唯一冰室 (已結業)

呢日同家人经过顺道入嚟食早餐。见餐牌入面嘅港式早餐个样唔错，就点咗个港式早餐入面嘅“四蔬蕃茄浓汤牛肉通粉”配烟肉蛋多士热奶茶 (HK$34)试下。个“四蔬蕃茄浓汤牛肉通粉”望落几深色，以为好浓味，点知一食落口发现个蕃茄汤只有酸味，蕃茄味淡到几乎饮唔出；而D牛肉就“嗱”过头，虽然爽爽地，但已经“嗱”到无牛味；通粉亦太腍。烟肉蛋多士嘅烟肉煎得好油，唔夹多士食会感觉成口油。呢餐除咗杯热奶茶ok，其他食物都好睇唔好食，…查看更多

系元朗揾左间冰室食早餐，冰室有2层，空间都几迫，由于下层已经坐满左，我地上左去上层。上层空气有少少唔流通。叫左个雪菜米，汉堡扒同煎蛋。味道不过不失，热朱古力就比较淡味，价钱都几几实惠$30几蚊食个早餐，好多地方都做唔到。…查看更多

工作完路过，见到呢间小店装修几特别，就入去食个late lunch，见到餐牌个生炸鸡脾幅相好吸引，每人叫咗一份，一个跟饭，一个跟沙律， 虽然佢啲芝士捞丁好似好正咁，可惜食唔落，下次肚饿d先再黎试下!个餐黎到吓我一跳......好大只呀!卖相又靓仔!仲几好食㖞!普通嘅价钱，几好嘅质数!仲有...杯奶茶几得!各位有机会路过，不防一试!好耐冇写食评，支持一下香港小店吧😊…查看更多

［吉列猪扒配餐肉煎蛋］$43吉列猪扒比想像中大份😅，系好事嚟，抵食丫嘛，但系一起身都未训醒，就要疯狂用力咬野，谂起都攰😆btw块扒系几好食，唔算太肥餐肉就煎得好香口，又够大块🤤煎蛋ok…查看更多

呢日一行二人嚟到元朗建业街嘅《唯一冰室》食个 bunch。拣咗精选餐入面嘅照烧汁猪颈肉拼茄子饭配热奶茶 及 黑椒汁吉列猪扒拼火腿饭饮冻咖啡，一共$105。照烧汁猪颈肉拼茄子饭 - 猪颈肉外面带少许香脆，肉质爽口，够入味；茄子走油后颜色十分漂亮，口感软熟。照烧汁味道亦相当唔错。唯一美中不足系饭比较硬身，不过整体味道相当满意。同行友人嘅黑椒汁吉列猪扒拼火腿饭，吉列猪扒外层香脆，猪扒爽口。黑椒汁味道亦唔错，只系酱汁太过杰身及饭偏硬。味道方便亦算唔错。冻咖啡，咖啡味够浓，冇酸味，如果加多啲奶会更好饮。热奶茶，不论茶色、茶味及奶嘅比例，都算系我近期饮过嘅热奶茶中比较出色嘅，而且口感滑溜，对于我呢个钟意饮热奶茶嘅人嚟讲，光凭这杯奶茶，我已经会返嚟帮衬。…查看更多