唐宮小聚 (新港中心)

营业中

休息中

每個月都搵地方同朋友聚一聚。今次食中菜，見餐廳簡介環境舒適同食物健康。於是試試。特別在個包係竹炭，冇咩特別味。鹹蛋黃味不太濃。一定要趁熱食。正正常常。豬手沒有沙薑味而且份量太少。幼身麵條，醬汁惹味。

約了幾個女生出來小聚，朋友揀了這間。 沒有訂位，所以 11 點就過來攞位，都多人，到 11:30 就排隊入座。打開餐牌，發現與舊式飲茶好唔同，啲食物好特別。 5 個女仔所以唔敢點太多。點心拼盤，好吃 蟹多士，比較油，但都唔錯 👍🏻👍🏻雞包，不太特別，有點辣 蟹粉包，做到好似山竹咁，幾特別 XO 蝦炒腸粉，唔錯 👍🏻👍🏻 菠蘿🍍咕嚕肉，好好味，必點 餐牌有個必食推介是乳鴿，每人限叫一隻，不過我哋冇叫，我見隔離枱食，好似好正，下次有機會一定要試 ☺️☺️還有，原來有時間限制，每枱用餐個半鐘，所以唔可以傾太耐 😓😓😓😓

5人以上好難等到位......四人以下先好黎。但係入座之後先發現.....2人枱同5人枱都係比嗰張.......態度仲要好差。點解5人枱半個鐘先叫1張...而同一時間2人枱已經去到20張。2人 A飛3-4人 B飛5-8人 C飛等左半個鐘...... 終於有張五人枱要走..... 叫左C4飛.... 無人應... 相信已經走左.... 叫C5原來係7位唔夠坐.... 之後竟然比張枱4人都唔俾下一張C6...... 張張攞住C飛既都行哂嚟投訴!!! 😰

同男朋友行尖沙咀 經過中港城 記得之前有同事介紹過話呢間啲野唔錯同幾得意 所以就想去試下👅我地兩點二去到 個姐姐話唔好意我地就快過用餐時間架啦 跟住我話e你地唔係兩點半先截單咩 之後先話甘你而加要即刻落單先帶我地入座仲再三叮嚀我地三點鐘就要開始清潔。。。anyway 最後都可以試到 不快既感覺就唔記得了 1.黑金流沙好得意 係黑色皮 我諗係竹炭啲fd 不過個餡就其他同流沙奶黃差唔多 係個外表唔同啲🤣最緊要趁熱食先流心2.非常山竹呢個又係個樣吸引左我地 係龍蝦汁加蟹肉 外皮係紫薯麻糬 qq 好味3.粉墨登場-墨魚飯個飯一上枱就覺得e好似唔錯賣相幾好 但食落口就覺得麻麻因為飯質較硬 味道又無乜特別好一般

許久不見的朋友突然說道，很久沒有一起去過尖沙咀了，那便去一趟吧。民以食為天，自是先解決肚子——我倆一直對唐宮小聚的香菇包特別感興趣，在得知招牌乳鴿僅30元後更是拍案選定了唐宮。一坐下便馬不停蹄拿起點心紙趕緊畫下幾道，生怕晚一步便錯過限量的招牌乳鴿。難得一到，自然要把可愛的特色造型包子都點個遍。朋友說，再點一個粥粉麵飯吧；我則是更傾向於小吃。才說沒兩句話，點心便一個接著一個地上桌了。滿桌子的包點幾乎要把桌子擠滿，為了怕其他小吃放不下，我們只得匆匆拍照快快吃完。首先要吃的自然是點來聚聚。一共五款的蒸點，分別是柚子蝦餃、墨汁蝦餃、賽螃蟹餃、蜂巢糕，以及小包子。大籠裡五個小籠的造型確實特別，然而實在太佔位置了。先下手的是墨汁蝦餃，除了皮較鹹以外，跟普通蝦餃並沒有區別。朋友吃的是賽螃蟹餃，說是蝦肉蟹肉混雜，味道特別。柚子蝦餃是我最喜歡的，本來想著或許會有幾分奇怪，沒想到柚子香卻跟蝦餃意外融合，吃起來味道清新特別，咬了一半的我連忙問朋友要不要夾斷一點去嚐嚐——最後一致認為是最值得吃的一道，儘管不是最好吃的卻是最特別的。有了前者相較之下，味道也不錯蜂巢糕跟豆沙餡的包子便有點失色了。（好想吐槽朋友的濾

聽聞呢間餐廳好多人去所以都一早訂了位佢地好嚴謹、講明一定要人齊先入得，hold台只有5分鐘當日都真係望了又望人頭人齊先可以入其實餐廳空間都好大但又真係好多人係門口拎飛仔等食，大人氣！價錢算平、$70左右都可以點到一款款式亦算多，而且一如其他食評所說，樣樣都別具特式我地點了傳說中必叫的乳鴿$33一隻、味道亦很不錯可惜係火陷菠蘿已經賣晒，當時只係19:45左右其他食物味道亦不錯甜品就點了冰皮壽包，原係榴連！不過只係榴連味的cream，沒有果肉整體來說都不錯會再光顧

第1次試呢間餐廳..閒日晚上7點左右..唔需要等候太長時間就可以入座了..步入了餐廳後..我覺得地方好寬敞好大好舒服..1行3人叫左1堆前菜小食..有: 豬手..木耳..炸魚..醉雞..窩荀..但個人口味唔太中意豬手既配搭..跟住再order左乳鴿同埋荷葉蒸飯..仲有擔擔麵..由於上菜時所有野都熱辣辣..所以感覺特別美味..另外..服務方面都唔算差..唔使叫好耐先有人回應..加上收費都算公道..今晚我同屋企人食得好開心呀..下次有機會既會試下其他分店..

由於有2個鐘午餐既關係，ICC又有shuttle bus落尖沙咀，午餐既選擇有好多，今日就同同事去左唐宮飲茶！唐宮我地都幫襯過好幾次，最抵食莫過於「白玉乳鴿」，一只都係$28-，即叫即製，細細隻方面成隻拎住黎撕，勁多肉汁，好juicy，不過「白玉乳鴿」係手快有手慢無，睇大家彩數啦！去得食點心，點少得一盅兩件呢。我地就叫左個王牌流沙包同菇包，一流既賣相絕對唔係得個樣，味道都好唔錯👍🏻👍🏻除左點心之外，我地仲叫左懷舊小食「蝦多士」，不過呢個略嫌油膩左d，亦都唔夠鬆脆！另外仲有我既最愛，醉雞🐔同尖椒茄子🍆兩道菜都係凍食，醉雞我認為酒味可以再濃d，雞肉就已經夠哂嫩滑啦！尖椒茄子亦可以再辣d！呢間餐廳最好就係有哂點心同小菜，點心新㯋又精緻，真係不錯👍🏻

對上一次黎食都成年前了, 最近突然有d掛住個味道就決定帶埋男朋友去食去到發現原來都多左好多新菜式, 唯一不變既係佢個靚靚裝修今次無嗌到小菜, 而係嗌左幾款點心, 點心上到枱係熱辣辣, 睇得出係即點即蒸而且全部賣相都好精緻, 打卡一流講漏左既係佢食品既水準都無點變, 絕對唔係華而不實, 依然高汁!美中不足係份量都幾少,  加上男朋友胃口都唔細, 最後要嗌多個飯先夠飽

呢間餐廳好似已經食過好多次，但隔一排又會掛住想食，今次又去試下啲新嘢！但點解乳鴿依家要等甘耐😢由好快即上變十五至二十分鐘最後變左至少30分鐘🤣🤣🍏小小萍果外形討好，好適合好鐘意食肉桂既朋友🍎流沙包仍然係無得輸! 辣子雞配芒果醬好夾喎原來👍🏻好有驚喜😋😋呢個吾辣（雖然全部係辣椒🌶️）萵筍幾爽口， 擔擔麵正正常常！ 陳皮燉雪梨係每次必點既❤️完美既句號Staff會幫手加茶👍🏻贊🔖🔖乳鴿一坐底要即刻叫，吾係就gg了！

星期曰，同個同事出去尖沙咀食飯先，好在一早訂咗位，裝修新穎有幾靚喎，而且座位闊落，見到做緊推廣好似$29蚊🈶1隻乳鴿，好抵食，味道幾好，而且味道吾太鹹，肉質鮮美嫩，而且乳鴿入味，每人只限叫一隻沙薑豬手$69，份量是超細碟，沙薑不夠入味，豬手皮不夠爽，一般，另一個，叫左點來聚聚$69，其實有五款點心，外貌精緻吸引，味道一般，脆蝦雲吞$39，有三件，賣相吸引，炸得香脆，蝦多士$79，有三件，味道一般，價錢貴，吾抵食每位$9茶錢，及加一

星期曰，今晚慶祝屋企人生日，去咗尖沙咀食精緻點心+中菜，好在一早訂咗位，裝修新穎，座位闊落，一行五個大人➕一個小朋友，叫咗八個菜，1）做緊推廣吾史$30蚊1隻乳鴿，味道幾好，味道不太鹹，肉質嫩順，而且乳鴿入味2）火焰🔥菠蘿$119，其實內裡係牛腩菠蘿，味道有小小偏辣，菠蘿鮮甜，外貌吸引3）沙薑豬手$69，份量是非常非常細碟，沙薑不夠入味，豬手皮不夠爽4）點來聚聚$69，其實有五款點心，外貌精緻吸引，味道一般5）脆蝦雲吞$39，有三件，賣相吸引，炸得香脆，裏便係軟芝士➕雪蝦，咩都配合，幾好味及幾🈶️特色6）粉墨登場$99，份量正常，味道冇咩特別，普通墨魚飯加八爪魚🐙7）冰皮壽桃$39有三件，賣相吸引，味道好似食緊榴槤冰皮月餅甘，但系榴槤比較淡味8）蝦多士$79，有三件，炸得香脆，味道一般，價錢貴，吾抵食每位$9茶錢，及加一總括份量比較細件，外貌精緻，環境幾好，

舊同學聚會揀咗呢間餐廳， 八點鐘門口都仲好多人等位， 我地因為book咗位所以一去到就入得。我哋六個人，因為每隻乳鴿係分兩嚿唔係分四舊， 所以我哋嗌咗三隻乳鴿。 乳鴿都上得好快，不過唔係好夠熱，偏細隻，一撕開好多油， 但係係好食嘅。之後仲嗌咗個蒸餃，有五隻味，幾特別， 有豆苗餃，奶皇餃， 墨魚餃， 壽包， 椰汁馬拉糕， 夠曬熱， 皮夠薄幾好食。仲有黃金奶皇包， 松露包 同埋芋泥豬仔包，都各有特色， 全部包粉類都好鬆軟！唯一失望啲係墨魚飯， 張相好靚但上到來好一般， 味道都好普通 總括嚟講，全部碟頭都好細，好精緻。比較特別係火炙燒菠蘿， 服務員會用火槍燒多囊外殼， 裏面係咖哩牛腩， 味道唔錯都有菠蘿甜甜地嘅味~七個人食一人二百幾蚊唔算好飽。。。

又到左同知己好友一連幾次嘅聚會啦諗唔到食咩就選擇左呢一間入到去環境都唔錯 好多特色小點心一行七人 叫咗唔同既點心小食啲嘢食都好快上枱 全部熱辣辣嘅最好食我覺得係個乳鴿 $30有一隻 其實性價比唔錯皮蛋豆腐亦都係必食嘅組合 每一次呢度我都會選擇食 皮蛋夠香 豆腐亦都好滑佢哋呢度嘅包係出名好得意嘅 我哋叫咗松露包啦豬仔包啦 全部都好得意好好食最震撼係個火焰菠蘿 基本上每一台都會叫 但係如果唔係好食得辣嘅就要小心啦 因為入邊嘅牛肉同菠蘿好辣 我要狂飲水先得總括而言 我覺得都係一間值得再去嘅地方嚟嘅~

今日屋企人放假咁我哋就成家人出去食飯搵嘢食諗起好耐冇食過嘅唐宮小聚其實之前食都係喺中環嗰邊食尖沙咀呢間都係第一次咁嚟到呢度有一樣野係必食嘅就係佢隻乳鴿每人只可以叫一隻特價$29如果再要呢好似要$49咁點解咁吸引呢呢隻乳鴿係即烤出嚟嘅上枱嘅時候你仲feel到佢係熱辣辣果皮呢係好趣啦啲肉又唔會太老喺出邊你可能都食到乳鴿但係咁新鮮嘅乳鴿就唔係到到都有仲有咁平都唔係度度都有第二樣我好鍾意食嘅呢就係虎咬豬雖然夠肥豬肉好似好肥但係配合埋佢個包同埋嗰個配料食落口個感覺唔會覺得好油不過尖沙咀店好似係貴啲嘅我記得平時叫都係一盒三件但係你到尖沙咀食呢就得返一件仲要平時喺中環食係會有套餐即係一個A一個B在一個特價嘅價錢但係嚟到尖沙咀就會冇咗呢樣野所以睇嚟下次都係返番中環食好啲