影片
以上资料只供参考，请与餐厅确认详情
【黄大仙区】【启钻醉和里】之前已经同大家去过一次钻石山站隔离启钻苑食嘢，今次又系去𠮶度，因为佢真系好近地铁站，而且又有几间唔系大集团嘅餐厅，都想同大家探讨吓，咁下次去钻石山𠮶阵都可以多啲选择。之前食咗一间新派茶记，正正常常，今次食隔几个舖位嘅另一间嘢。佢似系一间大牌档小厨𠮶类，咁但系午市都系好似茶记咁经营，真香港人应该明我讲紧边类餐厅。之但系我又唔想叫佢哋啲炒粉面饭，所以当我见到 $78 嘅「超级杂扒」就好吸引到我，有鸡扒、猪扒、肠仔、太阳蛋，我选配薯条，而个汁就拣咗「咖哩汁」嘅。味道上都系茶记扒炉水准，冇咩突破。跟餐仲有「例汤」，中规中矩。嘢饮我加 $5 饮「冻奶茶」，都系正常茶记质素。埋单 $83，又唔算话好过份。讲返转头，我应该系完全食唔中佢哋嘅撚手菜，公平啲讲，就算讲得一般啲，都唔完全代表呢间餐厅嘅水准。。。（地址：钻石彩虹道235号启钻商场1楼104号舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am黄大仙区 #钻石山 #启钻醉和里 #醉和里 #超级杂扒 #鸡扒 #猪扒 #肠仔 #太阳蛋 #薯条 #例汤 #冻奶茶 #1am1745 #1ambackup
继续阅读
两款四人套餐，一款$888，另一款$1088～ 我哋全部都要～$888 套餐玛卡鲍鱼竹丝鸡盅（4盅）⭐️⭐️⭐️⭐️鲍鱼都有汤羹咁大只，一啲都唔细～ 每一盅里面都真材实料，可以揾到乌丝鸡杞子等各样汤料，而且汤盅滚热辣，系好好饮嘅老火汤👍🏻清蒸海上鲜⭐️⭐️⭐️鲜鱼称得上新鲜，鱼肉滑得嚟算厚实～ 沾上葱加豉油更加鲜～西芹花枝虾球⭐️⭐️⭐️西芹细嫰，完全无渣，清新爽脆～ 花枝薄切有镬气～ 虾球弹牙，但浸过梳打水，所以味道一般～鲜菠萝咕噜肉⭐️⭐️⭐️⭐️咕噜肉唔肥，系软腍嘅瘦排，啖啖肉挂晒汁都几好食～摆盘特别，一睇就知菠萝系新鲜菠萝啦～海皇炒饭⭐️⭐️⭐️⭐️一上桌，炒饭香气扑鼻涌出嚟～ 明明已经食到好饱，点都想食两羹😂 炒饭粒粒分明，真系好香好食～ $1088套餐玛卡鲍鱼竹丝鸡盅（4盅）⭐️⭐️⭐️⭐️同$888套餐嘅一样，刚刚好够八人分～瑶柱蛋白炒饭⭐️⭐️⭐️同海皇炒饭一样，超有镬气～ 干瑶柱丝香味完全融入饭粒 😋窝烧鲍鱼⭐️⭐️⭐️⭐️鲍鱼大个汤羹少少，炆得蚝油超级入味软滑，唔知等咗几耐呢？菜底生菜，新鲜而且走过油，特别好食😋大班两味-西兰花炒球⭐️⭐️⭐️⭐️本来系食西芹嘅，但因为西芹菜式太多，所以厨房将西芹改成西兰花，真系好识做生意～ 斑腩球大大嚿，又鲜又嫩，唔好食就奇～ 大班两味-金银蒜蒸头腩⭐️⭐️⭐️金银蒜蒸头腩好大碟，食肉啜骨，鱼肉好嫩滑～ 钟意食鱼，或者食鱼好叻嘅人一定好钟意～ 金巢海中宝⭐️⭐️⭐️味道同西芹花枝虾球有啲似，所以冇乜特别～ 不过多咗腰果，所以胜在材料丰富，份量都多～ 烧汁薯仔牛柳粒⭐️⭐️⭐️⭐️系我全餐最期待嘅一碟菜式，镬气够，香口惹味，绝对冇令我失望～薯仔经过油泡，特别香口！牛柳粒都超级入味，而且软熟无渣～ 正呀👍🏻半只盐焗鸡⭐️⭐️鸡有鸡味，肉质白滑软腍，有少少黄油～ 体型都唔细，抵食👍🏻 但唔讲唔知，以为系白切鸡～ 感受唔到有盐焗过😅食个全餐食到饱饱，但仲想继续坐，继续吹水啤一啤，追加多个椒盐鱿鱼（花枝片）～椒盐鱿鱼（花枝片）⭐️⭐️⭐️⭐️⭐️即叫即制，冇等好耐，仲好食到飞起🤩花枝片幼滑，炸皮薄得嚟酥脆，椒盐咸度适中～ 配住啤酒边饮边食，哇😇
继续阅读
今晚即兴同老公，奶奶系屋企附近食冬至饭,连一向嘴刁嘅奶奶都非常满意，环境舒服又干净。老板娘同店员好有礼貌，绝对有下次⋯ 推介👍🏻砵仔鸡蛋焗鱼肠⋯老公大赞👍🏻🤤🤤原条麒麟海斑… 几啱怕鱼骨但想食鱼嘅人金银蛋上汤浸娃娃菜👍🏻⋯上汤浸菜清甜好好味👍🏻🤤炸子鸡⋯ 皮脆入味掂呀👍🏻👍🏻🤤榄菜肉碎炒饭👍🏻👍🏻 推介黑马卡鲍鱼竹丝鸡炖汤⋯ 黑马卡汤有淡淡椰子清香加埋鲍鱼真系好鬼好饮，非常推介😍😍🤤姜汁芝麻汤圆⋯挂住食唔记得影相.姜汁超正配埋芝麻汤圆一绝 😍😍🤤
继续阅读
12点几嚟到启钻苑，好多餐厅都满哂系呢间位置唔起眼多啲位，就入左去试下晏就觉得几好味，夜晚就再入去食最惊西柠鸡太干太酸，但呢个岩岩好～调味岩岩好又够淋～不过如果想食弹牙嘅就唔好拣了🤣份量都唔错，食哂好饱（不过系两个女仔，两个佬就唔确定如果喺附近揾唔到位或者谂唔到想食咩可以嚟试下
继续阅读
订枱食饭，庆祝爸爸生日，有镬气，新鲜美味，好味，这个是有冷气的大排档，正👍🏻美味海鲜餐，店铺位置方便，钻石山站，住在香港九龙新界的兄弟姊妹都好方便过来第一次食呢款鱼，又几肥美鲜味炸鲍鱼，都香脆例汤够味扇贝正常姜葱炒蟹，够味镬气重豉椒炒蚬入味这餐的海鲜菜肴确实让人垂涎。姜葱炒蟹和豉椒炒蚬都是传统的中式海鲜菜肴，能够带出镬气和入味的风味。姜葱炒蟹中的姜和葱能够增添菜肴的香气，而豉椒炒蚬则是利用豆豉和辣椒的调味，让蚬肉更加鲜美。总的来说，这餐的海鲜菜肴让你留下了美好的印象，下次再品尝更多不同风味的海鲜菜肴。
继续阅读