啊翁泰式船河 (已結業)

叫雞梗係去西九8樓啦，果度有起碼5檔以上賣雞，岩晒啲雞迷本身想食89，但無開試左呢間一試難忘，要轉機老闆應該係泰國人，好nice, 雖然出餐速度有啲慢，但見到佢好有心思咁砌靚盒飯見到都胃口大增本身我地3個想要3盒雞飯，可惜生意太好賣晒2個照殺，加個豬頸肉飯先講雞飯，雞好油好靚，份量大，啲雞嫩滑得黎有口感，雞槌超重雞味，好juicy, 好正油飯一d都唔油，仲好香味，抵讚！奈何，弱弱的我覺得個汁太辣，個汁係好香嫁，但我食唔到個汁既香料，值得讚既係佢好有心機，個汁係佢自己blend 爛佢整嫁，絕非現成。配送既龍眼汁真係岩晒，解辣到豬頸肉，絕對優質，尤其是個汁，好香！豬頸肉好香口，優質西九真係一個平民美食天堂，野食好味，價錢平！

年廿八收左爐，女友未，唯有去陪佢食飯支持下佢。佢叫我買定野食去佢Office食，佢已經同我呢個外賣仔落定單，我就進行一條龍服務到餵食埋🤣。佢指定要食西九Food Court嘅啊翁泰式船麵，我去到落單見老闆娘寫字真係寫泰文，感覺應該正宗，加上全店得佢一個煮埋好勁。青咖哩牛腩飯，青咖哩汁好香，但不乏辣味。汁同牛腩嘅份量都好多，但白飯相對小，搞到食淨哂啲汁。牛腩大大件，好有咬口，肉質唔韌，另外仲有茄子同豆角，青咖哩嘅必然配搭。味道堅正，怪不得女友點名要食。泰式豬頸肉炒金邊粉，炒粉都幾大兜，唔可以話佢唔好食，但同心目中嘅有啲唔同，因為佢似豉油炒，而唔係酸酸地嗰種泰式。豬頸肉有五六片，正常量，另外仲有用咗唔少椰菜炒，不過落咗蔥，女友唔食，又要我揀哂先肯夾。炒粉飯麵會送一杯凍龍眼蜜，細細杯，但都幾清甜。

西九龍中心8樓嘅food court選擇多到眼花撩亂，今日就揀咗呢間泰國菜試吓佢嘅嘢食夠唔夠正宗。例牌今日又同飯腳一齊開餐，所以揀咗兩款唔同嘅餐開心share。第一款揀咗嘅係青咖喱牛腩飯，呢個青咖喱牛腩超級好味，首先飯同餸係分開兩個盒，牛腩份量都唔少，仲有我最鍾意食嘅茄子，茄子索哂啲汁勁好味，仲配咗啲青豆，又有好多咖喱汁，雖然有啲辣，但係又辣得好過癮！查實本人就未食過船麵嘅，所以根本都唔知咩味，今次係我第一次食，唔識評論佢正唔正宗喇，感覺味道怪怪的，因為有少少藥材味道，但又未至於好似肉骨茶咁，所以呢個泰式船河我個人感覺就麻麻哋，不過咁，佢嘅河粉同扎肉嘅份量都好多嘅，仲加咗幾條生菜，所以都OK啦！每個餐都會送埋一杯龍眼水，清清甜甜咁，都幾好味嘅！

在鴨寮街買東西，路經西九龍中心順便到八樓food court醫肚，發現多了一間泰國料理店。今次點了冬蔭功湯河，老闆好貼心好有禮貌，每份餐有龍眼蜜贈飲降火。河粉分量足，男仔食一碗都夠飽。湯底唔會太辣太酸，食完唔口渴，相信無咩點落味精，同夠熱，唔似好多連鎖店咁係微暖。海鮮方面，蝦同青口都好新鮮。美中不足就係配料略嫌唔夠多，如果蝦多一隻就好，菇菜都可以放多少少。希望小店日後做得有聲有色，讓這個本土food court吸引更多香港人光顧。

Always wanted to have boat noodles near SSP area. Totally out of my expectation, $41 (take out) lunch got a very large bowl with free drink. The chicken meat was tender and large portion, soup is rich, and the fried pig skin is crispy. Highly recommended if you like boat noodles.