影片
港铁湾仔站 A3 出口, 步行约7分钟
继续阅读
开饭介绍
专售韩式米汉堡的外卖快餐店，米汉堡加入紫菜及麻油制成，温暖的米饭入口充满麻香且不干，再配以吞拿鱼、鸡扒、火腿等馅料，令饭堡变得更有意思。
继续阅读
营业时间
星期一至日
11:00 - 20:00
以上资料只供参考，请与餐厅确认详情
平时都系做CD ROM，呢间野迫到我写食评都算高手虽然速食店一分钱一分货我都唔会有太大要求，但系今日既体验真系第一次话说我一入去睇完之后叫咗个10号芝士鸡肉饭堡同炸鸡块佢无问我堂食定外卖就收我钱，我以为佢当我无特别讲外卖就直接堂食，之后就揾位坐起度等出餐时间要20分钟以一间速食店黎讲我都唔知讲乜好，因为我只系第二张单，然后果阵系12点50分落单等到1点10分点知出餐果时先搞笑，佢问我一句先生你系咪外卖架之后已经pack好成份外卖样跟住个收银阿姐弹一句「佢无讲我以为外卖呀」，八婆你唔讲我以为我系你杀夫仇人点睇？问多句会死？我原本以为得我一个受害点知后面三个学生都比我地神算阿姐算到佢今日要外卖咁我见到佢都pack好都懒得留难人，照样拿走边行边食打开个芝士鸡肉饭堡，D鸡肉我原本都无乜期待，结果D鸡粒如我所料系柴到吓死人味道就得唔辣既辣酱味，至于辣唔辣我比个参考比大家，我食谭__米线5小辣系会感受到辣味至于芝士，原来果D白色糊状物质系芝士，唔讲我以为可以用黎传宗接代可以勉强赞既系得个饭唔会散开，好唔好食就见仁见智更过份系个炸鸡粒，老细我知你地都系用急冻货但系食落只系感觉到热力同少少自己加既疑似密糖黄芥酱(无辣)味真系咁多年人第一次试都算我就当我唔识食但系咁样连野饮都收我52你无野下话？成间野最高分系外观算卫生不过都系得呢样可以
继续阅读
饭汉堡，已经唔系新野，之前已有大型连锁店卖过。今次都谂左好耐先去呢度LUNCH。午饭时间，条街上面人多到不得了，店面却空空如也，心知不妙。既然想试，都系硬住头皮入去。餐牌选择颇多，有泡菜做配料既都有…小弟选左芝士汉堡扒饭堡，店员就系收银旁边即时示范如何组合，只系用一个胶模压左D食物，加D汁就完成…店员仲提提你，自已食完自己清理…OK，欧美模式…坐位唔多，有枱对住坐既得4位，另外有Bar 枱约4位…坐得唔舒。打开个包…无烟出，唔系好够热。咬一口，只系一个有少少味既饭团，佢个汉堡扒系一粒粒，唔系一块块，份量唔多，英文系写Grilled Short Ribs Patty…………… Patty另人以为系一块肉饼，好似用字用错左！个Grilled Short Ribs亦都唔觉有Grill 过，亦无味，纯綷食到个汁，少少既甜味同BBQ味！D加左芝麻同紫菜既饭…都系无味……佢呢到既口号系Eat Better, Be Better…….佢果一PAT 酱，亦唔见得健康，亦无疏菜…唯一欣赏既，系佢用双羊牌…无眼睇
继续阅读
之前在湾仔屋企附近开了一间门面写著“Not a Burger"嘅店舖，起初以为是一间普通的汉堡店，直至最近自家一个人，有时间走去试一吓，才知一直误会了。店舖门面用黑字蛋黄色主调，十分eye-catching，入到去发觉不似一般汉堡店，装潢有点港式快餐店feel，除了汉堡外，还有一些薯片小食售卖。望望menu，发觉这里原来是出售Rice Burger韩式饭堡来的，望落D相都几吸引，左顾右盼，好似样样都想试，最后选了芝士汉堡扒饭堡试一吓。等了5分钟左右，终于饭堡到手，银色锡纸包装上印了Cutie饭堡公仔pattern，有心思几得意。打开来看，一个类似饭团的形态呈现眼前，饭堡选用了珍珠米，食落软糯有咬口但较松散，饭粒间夹杂了一点点紫菜，中间除了芝士和薄汉堡扒粒外(是的，这里的汉堡扒是切粒和较弹牙的)，还配了韩式甜辣酱汁，带出点点韩风滋味，虽盖过了芝士味但整体配合，味道不错，几香几惹味，亦因整个饭堡没有太多煎炸食材，算几清淡饱肚，作为一顿simple lunch是一个不错选择。
继续阅读
I had a quick lunch in not a burger yesterday. The burger is filled with kimchi and pork, so juicy.There are great variety of choices to choose burger, but I decide to choose the burger with Kimchi. The burger is made of rice which is healther than American burger. Compared with Asian burger, Mos burger is try and nothing Japanese features in the burger. I do not feel special and yummy to eat Mos burger. Besides, the waiting times is 5 minutes. When you made the order, they just made it . Unlike McDonald, French fries is placed for long time.For ladies, if you would like to try something new and healther burger, I will recommend this shop.
继续阅读
133 浏览
月头发现有一道黄色o既光彩喺湾仔乍现 ，原来系有新食肆上场，店子名为「Not A Burger」。当时店子室内仲未装修好，但从门牌及店名已了解到小店唔系卖汉堡包，而系一家韩式饭堡屋；哗，真系好期待咁新颖o既菜式 。周五早上，门外终于贴有开业启示，心谂：「Not A Burger，9月14日，XO仔约定你！」 可惜餐店开张大吉，细佬却病倒床上 ，唯有押后两天，再一试韩堡。小病是福，因公司会计小姐于餐店门外已预先索取到几张免费试食单张，并跟店员了解过流程，方才约埋一齐去排队试食。食店开张头四日，将于中午十二点开始送赠招牌饭堡「Not A Burger唔系汉堡」，每日送出五十个，先到先得，唯一限制系食客手中必需持有优惠单张。顾名思义，「Not A Burger」唔系一个普通汉堡，而系用白饭代替咗传统o既面包外层，再以韩式泡菜及吞拿鱼沙律做馅所炮制出黎o既饭堡，听落都够哂非一般！以饭代包，感觉更为健康 。店内由三位姐姐主理，前方先为负责落单收钱o既收银姐姐。最入面位四眼姐姐则不停地夹制饭堡。最后再交由中间位婶婶以可爱o既锡纸包装饭品 ，好有系统。除咗饭堡之外，店子亦有售汽水及沙冰特饮。打开锡纸前，记住要先紧握两下。原来饭造汉堡o既白饭外层夹杂咗紫菜碎，湿润软腍，又甜又咸。入面o既泡菜同吞拿鱼沙律馅酸酸甜甜，爽脆嫩滑，健康醒胃，都几得意，不过如果可以再热啲会更加暖胃。「Not A Burger」新店试业仲有一日，小肥已约好公司同事食多日免费饭堡，支持韩式创意饭屋 。
继续阅读