16
0
0
港铁美孚站 D 出口, 步行约5分钟 继续阅读
所有分店 (73)
电话号码
23434133
营业时间
今日营业
07:00 - 22:00
星期一至日
07:00 - 22:00
付款方式
现金 八达通
食记 (17)
等级4 2019-08-12
130 浏览
今日路过见到美孚唐记包点有新出的期间限定既阿华田系列,之前见到好多分店都售罄,今次终於见到有得买,当然要买返点野食返家开餐。美孚呢间分店十分乾净卫生。买了两客点心,鲜竹卷、鸡扎,各18元。鲜竹卷好香,啖啖滋味。另外鸡扎好足料,以腐皮包着又大又滑鸡件、芋头、香浓多汁的鱼肚、仲有爽口弹牙既猪肚。以猪肚做馅料之一,十分传统。除点心,当然会买返个蒸饭。今次买了北菇鸡饭,有好多嫩滑鸡肉,配以甜豉油、白饭,正。仲大大盒,好饱肚。今次点了奶皇包,奶皇包好多奶皇馅,又香甜又好味,热辣辣好正。糯米卷,好足料,中间放了好多软分绵绵又滋味的糯米,十分吸引。当然仲有阿华田包,整个包都是阿华田色。我轻轻一摵开包,入面的阿华田酱已涌出来,好正好流心。好好味。吃起来阿华田味好香浓,又唔会太甜,面包又弹又软,啖啖都好滋味。好开心试到呢个新出品,$5一个又抵食,不过真系好难遇到,因为成日都卖晒,所以遇到都一定要买返个黎食下。当食甜点,又饱肚又好味。另一款新品就是阿华田奶茶,一打开樽盖,阵阵的阿华田味、奶茶味涌出,感觉好得意,因为两者味道都好出,但又不会抢去其他的味,可以清楚闻到阿华田及奶茶味。而且口味仲好夹,好特别。 继续阅读
(以上食记乃用户个人意见 , 并不代表OpenRice之观点。)
等级3 2019-08-25
26 浏览
夜晚晚想食蒸饭同点心,会第1时间谂起唐记,外卖返去睇住电视食一盅两件,真系一流。佢地每日都有一款特价蒸饭,22蚊一盅非常抵食,今日系北菇鸡饭,紧系要买黎食吓啦。虽然系特价,但份量都唔少,成盒满晒。蒸饭最紧要系落鼓油,佢地个蒸饭鼓油劲好味,而鸡件都好嫩滑,仲有配菜跟埋,一d都冇吗夫。我仲试埋佢新出嘅猪软骨饭,饭同餸分开上,唔使d汁渗晒落d饭果度,猪软骨炆得好入味好淋,d汁好浓郁,最啱攞黎捞饭食,非常好食惹味。叫咗款怀旧点心鹌鹑蛋烧卖,而家好少地方有得食,一碟3大粒,都非常足料,烧卖d猪肉都好有口感,仲大大粒鹌鹑蛋喺烧卖上面,好好食。葱油饼-煎得好香脆,有大量葱花,d葱好香好惹味,买果时热辣辣,好好食,15蚊有3件好抵食。佢地有新出品就系阿华田奶茶同流心阿华田包,啱晒小朋友食,个包咬开d阿华田酱流晒出黎,有好浓嘅阿华田味酱,个包唔系普通白色果d中式包,佢系有阿华田味,呢个包好有特色。而阿华田奶茶都几好饮,估唔到阿华田同奶茶都好match,好好饮。 继续阅读
(以上食记乃用户个人意见 , 并不代表OpenRice之观点。)
等级3 2019-08-24
22 浏览
早餐一向多数响唐记点心买个包,而美孚呢间开张左一段时间,今日黎试一试。。。朝早10点去到门口已见到唔少街坊排紧队买早餐。。。好可惜今次本来想试既阿华田包竟然售罄,唯有下次再试。。。最後,买左个菜肉包同黑芝麻包。。。前者,个包新鲜热辣辣蒸出黎,皮好松软,而里面d馅都好好味,但比例上系肉多过菜好多,如果菜多番少少会更佳。。。我就最锺意食黑芝麻包,因为黑芝麻馅超多,而且芝麻炒得好香,每一啖都好幸福,十分推介! 继续阅读
(以上食记乃用户个人意见 , 并不代表OpenRice之观点。)
等级4 2019-08-20
18 浏览
唐记包点越开越多,总有一间在附近。自从我屋企楼下呢间开左之後,我就多一个食宵夜既地方。唐记既面包款式好多,除左传统果D叉烧包,菜肉包,馒头外,仲有款港式茶记味道既沙嗲牛肉包。今次我都系食返一D传统嘅菜肉包同黑麻蓉包。菜肉包既肉馅好juicy,菜同肉既比例啱啱好,唔会抢左对方既味道。黑麻蓉包既包皮都加入了黑芝麻,所以面包都有黑芝麻既香味,黑麻蓉唔算好甜但香,好重黑芝麻味。糯米鸡在我心目中系唐记既镇店之宝。首先糯米鸡好大只,廿几蚊一定可以食得好饱。打开糯米鸡,一大股荷香就会四溢。糯米鸡非常非常足料,有鸡翼,叉绕,咸蛋黄,juicy既肉碎,配埋糯米食,非常好味,又饱肚。 继续阅读
(以上食记乃用户个人意见 , 并不代表OpenRice之观点。)
等级4 2019-08-17
23 浏览
唐记包点应该无人不晓,美孚呢个唐记包点都开左一段时间,定期都会推出一D新产品。有时夜晚屋企无饭开或者买定第二日既早餐,唐记就系不二之选。今日下午路过唐记时,个肚有D饿,埋去望下有咩食先。有款黑麻蓉包都推出左一段时间,但我从未食过,所以就买一个返屋企做下午茶。今日菜肉包仲有优惠,所以随便买一堆冻包留返听朝做早餐,可以慢慢在家冲杯咖啡,食住个包做早餐。讲返个黑麻蓉包先,一擘开个包就见到满满既黑麻蓉。虽然唔系流心,但黑芝麻好香。咬落去唔会好甜,但好重黑芝麻味,好香,非常好味。菜肉包好足料,皮薄肉厚,本身$7.5一个己经好抵食,今次撞正每日优惠,仲更加抵食。 继续阅读
(以上食记乃用户个人意见 , 并不代表OpenRice之观点。)