唐宮小聚 (新港中心)

营业中

休息中

服務差劣的食肆，俾了枱號，但又沒有人帶位，五個大人被安排坐一張細小的四人座位，還要在路口位加一張櫈，表達不滿又沒有人理會，當想離開時，又再安排坐另一張較大些的枱，但依然是四人座加櫈，為何不給予六人座位呢？是沒有人回應的！乳鴿還未來，就上了甜品，次序全錯，甜品吃完了，乳鴿還未上，再次催促才到食物未到齊，就趕著埋單，還在吃時，就走來說要搞清潔請我們走帳單內寫明送試食月餅一盒，就因被趕著走而忘記追討，應該主動送上才對吧！

事原本人一家五口趁中秋出街食個午餐，一開始已有點不愉快，入去給了一個四人座的卡位，要一再提醒服務員我們有五位，她才從另一台拿了張櫈擺正路口位，一來個通道窄，坐左就邊夠位俾人行，二來枱腳係正中間，頂住點坐，本來好有禮貌同佢講，唔得le,你睇下個位， 點知個服務員話 無呀！暫時無呀！唔得就出去再等過！係人都火啦，咁我地咪企係度等，先有個好禮貌d既人過嚟話執緊入面張枱俾我地。講返食物，確係無得彈，叫左d 點心， 全部都好新鮮之後，見隔離食緊乳鴿都好正， 我地都加單，個無禮貌服務員又嚟，質問我地之前係咪無叫過。 唉，我地都知一人一隻，你想知可以check 入單 record, 唔需要一接單就問掛。最後，你話要做清潔，咁我地好快食完就走，點知就漏左無上到個月餅，好在唔使錢姐，你催人走，但又唔出曬d 野食。下次都係食返中環個間， 好過尖沙咀好多

第三次來了，裝修不錯，碟上有蜜蜂/螞蟻圖案，像真度極高，第一次來時所有朋友都用紙巾擦碟子，大家都以為是碟上有昆蟲，很搞笑。食物外表交足貨，很精美，食得開心。食物味道也不錯，聞名乳鴿好香，辣子雞最野味，因為夠辣，但量太小了，扮雞蛋的原來是芒果甜品，只是雞仔巢太硬，可能不打算如你吃。蝦多士香脆甜美，流沙包超滑超香，荷葉飯炒功了得。甜品-新皮梨子沒有陳皮味，是酸梅，反之我較喜歡冰糖燉雪梨。但整體來說，好睇好食，食幾多次都會再來！

難得外國朋友嚟探我哋，當然要帶佢食好西啦！唐宮小聚主打創意中菜，其實我之前都未食過，只係有朋友介紹話想食，所以就決定試第一次一坐低見到個碗入邊有兩隻烏蠅，原來係假嘅，真係幾有趣，外國朋友覺得好正，就係呢啲細節位令到人覺得餐廳好似幾有創意。餐廳首推乳鴿，仲要一人只限叫一隻，唔係冇原因，因為乳鴿真係燒得相當均勻，味道濃郁，一咬開有大量嘅肉汁流喺口腔入邊，超正，睇都唔少人都話唔會為咗隻乳鴿再encore呢一間野，我覺得啲人係冇講錯！創意料理方面，有呢個山竹麻薯球，非常之特別，除咗外型相似，味道亦都相當唔錯，唔係得個樣，內裏係高湯龍蝦，估唔到陪買馬舒適又幾特別喎！呢個係蘋果包，我自己覺得係中式嘅蘋果批，因為佢個蘋果餡係一樣樣，但係佢就有一個創新嘅手法表現出黎～金色蛋黃豆沙包，雖然外表華麗，但感覺同平時食嘅都唔係話好大分別，所以純粹只係叫比我個朋友試吓。6個人埋單，每人百幾蚊，都ok既，覺得帶外國朋友黎食都幾好，尤其佢已食過一般既飲茶！

光顧過呢間tst分店超過三次，每次都有驚喜，係令人失落既驚喜。有時真係懷疑食品質素係唔係跟廚師心情而定。（由於今次好想俾評分，不得不寫夠200字）事先聲明，從不覺得自己係食家，寫親食評都由普通人角度出法。乳鴿： 比起荃灣分店，呢間明顯更勝一籌，肉汁較多，而且味道唔錯。可以一戰腐乳蟶子：第一次食時，個腐乳汁係略帶甜味，而且較為稀。相隔不足一個月，第二次幫襯時，個汁變辣左，而且似芡汁，杰啲。 最慘係份量嚴重縮水，得10隻，少過上次。最後想評埋「炒蝦腸粉」，唔推薦。其實係一碟xo醬炒腸粉配幾隻蝦，腸粉大約係五條剪開的。抵唔抵真係見仁見智。

老細話想食點心午餐 就係公司附近揀左呢間未試過既好多人等緊位 好彩打去問既時候話6人以上可以訂位點心紙係中英對照我揀唔到食咩好 我既鬼佬老細們都可以揀「黑金流沙」 奶黃飽真係流沙! 但吃既時候 飽已經唔係好熱 皮比較硬.. 「脆蝦多士」非常推介!!!卜卜脆熱辣辣有黑松露味又有蝦味!「小小蘋果」好得意不過我本身唔係好鐘蘋果批個D味所以麻麻地「非常山竹」外型好得意又搞笑好似百力滋既莖以為個飽好似奶黃飽咁啦 唔係喎 係脆卜卜既!皮出面係啡色 皮入面係紫色 食落有少少似紫薯但唔肯定餡就係龍蝦汁配蟹肉除左點心仲叫左D小菜小菜係令人有驚喜既首先「無咁簡單」辣子雞雞粒卜卜脆 辣得黎又唔會話入唔到口隔離仲有2個雀巢裝住蛋黃 其實係甜品 芒果黎既「水煮魚片」酸菜魚好好好好好好食!!魚片好厚身無骨又滑連個魚湯都可以飲!!如果可以再辣D就更好喇!!成餐最好食係呢個 但可惜太趕時間唔記得影相..「粉墨登場」係八爪魚墨魚汁飯無乜特別但不錯吃既!!飽到上心口又靚又好食既午餐👍🏻👍🏻👍🏻👍🏻👍🏻

今日係我第4次來，兩次lunch, 兩次晚餐。今次一行3人來食午餐，感覺無第一次來咁震憾，可能係lunch 繁忙時間，好多食物你準備定啦，上台時係微溫而唔係熱辣辣。感覺有d 美中不足。講返我最愛嘅乳鴿先，每次都係大滿足。建議炸完之後隔一隔d 油，咁就完美啦。同埋裝乳鴿個盤扣分，都唔靚嘅！荷葉飯開頭仲以為有少少生米，食食下又唔係喎，都好好味黑金流沙包真係好流沙，好有咸蛋王味，yummy每次來我都會叫肉骨茶，我鍾意佢夠曬辣。不過我同事就唔多中意啦，佢中意藥材味重d喎仲有黑松露蝦多士，脆卜卜，好野味！3個人，每人$140

好朋友仔生日一於去食啲特別啲既，之前嚟食過一次味道唔錯所以再encore，今次我哋叫咗好多嘢食碟碟兩三件好精緻，頭盆更係要叫“白玉王鴿”啦！限每人一隻超多汁好嫩滑食到唔停得口呀！到主菜“槽滷醉蝦”好入味 “龍鬚芥蘭”巧手工 “小蠔煎餅”超大件蠔好鮮味 “開蔥拌麵”好嘢味，到小食“小小蘋果”好得意裡面有蘋果肉好香小朋友最鍾意食 “非常山竹”做得好似樣 “蟹粉麻球”裡面係有蟹肉嘅幾特別，最後叫埋甜品“冰皮壽桃”這個竟然是冰皮包住榴槤肉...非常特別估唔到好好食今個晚餐真的抱住個肚走好滿足呀！

好耐冇試過星期日出街食Lunch啦，心血來潮出左尖沙咀，揀左間D人話成日好多人等既中餐!由於出到去都差唔多兩點既關係，其實眼見都唔多人等啦!等左10分鐘左右就有位!兩個人都唔叫得太多野，就叫左小小野試下!黎到當然要叫佢好抵食既乳鴿，$29.9一隻真係好抵，叫左一人一隻!味道唔會好淡，好juicy，好好味!黑金流沙，流沙奶黃包黎既，食落去又唔算好漏出黎，奶黃餡中都有D蛋黃碎係到，唔會太甜太漏!非常山竹，外形係山竹的樣子，其實即係類似咸水角既食物，餡料係蟹肉加龍蝦汁，個人覺得幾特別!味道都唔太差!椰皇燉雞，味道好清甜，椰子味都好出!星洲骨茶，非常重藥材同胡椒味!如果本身中意藥材味重既人值得一試猛虎咬豬，我只係食左一啖姐，不過我食落去覺得唔會太油膩，因為有D菜中和左，友人覺得好好味!荷花蒸飯，味道同普通荷葉飯差唔多，淡左少少埋單都差唔多$500，如果唔係有個飯應該就唔會好飽啦!但志在試左新野!

大概年幾兩年前去過一間位於中環既摩登中式點心和小菜餐廳，印象唔錯，原來尖沙咀都有分店，等我再試多次先😆.<火焰菠蘿> 😍呢個上菜有驚喜，成個菠蘿燒住上，咁梗係相機食先啦😄一打開香噴噴色澤豐富，菠蘿鮮甜可口，一d都唔酸，牛肉香軟多汁，清新醒胃，果然係必食之選😋.<點來聚聚>個名幾得意，原來呢款菜包括五款特色點心，有墨魚汁餃，芋蓉流沙，柚子蝦餃，酒釀棗糕和賽螃蟹餃😃賣相不錯，不過味道都係預料之內，唔算特出。.<金菇翠苗>呢個金菇炸得幾香脆，翠苗幼嫩香甜，一啖脆脆金菇一啖軟軟翠苗係食得幾滋味😄.<陳皮燉梨>秋意濃濃天氣乾燥，最後嘆返個燉梨，雖然唔係好食到有陳皮味，但甜甜地夠晒潤喉啦😚.整體上幾好，記得第一次試過松露香菇，白玉玉鴿，猛虎咬豬又真係幾好味。呢間餐廳每樣細細碟，人少少又想試多幾款唔同既菜式就最岩啦，環境幾舒服，下次三五之己聚首一堂可以試下呢度啦👍

Dishes have attractive decent lookings, taste a bit plain though. We tried almost all the popular choices (8-10) in the photos but i dont feel anything particularly impressive. Overall dine in experience is good. But would think twice whether want to come back next time.

原本想去中環間分店食 好彩預先打電話問 話full booking 即刻轉場去tst！12:00就到左 仲有好多空位 但一到12:15個場就爆左9成！ 好彩早到姐！ 野食好精緻 最鍾意個奶皇流心包 個包好鬆軟 個餡好好味👍 反而個菇包就無咁出色 餡唔多 松露味好少。最唔掂就係個蘋果l包 外型100分但唔好食。個鵝肝春卷炸得好脆 有成舊肉起入面 唔係肉餅打蓉晒 不過比較油 完全無鵝肝味。 隻乳鴿好抵食 有肉 不過比較鹹同油膩 （放縱下自己一次啦）。 個花雕蟹好細隻 細到嚇襯我 不過勁多膏 但肉無咩 淡淡酒味 唔錯。員工都好有禮貌 環境舒適 不過當然無中環有海景望咁正啦 總分：88/100

呢日黎到唐宮小聚食個晚飯～係海港城行左陣都諗唔到食乜就決定行黎新港中心睇下有乜食～見到呢間裝修唔錯，有好多香港懷舊既物件做裝飾4個人叫左d前菜，醉豬手好惹味，切到細細粒，可以好容易一啖咁放入口，d汁好入味～雞絲粉皮辣辣地，感覺辣得好過引乳鴿即叫即燒，仲有埋手套同濕紙巾好貼心用手食最方便又唔怕整污糟～個皮脆亦都有肉汁！真係想食多隻～不過要留番個胃食其他野～流沙包岩岩蒸起就拎出黎，食個陣都要非常小心因為一咬d奶皇餡就爆出黎一唔小心就會辣親另外叫左個炒飯不過掛住食冇影到總括黎講成餐飯都好滿意～不過美中不足係得90分鐘用餐時間，食到咁上下出面冇人我都會叫你埋單交枱～

之前係中環食過, 依家開多間係尖沙咀, 去之前都知一定要等好耐. 所以個日一早就去. 6:00去到果然唔洗等位叫左至愛, 香菇包, 流沙奶黃包, 豬仔包俾亞仔, 叫多個火炙菠蘿(入面係沙嗲牛), 仲有乳鴿. 不過就冇咩特別飲品, 食物一如以往- 高質, 特別, 仔仔又好鐘意, 唔洗氹都肯自己食飯環境比中環大及舒服(因為中環個問好嘈)服務又細心, 有耐性介紹食物俾我地唯一不足— 一定要早到先唔洗等位, 因為我地8:00左右走仲有好多人等位.

今晚約左幾個朋友帶住小b閨蜜👭小聚所以諗爆頭都係食中菜好可以寬敞一點揀左食唐宮小聚$29.9 /一只乳鴿抵食大隻有肉差不多每檯都會叫一只因為媽媽要食飯 千揀萬揀 揀左個飯質較為硬嘎墨魚🦑飯味道就一般一般～呢個前菜 豆腐皮蛋就非常開胃食中菜一定要吃個菜～叫左炒芥蘭夠鑊氣師傅又夠刀功 挑得幾靚^^食都開心d😃呢個黑醋 就甜左d 但肉質嫩滑 外皮脆脆地質感吾錯 酸菜魚酸酸辣辣幾好食，仲有粉皮做個底唔錯唔錯今晚四個人食左$573