影片
下午两点钟，正值最多人食午餐嘅时间，唐厨间餐厅够大，啲位有少少迫，不过以一间「茶餐厅」嚟讲都okay啦。地面唔算干净，不过实唔会滑倒嘅。一去到，佢话等等，执一执枱，我坐低，佢就「呯」一声放低杯水。其实呢间嘢唔算平，只系咁啱经过，返屋企又顺路，咁咪嚟医吓肚啰。坐低睇一睇餐牌，其实无乜啱食，所以随便叫咗个沙嗲肥牛炒乌冬 加 冻柠茶。碟乌冬卖相真系一般，好普通 (What do you expect anyway) 肥牛好少，得几片，唔系好够。沙嗲唔够味，甚至系无味，但系食到颇重嘅豉油味，睇嚟应该落咗好多 ><个柠茶同样系麻麻，个茶颇淡，柠檬得两片，严重不足。对于一个要成$42嘅午餐，呢个一定系唔合格，唔够食，无沙嗲味，连柠茶都淡茂茂，认真唔掂，唔推荐！！！（怒）或者下次都系行过食佢哋鱼蛋烧卖算。（都好贵）
继续阅读
卤水鸡髀，只髀已经浸到干晒喇，肉汁已经完完全全流失，硬屈屈。食落味道都过得去，但食完过左阵已经渴到救命啰！如果唔系赶住返总部镖赛，又实在太肚饿，路过唐厨见到有小食卖，都唔会整只鸡髀顶住肚先啦 ﹗姐姐好细心帮只鸡髀返热，仲温柔地话麻烦我要等几分钟。本来谂住赶时间求其买啲野食就行架喇，见姐姐热情有礼，无所谓啦。
继续阅读
今日同老公系太和广场「唐厨」食午餐，我叫一份梅菜蒸鲩鱼饭，居然俾个鱼头搭一旧匙羮咁细嘅鱼腩俾我 ，点𩠌饭呀？连餐茶收我$40！？有冇搞错？成碟「梅菜蒸鲩鱼」唔够一半系鱼肉，鱼鳃又未清除！我自己都做饮食业，呢D根本无可能出俾个客。厨房蒸呢碟鱼之前已经知道佢系得个头，唔适合𩠌饭(所以先至搭一旧超细嘅鱼腩)，第一关厨房已经无做好。蒸熟之后又照出货俾楼面，第二关厨房又只眼开只眼闭。碟鱼出到楼面，侍应又唔醒目，照上枱俾客，其实一见到唔对路就应该退返俾厨房，换另一碟俾个客，第三关楼面又无把关。我明白餐厅想减低损耗同成本，咁你可以将个鱼头留返晚市出个咸菜大豆芽鱼头煲之类嘅小菜，唔好用嚟出午市饭餐吖！我都费事叫佢换，始终换菜有时会有风险(大家明啦...)谷鬼气，我同老公讲咗以后唔再嚟！
继续阅读
之前成日过黎食，只因学校系附近，由啱开档已经食！因为平，之前学生一碗面包野饮$21，清迈鸡饭更是$25包野饭，真系正过大x乐！之前食d面呀饭呀都几好食！今次去完赵x河睇e生排队有d饿，所以再战鸡饭！已经要$35定$38，学生都好似要$30，唉，太和食野愈来愈贵！我好中意呢度食鸡饭，5系因为d鸡劲有鸡味，其实呢间鸡味一般，够滑，之后2个汁好正～其实个d餐具地下，同枱都开始旧而且好油！希望清洁会搅好d～
继续阅读
唐厨以前都算系其中一间饭堂近来少食了不是因为食品差了而是耐不耐都遇上服务水平不足的情况今次集中讲食物蚝仔汤饭冻奶茶蚝仔非常足够有鲜味芹菜我麻麻 但汤饭芹菜味不重 照食汤应该好少味精 不俗奶茶茶味足够但奶有少少过多都算不俗今日冇遇上不愉快服务食得开心晚餐黎讲 算系咁上下平了
继续阅读