影片
营业时间
今日营业
07:00 - 23:00
星期一至日
07:00 - 23:00
公众假期
07:00 - 23:00
公众假期前夕
07:00 - 23:00
以上资料只供参考，请与餐厅确认详情
食家推介
又到晚饭时间了，在花园街揾食。这家唐记包点位于花园街和烟厂街交界，店外有人龙在排队买外卖。他们的蒸饭很受欢迎，煎炸食品也在做特价。由于不想吃米饭和热气食物，最后买了其他东西。这份拼盘包括肠粉、烧卖和鱼旦，连饮料才20元。价钱比很多专卖街头的小食店还便宜，而且包装很卫生。吃完的感觉是很不错，下次会要求多点甜酱和麻酱。蒸包比其他店贵，每个6元，买3个没有优惠。但水准保持着，除了份量外，馅料也是可以的。以上是一人份晚餐，不到40元可以解决了。
继续阅读
唐记包点出名卖包同点心之余，基本款有凤爪排骨饭，之后慢慢有唔同款式既饭卖，有咖哩牛腩饭，肉饼饭仲分左梅菜肉饼，咸蛋肉饼同埋章鱼肉饼。今次午餐外卖自取左个章鱼肉饼饭，加支豆浆。多数落单都叫佢多菜唔该。因为佢地个菜系椰菜，营养价值高，而椰菜有菜王称号。有硫同维生素C，硫对伤口疗愈有益，加上维生素C，有帮助排毒的特性。食多d都唔怕，混合肉饼再加饭食，满足又饱肚。所以中午都多人排队买饭。再配埋佢地自家品牌浓郁一级大豆，又香又滑既豆浆，正！
继续阅读
今日天气非常热，麻麻地想食正餐，最后决定同同事买唐记包点作为午餐撞正lunch时间，见到唐记生意非常好，但每位职员都各有分工，非常快手，所以吾使等好耐，已经可以将外卖攞走我地叫左以下饭，点心同包，一齐share:豉椒排骨饭饭既份量好多，入面有埋椰菜，感觉比较菜肉均衡。排骨都好滑同入味，吾会全部系骨。如果饭既豉油落多小小，会比较好。不过每人口味吾同，如果想落多小小，记得落单时要同佢地讲明。烧卖烧卖真系好好味，每粒上面都加左杞子去蒸 ，感觉非常养生。而且份量十分之足料，因为每粒都系用猪肉同虾新鲜去制作，口感十分弹牙。豉汁凤爪凤爪都几大只下，同埋都好淋好入味。加埋系排骨饭入面食，就变左凤爪排骨饭了，哈哈😂鲜竹卷一盒有三条，都几淋几鲜甜。可惜略嫌稍为油腻。落少啲油，相信会更好。咖哩鱼蛋鱼蛋好弹牙，咖哩同辣椒汁系额外淋上去的，姐系如果走酱，就系净鱼蛋来。岩晒食吾到辣既朋友仔。香菇鸡包$6一个大大既包，而且入面既馅料十分足。香菇既味道完全溶入左个鸡肉入面，识食紧系要趁热食！包皮系甜甜地，而且好软熟。简直系平靓正！菜肉包菜肉包都系$6一个，系招牌包来。入面吾只有肉，仲有菜，简直系菜肉均衡。每款包都十分足料，而且价钱非常便宜。唐记担心食客叫得太多包，吾识分，每款包既下面张纸，都写有包既名称，甘就吾怕食错啦👍店舖有多个蒸炉，保证每个包点同饭都热辣辣！因为好多包都想试，决定外卖个冻包，留返来第二天做早餐😋
继续阅读
早餐食得太饱，晏昼𠮶餐食唔落饭，决定去唐记买D”轻食”…买左个菜圃肉包加个豆腐花，但同行同事惊我唔够饱叫我买定个包返去做下午茶…但我唔想室温摊冻个包惊会酸臭，唐记包点个姐姐听到我地嘅对话就建议我买个冻饱，话可以拎到返公司摆雪柜，到想食时先叮热，咁就随时都可以食到个热辣辣嘅包㖞菜圃肉包就食左好多年架啦，系我最中意嘅唐记包～内馅嘅菜圃唔太咸，而且好好咬，增加成个包的口感；肉馅唔太硬，松松软软咁唔错～豆腐花有豆香味得黎唔算太甜，口感顺滑又唔易散同事买嘅凤爪排骨饭都好吸引，忍唔住偷左佢两啖试下，排骨系正常质素，反而个饭嘅口感好有惊喜，干湿度刚刚好！完全无出面食开D蒸饭太多水搞到成PAT野嘅感觉～廿蚊饭黎讲真在唔错下午都系食唔落个冻饱，喺雪柜摆到第二朝先拎黎做早餐；叮返热个包都唔干身，而且叮完𠮶下拎上手仲系热辣辣，感觉上仲好食过寻日买完拎返公司食个包～6蚊一个包做早餐真系抵到烂～
继续阅读
每次经过唐记包点都大排长龙，今天有点时间，望一望，发现各款包点原价$8，做紧优惠价$6，各款蒸饭原价$27，做紧优惠价$20，真心抵，决定帮衬一下！包点选择超多，今次试左奶皇包，大大个，热辣辣，奶皇馅好幼滑，而且超多，正！另外足料糯米鸡既馅料真系好足，有鸡翼、叉烧、肥肉、瘦肉、肉碎、冬菇等等，足够2个人食！咸蛋肉饼饭，大大旧肉饼，而且食落肉发现饼内竟然有马蹄，好有口感，如果加多点豉油就更美味！另外买左个红豆砵仔糕做下午茶。红豆遍布成个砵仔糕面，$6真系好抵食。砵仔糕香甜唔黏牙，又唔会太甜，口感软滑，值得一试👍🏻仲有豆腐花，同样热辣辣，又香又滑！
继续阅读