又食得太多，行過附近好多舖頭都排長龍，可能係星期五晚特別多人出街食飯啦。行到咁呢間咖哩屋，見人小小就入去試下啦Masala 咖哩羊送2塊薄餅羊一啲都無羶味 屋企人唔食羊都話好味 不過就啲辣芝士薄餅 唔會有拉絲效果🫣 唔會覺得滯牛油薄餅 上菜果陣熱辣辣好香 配搭埋咖哩汁 仲更加好味😋芒果汁 乳酪 唔杰身有啲稀

換了廚師！保持不到水準 ....一直有幫襯開這間餐廳，眼見廚師轉了，味道也跟正常的，截然不同，這個廚師應該是新手 ~點解我會知 .... 因為我都是印度菜廚師 ~咖哩牛腩飯 : 煮這個咖哩牛腩，油量是用多了，其中一個原因就是廚師冇功夫，怕爆香料嘅時候，時間拍掌握不好，怕黐鑊黐底，又怕煮燶香料 ..... however, 香料味道是明顯不足，調配上有問題，香料又未能完全出味； 牛腩是入味又軟綿的，但這個不是咖哩的精髓，要知道個汁底才是靈魂所在 ~Chicken Tikka Biryani 印度雞柳炒飯 : 正確的譯名應該是 "烤雞件炒飯" , 因為 Chicken Tikka 就是印度烤雞件的意思 , 可以咁講 , 店子小小， 肯定就沒有 Tandoor 烤爐，所以這個雞件就不是烤的 , 而係是煎炸的 , 這個已是敗筆！ 雞件又乾又硬，不在話下，這個炒飯炒得不夠香口，最大的問題是，用的香料也不恰當！ 雖然用的是 basmati 米，但就跟 Chicken Tikka Biryani 這道菜的原本味道 , 相差甚遠 ~本篇完 ~

.📍喀什米爾咖哩屋📍#饅頭去深水埗 #饅頭食印度菜 #饅頭的掃街系列------------------------------1️⃣蒜蓉烤餅 ($18)之前食過佢哋嘅咖哩薄餅覺得非常掂，但今次就有少少失望。naan嘅厚度相對paratha厚，口感有啲濕軟，似ok便利店嘅薄餅， 麵筋咬落去冇乜層次😥，又唔係熱辣辣， 而且烤餅嚟講佢有啲油；慶幸佢麵粉香同蒜蓉味都係保留住嘅， 所以未到上唔會話好伏，同埋佢價錢真係唔貴，所以畀分會手下留情，不過冇回頭。------------------------------🔸整體評分：6.0/10🔸小編回頭率：5/10

不時會去深水埗行街，雖然未必會入去食咖哩餐，但每次都會外賣咖哩角回家。薯仔咖哩角，$20/3隻。牛肉咖哩角，$24/3隻。牛肉咖哩角入面都係有薯仔的。回家後外皮可能變腍，只要用Airfryer氣炸幾分鐘，就會外脆內熱。我試過放入雪櫃幾天都無問題，氣炸後變回香脆，任何時候都可翻熱享用。內餡不論是牛肉還是薯仔都好吃，薯仔餡有薯蓉和薯粒，口感很好。充滿咖哩香，不會很辣。內餡有很多香料，例如茴香、辣椒、豆蔻等，所以香上加香。這間印店的咖哩角十分適合港人口味，又平又大隻。

一到咗夏天至秋天嘅時間，佢門口就會擺放巴基斯坦芒果出售，一盒$90，大概有六個左右，每一個都幾大。係我食過最美味嘅芒果，蜜糖咁甜，同嗰啲菲律賓芒果又或者台灣愛民芒果相比，完勝九條街！啖啖肉，真係冇得頂，每年都要買！

今日點咗咖喱牛腩同酥油雞肉，呢度啲咖喱唔算好辣，可以配白飯或者薄餅。另外仲叫咗一杯芒果酸奶同鮮芒果汁，埋單盛惠$173。🍽 咖喱牛腩 ($60)👍🏼，啲牛腩唔會柴，都幾淋。個咖喱好香，我覺得辣度屬於中少辣。🍽 酥油雞肉 ($75)，呢個屬於少少辣，雞肉唔會柴，但又未去到嫩，我覺得一般啦。🍽 我覺得芒果酸奶 ($20) 比鮮芒果汁 ($18) 香啲好飲啲🍹服務都OK嘅，不過得一個阿姐喺舖面，落單、傳菜、收銀都係佢，佢都做到踢晒腳。環境同衛生情況一般，都係深水埗區食店質素啦。不過冷氣唔係幾夠，夏天去再食埋咖喱都幾熱吓。

係隔離買完豆漿之後，就膽粗粗幫襯咗呢間印度餐廳，扮下印度人 👳🏾‍♂️ 見到有牛肉咖喱角同薯仔咖喱角，價錢又唔係好貴，平平哋就試到異國特色食品都係一個唔錯嘅體驗。買咗 $24 蚊三個牛肉咖喱角同 $20 蚊三個薯仔咖喱角。返屋企途中因為香噴噴既關係所以食咗兩個 😝 咖喱角好大隻，而且餡料勁飽滿，不過包住餡料既春卷皮略為厚了點，薯仔咖喱味道就普普通通，食落有啲辣辣地，因為加咗花椒，而牛肉咖喱味道就幾濃郁同炸得唔乾身，相比起之下好食好多，最後食完六個，飽到飛天。😇

每次行過呢間印度菜都比佢香濃嘅味道吸引。咁啱今日又要過嚟深水埗。於是就試下啦叫左個炒飯同薄飯。整體嚟講係好食嘅。而且價錢親民。而我都見到好多印度人入去食添，所以應該都點近當地嘅味道。