影片
营业时间
今日营业
06:30 - 22:00
星期一至日
06:30 - 22:00
公众假期
06:30 - 22:00
公众假期前夕
06:30 - 22:00
以上资料只供参考，请与餐厅确认详情
间唔中都会帮衬吓嘅点心舖头。觉得食物味道都唔错，系放工谂唔到食咩嘅首选。放工时间都经常见到大排长龙，都唔少人帮衬佢啲点心同饭㗎。而我最常帮衬嘅食物系佢嘅烧卖、鲜竹卷、鸡扎、小食拼盘同汤。至于我特别非常欣赏佢嘅汤，非常足料同冇味精。$20一碗都算唔错啊，又有啲料食吓之前都有帮衬过佢嘅糯米鸡，都好足料好大只。对于我细食嘅人嚟讲都勉强可以分到两餐食，哈哈。至于员工服务态度都算有礼貌。所以希望佢可以继续保持水准，俾大家一个快餐点心之选。
继续阅读
呢个凤爪排骨饭真系几好味！凤爪煮得啱啱好，软滑入味，唔会太腻，啖啖都有浓郁嘅酱汁，真系好开胃。而且，佢哋嘅排骨都几有水准，肉质嫩滑，食落去有种满足感。饭方面，白饭煮得还好，可以吸收排骨同凤爪嘅肉汁，味道更加出色。整体来讲，呢个凤爪排骨饭份量都ok，适合当主食，食完会觉得满足。如果你钟意港式饭盒，呢个菜式一定唔会令你失望，抵食，如果有时间，仲可以试下佢哋其他小食
继续阅读
有时去唔到酒楼饮茶🫖，好想慰藉个心🫶🏻，都忍唔住去唐记包点。买包、买点心、买蒸饭食，平价之选🤝【食后感】📝1. 凤爪排骨饭🍚有童年的回忆，要食饭👌先饱。排骨蒸得好好嫩和好淋🥰，凤爪蒸的入味，一口即离骨🦴，唔使加豉油都已经好够味2. 菜肉包🥡没有肥猪肉，有菜有肉算系健康。可以悭时间⏰，一边攞住食，一边走🚶♂️3. 蒸牛肉球🥩好钟意食啖啖肉，有少许马蹄爽口😋，又带点腐竹，好入味💥而家多咗一啲小菜，可以考虑午饭和晚饭加𩠌。都市人的快餐😁都可以好清淡，好中式。
继续阅读
两年前食过 ，跟住都冇买过黎食今朝系荃湾西唐记买早餐既时候俾钱埋单，佢问我牛肉球要唔要喼汁？咁我追要既…之后再拎野食叫左烧卖同牛肉球，咁两年前如果你叫烧卖人地会主动俾一包包既辣椒油同豉油你自己落今次无 咁咪问佢有冇？跟住个职员就话下次要既时候落单讲埋我心谂 我点知以前都会俾一包包 同埋讲真就算叫你落都唔洗特登加句野 佢地仲要冇咩客 几个员工做紧野唔怪之得冇人食依间野 野食水准又唔系特别好食 员工服务又唔系好 自己退步左仲叫人埋单讲声两年前都唔系咁！！
继续阅读
早上去荃湾西铁站唐记买个蒸包做早餐，见有蒸饭想顺便买埋做午餐，点知个四眼收银员一轮咀咁讲左堆说话我一个字都听唔到，佢戴住个口罩，客人听唔到有乜出奇，我仲谂紧佢讲乜嘅时候，佢直接跳过我问后面客人要乜，之后我再问多佢一次有乜嘢蒸饭，佢好唔耐烦咁讲多一次俾我听，咁我咪落单啰，佢当住我面前走去旁边同事咬耳仔，然后佢同事就大大声讲「而家咁多骑哩怪」，其实唔想做咪唔好捞啰，系度帮老细赶客，以前服务业讲礼貌，而家真系一蟹不如一蟹，呢间唐记可以black list了
继续阅读
您可能会有兴趣的...