影片
港铁太子站 B2 出口, 步行约2分钟
继续阅读
开饭介绍
唐三楼是众多CAFE中特设贴心包场服务，而且欢迎举办艺术展览。
继续阅读
特色
包场派对
附加资料
唐三楼Second Floor Cafe 一个休闲、舒适给都市人于石屎森林中的一个休憩既地方，于2004年开业，2016重新开放散客。唐三楼/cafe/包场专门店/租场地连餐饮或/净租场地皆可。
营业时间
*敬请预约留位
星期一至日
13:30 - 00:00
以上资料只供参考，请与餐厅确认详情
食家推介
招牌菜
特登reg个account写第一篇食评赞一赞~之前搞party都会book party room希望同D frd 可以有多D私人空间可以relax d大声讲大声笑都唔洗怕嘈亲人, 但出面平平地三个钟party room 都要$9x, 重要安排食物，唔系到会就外卖D例牌野，左度右度搞一大轮，埋单坐底都要$200但净系食外卖野。所以我既终极目标系揾一间可以包场/房既餐厅/cafe, 坐得耐又唔洗烦野食又有人serve又唔洗走果时清洁 揾揾揾终于俾我揾到呢间得10个人都包到场既cafe!!! 佢地除左二楼主要场地之外重有个4楼v.i.p 房可以book。周日包场价$178 /位(未计加一)，可以包场玩4个钟+party set 既食物饮品，价钱公道！佢地仲做紧优惠like同check in 佢地facebook 会送任饮~而最令我感激既系，佢地本来minimum 要有10个人先book 到场，后来因为有几位朋友病左出席唔到，多次改人数已经麻烦左佢地，我谂住应该都要俾番10个人ge minimal charge 架啦，点知佢地老板都体谅，肯通融计我地人头，只系无左fb打卡任饮优惠，实在太好啦!!!!去到坐低地方都唔错有屋企feel好warm, D职员好友善会问你想几时上菜又介绍game玩。食物方面D意粉味道唔错，酱汁都系D大路野但意粉煮得烟韧，朋友就几钟意D蜜糖鸡翼甜甜蜜蜜(sorry 无相因为太肚饿忘记相机食先)。我地加左10蚊叫任饮，但其实食完野都饱饱地，都无饮好多，玩左一轮board game之后临尾食埋个甜品就好饱。本身叫左个花茶想清清肠胃，但好似都偏甜无左清一清个口既作用XD总括觉得呢度都值得推介~~ 坦白讲之前经过都人唔知有呢间楼上cafe,希望有心经营ge舖头有多D人去试la
继续阅读
朋友book 左呢间cafe ，7个人。好像系party 餐呢，我地加左十蚊升级做饮品任饮，连加一，207元一个人。我地包左个场，环境都几好。不过。。。虽然系7个都女仔，但唔系好饱，份量真心有点少。小食系食左几旧先影相既食物好食，但真系少左啲服务生服务很好，有礼貌热心仲教我地玩card game
继续阅读
约了朋友仔聚会，三个女仔想倾下计食下饭，楼上cafe系最好嘅选择😆这家唐三楼虽然喺唐楼里，但楼梯间光线都充足，唔会比人好屈质的感觉。入内装修布置好有屋企嘅感觉，好舒服。可能因为平日夜晚，一开始担心无位所以都有book定枱，但整晚连埋我枱都只有三枱客人，可能因为星期一晚😮虽然我地book 7:30，但因为早到了，7点先同其中一位朋友上去，女店员好好，比我地入内坐低睇住menu先，亦都无催我哋落单，主动提出我哋可以等埋朋友仔先决定。（可能咁岩人唔系好多先可以😝）环境方面都几安静，只有轻轻声的背景音乐，不太滋扰，枱与枱之间有距离，客人们都互相尊重，唔会大大声倾计。食物方面：餐汤：薯仔汤似系真系用薯仔打嘅，好稠身，有点烟肉吊味，好饮饮品：热苹果玫瑰花果茶一行三人都叫热饮，虽然无冻饮咁大杯，同埋都偏甜咗少少，但整体都唔错P.s. 我地要求想要水时，女店员好细心问我地要冻定暖水，然后带咗一樽比我地自己装，加分☺️黑松露忌廉杂菌意粉黑松露味好香，creamy，意粉软硬适中，唔系好林好唔开胃嘅口感，觉得三个主菜呢个最好食❤️蒜香焗鸡扒配薯菜虽然店员话要等半个钟，但感觉都跟住两碟意粉咁上下时间就上菜了，鸡扒厚身够Juicy，个汁唔会太咸岩岩好，薯菜份量都好多🤤黑椒鸭胸意粉朋友唔系太肚饿，但最低消费每人一个dinner set，所以叫了个最平嘅，味道无另外两个咁突出，但意粉都系煮得好好味最后坐到十点半先走，系最后一枱走嘅客人😂整体来说，平日夜晚想揾地方食野倾计，闹市中系唔错嘅选择，会Encore🙆🏻
继续阅读
之前来过两次唐三楼，两次给我的感觉都很不错。朋友都好喜欢，无论是环境定系服务都系十分唔错。👍🏻 今日放工后同男朋友去食餐饭，谂左好耐都谂唔到要食乜，我就提议去唐三楼回味当初的味道。个门面都好靓，摆设好有心机！😀 一入到去好彩唔洗等位，我们是第三枱的客人。 一睇个餐牌唔同左，一问之下原来转左手，只是名同个环境是一样的，都来到就试一试啦。 一个set大约八十到一百的价钱，包沙律及$38以下饮品一杯，价格合理。我地选择了一个黑松露意粉及一个焗鸡排(店员当时告知要等待约半小时)。当想叫饮品时，女店员告知未有饮品餐牌，等了接近十多分钟才拿过来。😅 其他客人开始到来，全场坐满约六枱。其他客人点餐后陆续上菜。我们等了一小时，还没有食物，因此忍不住问店员我们为什么还没有食品。店员进去厨房询问后才告知我们她没有下单😦😦😦😦😦😦一时又说下错单，所有食物去了隔离枱。😓问题来了:第一，整间店一眼就能看完，人客又不多，为什么可以有一枱客人等了整个小时也不知道？第二，我们问了两次后，店员才进去查单。进去询问后没有主动向客人解释，要客人再问下才说没有下单。第三，女店员其后称鸡排系要等耐少少，我明白，但意粉可以先上都得挂。 店员的训练不充足，完全没有注意客人的需要！事后也没有道歉😤😤，另一女店员见状才说送上小食俾我地「食住先」。 由7点20分等到8点40分，第一碟意粉终于来了。黑松露意粉味道不错👍很香的黑松露味，意粉的硬度适中，很creamy很好食。焗鸡扒汁太多太水，而且味道很重，完全食不到其他味道。另外，薯条浸在水汪汪的汁内，变得很稔，加上茄汁是直接放左碟内，整体变得很奇怪。👎🏻👎🏻👎🏻👎🏻 最后，在九点多终于食完晚餐可以离开餐厅了。当晚，食了将近两个小时的晚餐，占了个半小时都是在等待。我明白，有其他客人的点菜，厨房也要时间准备食物，但店家无论在食物的质素或者店员的培训上，也有极大的进步空间。 如果阁下有空闲的时间，想用上两个小时享受一餐不怎么样的食物，你可以来。如对态度和食物有一些要求的，相信附近有其他更好的餐厅。放工后想食一些美食来犒赏自己，还是与朋友约会，都希望能有一个好地方聚会，无谓使自己饿得饥肠辘辘。 转手后环境依旧美丽，但质素却下降。真是桃花依旧，人面全非。👎🏻👎🏻👎🏻👎🏻👎🏻
继续阅读
前几日早收工，咁啱朋友又系附近，约埋去cafe坐下吹下水咁！近太子始创旁旧唐楼有间有花心思嘅楼上Cafe! 未入到去已经见到d decorations ，几靓唔系hea搞。入到去有一下发现新大陆嘅感觉，坐位坐满应该有三十几人左右，攞设灯光效果配合有休闲家居风！钟意最入面位置排放一排揽枕同小饰物。小食叫左份薯格，几脆，不过特别在有五款sauces，有茄汁，沙律酱，蛋黄酱，忌廉芝士汁，芥末酱，好评！我就点左西班牙咖啡，朋友点左chocolate drink。感觉好休闲好hea，啱晒想relax一个下午嘅朋友去朝圣一下！哈哈
继续阅读