唐記包點 (TKO Spot)

的確，今次搞到我實在係嘆為觀止👀喇！唐記點解咁出色㗎？咖哩雞飯，唔單止分量充足，飯飯粒粒油亮可口，足足四大塊咖哩雞又嫩又滑，啲薯仔又腍，跟上陣陣咖喱香，偏辣的味道正啱我嘅胃口。想象一下，每一口入嘴咖喱汁都滿溢四週，有咗啲辣勁醒神，真係啫啫噏晒呀~😋排骨飯都幾好食，排骨保持住那種啖啖肉嘅質感，沙沙嘅豉油汁令人止唔住口。嗰個鵪鶉蛋燒賣就更加掂，蛋黃綿滑，攪和埋燒賣嗰股鮮香，係頂呱呱嘅美味。雖然唔係咩大鋪頭，但這裏嘅美食真係食得出心機同窩心。唯獨服務態度需要改善，嗰阿嬸唔使咁斯文拒絕啦~ 唔洗太多咁殷勤，但至少要保持基本嘅禮貌同耐性啦。總之，就飲食質素來講，唐記係能夠滿足你我味蕾嘅好地方。下次我都會回味再來，希望嗰時服務跟得上食物嘅標準~👍…查看更多

這家店就在我家樓下，經常去購買，但經常亂收費我點了3個包加22元4件的炸物應該是46元職員收款八達通45元給兩個包$8加22元4件炸物我立即跟她說貨不對，價錢不對，她還說兩個包16元加25元就45呀，還想罵我我說兩個包16元加22是38元，還有我是要3個包你才給我2個包，怎麼算都不對這家店已經好幾個月沒給收據，亂收費，之後家人去買2個拼盤收了3個拼盤錢下次再去購買要拍職員加錄影才可以，有次再過份我買6個包收了8個錢還要給4個包我，更本就職員自己代客人錢…查看更多

都唔知點解，要d員工又收錢又執野食，掂完錢又掂野食，唔衛生，無分工，嚴重拖慢流程，以前絕對唔會咁樣，有收銀，其他員工專們執野，快好多，而家d 姐姐成日要問呢樣幾錢，果樣幾錢，唉等無可等，結果唔食…查看更多

又係十點鐘之後冇堂食嘅日子，所以口痕就想買啲糖水食，雖然見到商場出面夜市有一啲甜品，不過我覺得唔太啱食，所以入咗商場，見到唐記包點有得賣豆腐花，仲要只係九個半一碗，見到好多人都排隊買，所以我就買埋一份。佢就得熱嘅薑汁豆腐花，不過我見佢九個半都尚算大碗。食落去就唔算好滑口，薑汁都唔算好多，不過九個半嘅質素嚟講就係cp值超抵！不過下次可以建議店員問一問客人想要黃糖嘅份量先再落，因為見佢都落好多，如果怕甜嘅朋友仔就會可能會嫌甜得滯！…查看更多

由細食到大，望住佢加價、裝修～由以前係出面排隊夾包到依家比飛，唐記真係陪伴住我嘅成長，最記得係冬天翻學時買嗰熱包暖住雙手，真係滿滿嘅回憶！在此特別推薦佢嘅菜肉包同叉燒包，兩個都抵食多肉，包皮仲好甜唐記包點真係正…查看更多

平時都買開唐記既豬軟骨飯，好食好多梅菜扣肉飯唔記得之前有冇叫過今晚食完飯覺得仲係好肚餓於是落車經過尚德商場就去買左個梅菜扣肉飯一打開就知道伏伏地好似原本嘅汁再加左啲一碗清水落去嘅感覺超級淡，見到外面有個小販早知食小販好過🙈🙈🙈Ok店既梅菜扣肉都好味過佢🤦🏻‍♀️唔知平時係咪咁🥶今次太難食了…查看更多

十二月二十五日，「聖誕節」正日紀念適逢又是年齡最小的外甥女生日，再加上現在「新冠肺炎」不斷在社區爆發，導致晚上堂食計劃落空，導致外甥女的生日會，需要在外甥女位於「將軍澳」「尚德邨」的家裡面進行。不過為了遷就外甥女跟細佬平日的飲食喜好，所以外甥女的生日會主要食品，主要以外賣生蠔、三文魚、壽司、炸薯條、炸雞寶、炸雞翼、焗豬扒飯等等食品為主，我需要另外再購買外賣自取「咖喱牛腩飯」晚餐。或者可能是因為我很少去「尚德邨」，始終不是太過了解「尚德邨」實際規劃，跟「尚德商場」裡面的所有食店種類內容，所以我一直不知道「尚德邨」也有「唐記包點」售賣「咖喱牛腩飯」，一度以為要跑去港鐵站才買到。結果妹給我帶路，跟我乘坐升降機落到「尚德邨」樓下之後，我才發現原來「唐記包點」也有在「尚德商場」地舖裡面，開了一間新分店，最重要的是「尚德邨」「唐記包點」的「咖喱牛腩飯」竟然還未售罄。我印象中的「唐記包點」分店裡面，「咖喱牛腩飯」往往都是很早就已經提早售罄的食品，加上現在「新冠肺炎」疫情持續，人人都被迫購買外賣飯盒，按道理晚上七點光顧「唐記包點」，「咖喱牛腩飯」應該已經一早售罄。結果我在晚上七時正左右，在「尚德商場」地下的「唐記包點」分店裡面，居然還能夠購買到「咖喱牛腩飯」食品，無疑是有點出乎我的意料之外。「尚德商場」分店「唐記包點」製造的「咖喱牛腩飯」售價相對其他分店，屬於中等水平，賣港幣三十元，價錢不算最昂貴。於是我購買了一盒「咖喱牛腩飯」，再在附近其他店購買「燒雞髀」，然後返回外甥女家裡面享用。最近我在「唐記包點」其他分店，購買過外賣自取「咖喱牛腩飯」食品，發現現在「唐記包點」廚房製造的「咖喱牛腩飯」，咖喱汁實際辣味味道都偏向很濃厚，濃厚得叫我有時難以即使適應過來。至於「尚德商場」分店「唐記包點」廚房製造的「咖喱牛腩飯」，「咖喱牛腩飯」裡面的「咖喱」汁實際味道，也有明顯容易感受到的辣味，反而「咖喱」裡面的香料香味感覺比較淡薄而已。至於「尚德商場」分店「唐記包點」製造的「咖喱牛腩飯」，「咖喱牛腩飯」裡面「咖喱」汁的實際口感和稠密程度，感覺有點稀薄，我覺得「唐記包點」「咖喱牛腩飯」「咖喱」汁實際質地可以煮得再稠密一點。至於「尚德商場」分店「唐記包點」「咖喱牛腩飯」裡面的實際「牛腩」份量感覺頗多，「牛腩」實際份量足足有七、八件之多，反而不是太能夠從「咖喱」汁裡面發現到「馬鈴薯」跟「紅蘿蔔」。或許就是因為「尚德商場」分店「唐記包點」廚房製造的「咖喱牛腩飯」裡面，「紅蘿蔔」和「馬鈴薯」佔「咖喱牛腩」裡面的比例不多，所以令「咖喱牛腩」實際辣味欠缺甜味中和，辣味感覺變得有點過猶不及。至於「咖喱牛腩飯」裡面的「牛腩」，由於每一塊「牛腩」實際體積都是頗大的關係，所以最初享用第一口「牛腩」，已經可以享用到啖啖都是豐厚「牛肉」，濃厚的牛肉肉味感覺。至於「咖喱牛腩飯」裡面「牛腩」的實際口感，趁「唐記包點」廚房剛剛煮好「咖喱牛腩飯」，即時享用到「牛腩」實際口感感覺是最軟最腍。但是隨著時間一過，「咖喱牛腩飯」裡面的「牛腩」實際肉質就不斷熟成，口感也隨著「牛肉」的肉質熟成，而逐漸變得有點硬，我立刻急於食完「咖喱牛腩飯」，無謂浪費時間不斷拍照了。「咖喱牛腩飯」「咖喱」汁裡面的實際辣味，也隨著時間逐漸流逝，「咖喱牛腩飯」裡面的辣味感覺也在不知不覺間開始，逐漸地變成大辣。由於「尚德商場」分店「唐記包點」「咖喱牛腩飯」裡面有很多「牛腩」，但是我偏偏不是太發現到有「牛筋」的身影出現，令我在濃厚「咖喱牛腩飯」辣味裡面，感到有少許的失望。最後講一下「尚德商場」分店「唐記包點」「咖喱牛腩飯」裡面的「白飯」，「白飯」口感稍嫌有點硬，配合味道偏向濃厚辣味的「咖喱牛腩飯」，我只能從「白飯」裡面食到「咖喱」裡面的濃厚辣味。至於「尚德商場」「唐記包點」實際上製造「咖喱牛腩飯」食品而需要的總時間，到最後沒有我原本預期那麼快捷，迫使我需要等候味道偏辣，不是人人都接受到的「咖喱牛腩飯」。至於「尚德商場」分店「唐記包點」店舖位置，比較接近「尚德邨」的樓下，反而不太接近「尚德商場」樓上的出口和行人天橋，今次我因為外甥女生日會而光顧到「尚德商場」「唐記包點」，下次我恐怕未必同樣做到了。…查看更多

今日選擇來到將軍澳尚德廣場的唐記包點，買外賣帶回家吃，唐記的包點及蒸飯、點心都有一定的水準，種類亦算多款可供食客選擇，熱辣辣的，可以不用到酒樓也品嚐到風味，而且好抵食，大力推介。:)今次蒸飯點了排骨飯，點心選了燒賣和鵪鶉蛋燒賣，特別鍾意鵪鶉蛋燒賣，因為現今已經不是每間酒樓或點心店舖都有售賣，更具罕見，而且好好味呢～白色燒賣料有蝦，頂部有一棵鵪鶉蛋，正！排骨飯熱辣辣的、可配上菜絲和豉油，價錢經濟，質量很不錯。…查看更多

收工時間路過唐記包點見到有新款包立即去排隊，不要睇小唐記包點的威力經常性大排長龍 就算我10點半去也要排隊才購買到阿華田流心包 $5 做新款包優惠價錢只需5蚊 非常抵食排到我時已經賣灑蒸好既包包，姐姐都好好人話有未蒸既流心包可以反去蒸10分鐘唯有買一個反去試下個新款包包咩料外面好鬆軟既朱古力色包包，配上入邊好濃郁既阿華田味道，真係好似飲緊阿華田飲品Size也很大同平時買既蒸包一樣大小，溫馨提示剛蒸完入的流心非常熱容易辣咀味道 賣相 衞生 服務 抵食 推介 …查看更多

今晚又再食唐記新出既飯同包, 未講野食前呢間唐記員工態度好好, 有禮貌又細心!唐記x阿華田包一買完即刻食, 勁流心同埋好濃華田味, 原來咁樣蒸係咁夾, 蒸既時間岩岩好, 重點係只賣5蚊, 抵到爆!咖哩雞飯呢個係其中一款新出既飯, 咖哩味好重同埋食到椰香味, 夾埋熱辣辣既飯勁開胃, 雞亦都有6-7舊, 比起一般連鎖快餐店抵食!燒賣同鮮竹卷兩款茶樓都好受歡迎既點心, 唐記都整得好好食! 燒賣好足料而多肉食, 鮮竹卷亦都蒸得岩岩好!奶茶同豆漿唐記奶茶奶味好濃同埋茶底都好夾, 好特別既奶茶口味! 而白豆漿好多人嗌, 因為豆味好出色, 每一啖都好香豆味, 抵飲同平價之選!…查看更多

收工唔想煮所以就嚟到尚德嘅唐記買飯啦！ 新出左個阿華田包，試食價先5蚊咋！新鮮食超流心，又唔會好甜，但朱古力味又幾夾中式包包🤪🤪糯米雞好大個，真係成個盒咁大份，入而有雞翼叉燒肉碎等，用料豐盛！味道拍得住酒樓個d😍北菇滑雞飯($27)🐤 雞又係好滑嘅，菜都幾多！章魚肉餅飯($27)🐙🦑 肉餅幾有咬口，抵食！咖哩雞飯🐥 先29蚊咋！雞肉幾大件，薯仔都入味嘅，咖哩小小辣咁😌😌#阿華田 #流心阿華田包 #爆漿 #流心#阿華田奶茶#唐記包點#聯乘#crossover#蒸包…查看更多

唐記包點真係由細食到大， 近排經過街市見到佢，突然又好想食添，見到蒸籠入邊嘅包非常之吸引。我就叫咗個去叉燒包，叉燒包嘅醬啱啱好，個包整體來講唔算太乾，都算係有咬口。另外都叫咗個糯米雞，糯米雞$28超級足料，糯米都相當煙銀，入邊有冬菇臘腸雞肉等等材料，食咗一個已經超飽啦。最後叫咗個北菇雞飯，冬菇嘅香氣唔錯，配埋嫩滑嘅雞肉，一啖飯一啖雞好食好食 總括嚟講唐記包點性價比都幾高， 個飯只係$30以來包都係$7簡簡單單食個中午飯都幾抵食…查看更多

近排返工真係好忙 ， 返到屋企都唔想自己煮餸，直接係屋企樓下買外賣食。將軍澳尚德嘅唐記包點都開咗好多年，今日又係呢一度解決我嘅晚餐。兩丁友叫咗一盒窩蛋牛肉飯，一盒鳳爪排骨飯。叫親唐記包點嘅飯我一定會落好多豉油，話晒我都係一個重口味嘅人。窩蛋牛肉飯塊牛肉餅喺上邊，成一盒就飽晒啦，鳳爪排骨飯鳳爪夠入味，同出邊嘅酒樓冇乜分別。外賣都可以食到點心唔錯。另外叫咗個奶皇包， 好似先$7，奶黃嘅餡好足夠。鍾意食奶黃包嘅唔好錯過…查看更多

好耐都冇食唐記包點，而家好似都有啲新出嘅嘢食喎，我就叫咗咖喱牛筋腩飯，雖然唔係蒸飯，不過都真係幾好食喎。同大家樂嗰啲味都幾似喎，重點係先$28平過大家樂超多。我以前都唔知有咖喱牛筋腩飯下次一定會再食。 咖喱味唔錯牛腩都炆得幾淋。配埋啲飯一啖一咖哩正。另外都叫咗個榨菜肉包，超級耐都冇食過榨菜包，榨菜好爽口，個包琳琳地。口感都唔錯。另外都叫咗叉燒包估唔到叉燒包幾好食都幾重口味喎。最後叫咗個糯米雞留返聽日做早餐。話晒我都係糯米雞愛好者嚟㗎嘛…查看更多

唐記包點相信大家都聽過，佢主打蒸飯同埋包點，而且全部都好平，蒸飯通常都係$26以下，已經夠飽又多餸，而且好多選擇。蒸飯黎講我最鍾意食嘅就係章魚肉餅飯，雖然唔講得上係好食，但係咁嘅價錢同呢個質素我覺得係非常接受到。至於包最鍾意就係榨菜肉包，啲肉撈埋啲榨菜真係令個包好有質感， 而且係白面粉整嘅包感覺好健康。另外大家都可以試吓鍋貼係$15蚊3大隻，佢鍋貼每一隻都有半個拳頭咁大，加埋醋真係非常好食，而且個皮好滑。另外就係我都好鍾意飲佢嘅黑豆漿，因為唔會太甜感覺好健康，大家可以試吓啊。…查看更多