啊萊啊萊 (搵食市集) (已結業)

今天在大圍辦完事已是大約三時，疫情下又不想在外吃東西，於是便在附近帶了一個外賣回家吃。來到啊萊，選了一個泰式食品，原來這店的下午茶餐比正餐平了十元，雖然份量少些，真合我要求，橫豎也吃不完一個午餐飯盒。～香茅豬扒飯 ($35)連骨的香茅豬扒已切開了一片片，味道不會太濃。肥肉不多，但豬扒一點也不會韌。飯的份量也不少，還有一片片用水灼熟的青椰菜，感覺不油膩。一個下午茶餐已吃得極飽了，再喝埋附送的冰糖雪梨汁，更感滿足。…查看更多

好久沒有吃泰菜，確實工作和居住附近也沒有像樣的，今天也一如以往，無奈買點外賣，嚐新一下。最近晚上吃太多澱粉，是故只買雞半只，回家煮點菜吃。海南雞半只$82，不貴也不便宜。份量也不過不失。點單兩分鐘不用已可取，斬定，心冷了有半。回家稍休息，一食已知唔掂，雞是冰鮮意料之中，首先髀位沒有啫喱，說明兩點，一浸雞起鍋一刻沒有浸冰水，二是放室溫太久。雞髀都算可以，但整體雞無味，表皮呈現黃色，實在由於用薑黃染色，我都嘗出薑黃的味道了，跟黃油雞的黃是兩回事。雞髀唔掂，雞胸更差。首先談不上滑，更像水煮肉，半身已無雞味，浸雞水又唔夠味。跟餐的醬汁。這醬汁則很夠味，但偏鹹的味道，魚露太重，青檸椰糖味都唔夠，半吊子的泰國味。如果硬要說平衡雞的淡味，所以醬汁要如此，我也無話可說。整體而言，買半只白色的街市白切雞也不過50元，假如想花30元找人去骨，閣下自行決定。…查看更多

好近大圍港鐵站的飲食市集，foodcourt大圍沒有的韓國菜，泰菜也可以喺呢度搵到當天黃昏時間，堂食的人很少外賣晚餐，好抵食，我點左兩客也跟飲品飲品是紙包飲料無骨豬手拼章魚丸米粉豬手ok, 骨膠原豐富除了章魚丸，仲有半隻蛋酸菜亦好開胃泰式無骨海南雞飯海南雞肉嫩，滑，以菜墊底飯加了脆脆花生🥜，少少粟米🌽飯唔夠熱，微暖的。醬汁不辣，味道ok!总括來講，會再幫趁！價錢超值！⭕️進店前量度體溫 ⭕️提供酒精搓手液 …查看更多

我自己本身係勁鐘意泰國，鐘意到係要每年最少要去一次的，但好可惜今年因為疫情搞到我邊到都唔洗去，因出國旅行重危險呀，我唯有去泰國餐廳食下當去左啦😭😭😭😭😭，今日就比我找到一間位於大圍搵食市集內嘅泰國🇹🇭菜啊萊啊萊，見到好多食客都叫海南雞架要叫下雞啦，咁我地叫左個海南雞飯及泰式豬髀飯，初初以為冇乜期望普通野㗎啦，但食落去有驚喜啲味道特別係果豬髀飯🐷味道真係好似我喺泰國食咁好食，而海南🐔好滑，個海南雞絕對好食過我係泰國水門食嘅雞店好出名果間粉紅店，份量好多吓，以我呢個大胃王都多到我都食唔晒咁滯，果湯重要係我最愛的南瓜🎃湯，真心推介⋯大家真係好去試下^_^…查看更多

大圍呢個揾食市集夜晚人流唔算多，有某啲檔都幾伏🙈不過呢間泰國野叫👌🏼，款式雖然唔多，但味道唔伏，之前食過個海南雞飯，個雞幾滑幾好味，個汁都唔錯，可惜啲配菜同飯就一般般...今次我叫左個柚子沙律，都幾多柚肉，個汁咸咸地，分量比我想像中多。另多叫左個豬手飯，豬皮部分幾入味，肉方面唔算好嚡，少少硬，味道算係咁啦，仲配埋啲酸菜花生，飯餐包野飲，$5x算okFood court食物黎講，我覺得算唔錯😛…查看更多

今日放假,留左係屋企一整日,最後晚上先決定出黎搵食,本身都唔知食咩好,於是係OPENRICE搵下睇下有咩食,冇意中發現食一間D食評都唔錯,所以就去試一下叫左一個青咖喱雞飯,青咖哩個汁都幾稀,雞扒係煎過的,仲包左紙包野飲,都叫不過不失,依個價錢不能要求更多吧第2樣係我幾高期望既海南雞飯,因為上網見依個食評都高,但一食落首先D飯係凍,D雞都算正常,佢個汁就整得幾好味,個泰式奶茶都唔錯,茶味重,總括黎講我覺得依間D飯係差D,可以有待改善…查看更多

小妹一直以黎都好想打食評讚揚呢間泰式餐廳， 因為三個字可以解釋哂 ！ 平， 靚， 正獨食者，又想食泰國野既 朋友，啊萊啊萊絕對係1個好選擇:)是日試左無骨豬手飯， 睇相片都知，豬手份量十足， 豬手既肉料係半肥瘦， 經醬汁煮過既豬手已經係入哂味， 所以個醬汁唔沾都好夠味囉晚餐有泰式小糕點贈送， 不過因為放在暖暖的飯旁邊，所以甜品都變得有點溶和有一點溫度， 建議分開小碟上…查看更多

小店中嘅海南雞飯係第一次試，店員全部都係泰國姐姐，相信味道都幾正宗。今次我先試泰式奶茶，午市加二蚊加配，娘親之前成日話飲完會掛住。一入口同台式奶茶好唔同，茶味比較香濃，而且會有甘甘地嘅感覺，睇住姐姐打開茶包，再落淡奶唔係奶精，感覺良好。 提議：如果有得加錢配珍珠就更完美了！油飯配有花生，飯好滑亦好香，真係好邪惡，雞肉足料，唔係得d又瘦又奀嘅位，肉質好滑而且入味，脂肪亦比例恰當，配上自家酸汁真係好正。55左右份量咁豐富，質與量都令人滿意…查看更多

大圍食店林立，較多的為地舖小店，各具特色，也增加了競爭力，俾左好多小本經營既飲食新手有機會大展所長，有個兩層既舖位就包含左接近十間食店，變左一個大food court叫揾食市集。之前都黎依到食過鹽水雞飯同韓國菜，今次就試下新既泰國菜，位置比較難見到，因為係角落頭比較暗同偏，但掛住既雞係吸引人既。無骨海南雞飯$52，下午茶食全日供應餐好似唔係好抵，但份量足夠，先講例湯，是紅蘿蔔粟米齋湯，味清冇味精，其實冇味精仲好過有😂雞厚肉皮黃，味道算可以，但雞味唔算好重，食得出係冰鮮雞，唔係實肉，醬汁一般，太濃，可以加多少少水。甜品唔得😐最大最大既驚喜肯定係個飯，雞油飯味香濃味，每粒米都吸收哂油香，而且食得出加左椰奶，簡直將飯提升左一個層次。性價比而言是值得一試既。…查看更多

今晚一個人食飯都唔知食咩好，入大圍搵食市集搵啲靈感。市集有兩層，座位充足食物款式又多，唔少人都係獨食，一個人去食都唔怕尷尬行咗個圈，喺隱蔽處見到呢間泰國野幾多人買，決定一試，叫咗碗$44酸辣冬蔭功鳳尾蝦金邊粉再加$8泰式凍奶茶湯底夠曬濃味，唔算好辣而且帶有蕃茄嘅鮮味，撈到啲南薑、香茅同檸檬葉，可見真心落香料煮，雖然係food court格局，但用料一啲都唔馬虎鳳尾蝦好大隻，爽口彈牙有鮮味，平時唔係間間餐廳都敢叫蝦，最驚啲雪蝦死死實實，見呢間格局企理，試完果然有驚喜配菜足料，有蕃茄粟米木耳芽菜金邊粉軟硬度煮得剛剛好，幾掛湯，同冬蔭功湯底好夾，份量都唔少，食曬一碗超滿足美中不足係泰式凍奶茶唔夠甜，不過飲得出加咗花奶，夠香，算係誠意之作下次一個人的晚餐會再encore呢間…查看更多

咁岩今日喺馬鞍山放工，近近地搭車去大圍食近期好hit嘅搵食市集。地點就喺大圍站A出口，過條馬路就到。去之前搵好哂資料，睇食評過呢間啊萊啊萊啲海車南雞飯好好食，一去到即係叫左，等3分鐘左右就有得食。$52晚餐包一個小食同湯，今日小食係咩抹菜大菜糕，唔好食，不過佢唔係重點。湯係中式湯，唔係泰式果啲清清甜甜嘅湯，不過幾好飲。重點係個海南雞飯，油飯幾好味，偏淡，食落冇咁heavy；海南雞係雞脾（可能咁岩我果份係，或者佢係份份都用雞脾，呢層唔知），啲雞好滑，煮得岩岩好，皮薄，一啲都唔油。總括黎講，係會再食嘅鋪頭…查看更多

作為個專業食貨，找尋世間美食係我嘅專長，今日又去試下位於大圍搵食市集內嘅泰國🇹🇭菜啊萊啊萊，今日就叫左個海南雞飯及泰式豬髀飯，初初都冇乜期望諗住普普通通㗎啦，但食落去有驚喜啲味道特別係果豬髀飯🐷味道真係好似我喺泰國食咁好食，而海南🐔好滑，個海南雞絕對好食過我係泰國水門食嘅雞店，份量好多吓，多到我都食唔晒咁滯，果湯重要係我最愛的南瓜🎃湯同埋果湯一d都冇落味精，真心推介⋯^_^…查看更多

大圍新開既搵食市集有成2層，裏面都有唔少食肆嫁，大圍街坊想食得平平地黎呢度都唔錯((雖則大圍都有好多小食店🤣🤣泰式無骨海南雞飯 $52係搵食市集既最裏面有間泰國菜，由船麵到飯類到小食都有😜，泰式海南雞份量幾多，雞肉做得嫩滑，無骨食落啖啖肉，配搭油飯夠香!而且仲會送配菜、老火湯同甜品-大菜糕，整份食完都幾飽嫁😂香葉肉碎蛋飯 $48呢款略嫌香葉味道唔突出，感覺好似就咁食緊肉碎蛋飯咁😣，肉碎肥瘦各半，就咁將啲肉碎拌落個飯度食，其實味道都唔錯既。…查看更多

泰國菜，好耐都無食啦！ 因為身邊食辣的人唔多，大家結婚生仔後就更難聚埋一齊。上排連屋企附近既泰菜食店都結業。。。。有種雪上加霜既感覺。哈哈！又係大圍搵食巿集搵食啦！ 酸辣冬蔭功無骨豬手金邊粉去到冬蔭功湯係不二之選，有大中小辣選擇。當然有唔辣揀的，唔食辣的朋友可以留意。冬蔭功酸辣各佔一半互不搶味，唔會只有酸或辣。而香料味十足，湯濃濃的覆蓋味蕾同嗅覺。金邊粉唔會太淋，掛湯一般啦！但拌湯食就味道一流。豬手的好處係無骨，啖啖肉，有滷過的，但味屬淡一啲，可能我已經俾冬蔭功迷惑了，滿口只有冬蔭功的味道！沒有厚肥的豬皮，只有少少一層，比較健康。肉質就比較有咬口，唔太淋。 泰式無骨鳳爪都係無骨系列食既時候最方便。呢道辣道唔高，可食小辣既朋友都食到。酸酸辣辣勁開胃，鳳爪軟爽連埋爽脆配菜一齊食口感更好。係等待食物期間，有不少食客都點海南雞飯，下次可以試下先，但先決條件係我既冬蔭功癮無癮起～～～ 地址: 大圍村南道45-47號搵食市集地下7號舖…查看更多

早排見到大圍有個新的搵食市集，原來係好似Food Court 咁好多間餐廳，有日自己一個人周圍搵食，就入左去睇下有咩食，見到右邊角落頭有一間叫啊萊啊萊係食泰式食品，於是叫左無骨海南雞飯($52)同埋青檸梳打($28)，可能喺晌角落的關係，都唔係有好多人食，等左幾分鐘就可以拎得，啲雞食落好滑好香，不過翼位就有未清乾淨的毛，依度要扣少少分，黃飯味道一般唔算太出色，最好就係佢有比到椰菜，有菜落肚算係減低左啲罪惡感，最後仲有淡淡地的大菜糕作為句號，睇食評先見到話船麵好食，下次有機會試下先。…查看更多