品香樓中西風味餐廳

营业中

休息中

永遠都大排長龍嘅食肆，不過似乎唔太適合兩個人去食「雖然同枱都有幾pair 人」兩個人食唔到幾多，叫到嘅餸實在好有限，三個又太多兩個又唔夠。有啲佢想食我又唔想食（炸豬手），有啲我食得佢又唔食得（西蘭花🥦/豆腐⋯⋯）選擇就更加缺乏終於我哋揀咗火焰牛柳粒同埋糖醋桂花魚。其實分量都幾多，不過夾來夾去都係呢兩樣餸囉！如果可以同隔籬枱share一齊食就好啦 （佢哋有叫到豬手，我朋友不知幾羨慕 ）火焰牛柳粒上枱先幫我哋點火，見到人哋叫啫啫通菜都係上枱先將碟菜放落個砂煲度，好有視覺同聽覺嘅享受。牛柳粒煮得好琳，有蜜糖嘅甜，亦都有黑椒既辣，好惹味，淨係食餸就會比較鹹，係食到最尾碟底嗰啲油有啲恐怖😱糖醋桂花魚，因為印象中平時都係一圍枱人一齊食一條魚，仲要係食上海菜嘅時候點嘅一樣餸，有埋松子，而家兩條友食一條魚好似有啲誇張，酸酸甜甜好送飯，不過都係意思意思食少少飯。

石硤尾_品香樓9:30後 宵夜價！係9:30 都勁多人的餐廳，星期五晚圓枱吾洗等位，我地等卡位，第二張就到我地。叫餐後好快就上菜。小食，free，上次係魚皮花生，吾知係咪每日不一樣呢。明太子抄飯，炒到粒粒分明，入面都係d 平價蟹柳條，但有穫氣，宵夜份量都同晚餐份量一樣。勁有穫氣黑椒牛柳抄烏冬，有煙咁出餐，份量不少。蜜椒牛柳粒，望落下細細碟以為好少，但都有15 16粒，好林好好味。係會再encall 的餐廳，抵食平民聚會好去處。

屹立不倒多年，必然有佢過人之處。對上一次食嘅時候，已經係三四年前第一次同一大班朋友來，記憶中都覺得味道唔錯嘅～今次同屋企人突然間想食一啲小炒中菜，有一啲老字號已經慢慢變咗唔好食，甘岩突然腦海中諗返起依一間，所以決定專程揸車過嚟食，喺南山邨有時租停車場$19/小時（不過就冇free parking）椒鹽九肚魚 魚香茄子煲（有驚喜，食得到真正嘅魚香既味道）菠蘿咕嚕肉火焰蜜椒牛柳粒明太子炒飯凍朱古力雖然order嘅都係一啲招牌菜，但係味道真係唔錯，價錢雖然唔算好平，但係對得起呢個價錢～P.S 此店收現金（要知道喺現今淨係收現金嘅舖頭，即係代表唔憂做😂）的確當日平日星期二到7:30時已經係九成滿座了，就知道佢咩料啦😌唯一要彈嘅就係我當日張枱沒有清潔好 枱面有好大疊污跡，叫咗侍應嚟，佢求其抹一抹左一邊就走左😐

今次去品香樓叫左每次都必食嘅蒜蓉開邊蝦蝦蒸糯米飯、南乳雞翼同薑蔥蠔煲😋😋😋，真係好有風味，而且份量都算足夠🙌🏻🙌🏻！蒜蓉開邊蝦蒸糯米飯嘅糯米飯好油潤，亦好有蒜蓉咪，啲蝦嘅份量都好足夠👍🏻👍🏻！兩個人食仲可以打包。另外，南乳雞翼係炸到脆卜卜雞翼都係滑身嘅，唔好炸到乾晒所以都好啱feel 㗎！最後講過薑蔥蠔煲，隻隻蠔都煮到啱啱好，唔會太乾身變咗蠔豉！咬落去仲有啲汁咇出嚟tim,我最怕啲豪煲會落生粉，咁呢間又冇喎食落去都特別Fresh㗎!唯一美中不足，就係啲嘢飲冇以前咁好飲囉，我叫咗杯阿華田紅豆冰，就比較淡同埋多水啦，以前我記得佢沖嘅朱古力係冇得輸㗎，好溶同埋好重朱古力味，希望佢哋會改進下啦，其他嘢都抵推啊

外出石硤尾工作，不知附近有咩好食，同事帶了我去他們常去的茶餐廳，他們說價錢實惠，而且好食😋餐牌上有較少見到的菜式，我叫了個蜜桃沙拉骨菜飯，貌相一流，味道不錯，值得推介👍🏻而且服務員有禮，也很快手，good👍🏻

嚟到南山邨搵食，當然要試下人氣中菜館品香樓啦～叫咗3個小菜同2杯飲品。🥢火焰蜜椒牛柳粒 $118坐低點菜發現隔離枱叫嘅牛柳粒超吸睛，於是我哋都叫埋一份。上枱後職員會用火槍點火燒煲底嘅鹽，火焰🔥令牛柳粒更焦香，仲非常好打卡😂 牛柳粒幾嫩唔韌，仲有彩椒薯仔，全部沾滿蜜糖好好食！呢個小菜真係必叫！好睇又好食😋 不過要注意一下鹽粒有機會周圍彈，要小心啲～～🥢蜜桃沙拉骨 $98味道都唔錯，部分沙拉骨有啲乾，但配埋沙律醬同蜜桃食，令到肉無咁乾，更易入口更滋味。🥢金銀蛋蒜子浸白菜仔 $92味道正常啦，主要想營養均衡啲，叫個菜食下😂🍫凍朱古力呢度嘅凍朱超出名，因為有好大堆忌廉喺面，打卡必叫！當然味道都好ok的，怕肥就打完卡唔食忌廉🤣屋邨餐廳嚟講，呢度嘢食唔算話好平，但食物質素幾好，有啲菜式又有特色，幾啱朋友聚餐傾偈，一家大細嚟食都會好啱食！

雖然耐冇去，但環境依舊，入到去有好熱鬧既聲音，感覺好親切，睇完餐牌，就叫左以下既餸：- 火焰密椒牛柳粒- 螞蟻上樹- 清炒西蘭花- 粟米火腿羹火焰密椒牛柳粒係品香樓既招牌菜，姐姐1擺抵菜，就會表演點火，即刻成個餸高級左🥰食落去好甜，牛柳粒好嫩😋👍其實我1路都唔知螞蟻上樹係咩餸黎🤣今日終於見識到，粉絲加上肉碎，粉絲夠晒林，呢個用黎送飯1流🤤清炒西蘭花🥦之前講過因為冇乜點食菜，所以要食返啲菜，西蘭花係屋企好少會整🤣但呢到既樹樹有啲硬，但不過不失啦😎最後既粟米火腿羹，因為想飲下湯，所以叫左黎飲，非常大兜，4個人飲到翻曬肚都未飲完，味道唔錯，唔係金寶湯既味道👍不得不提既係呢度既另1個招牌 - 忌廉朱古力，細細個黎就知要飲佢，濃濃既朱古力加上大量既忌廉，真係肥死都值得🤤總結：呢到唔止食出好味，更係食出兒時回憶，雖然我唔係City U出身，但亦有讀書回憶，熱鬧既場面，大排檔既鑊氣，已經唔係度度有🥲朋友仔有時間可以去感受下🥰

之前讀書嘅時候有時都會過嚟呢邊lunch又平又好味😆今日就去回味下啲味道睇下係唔係都係一樣先🥰- 菠蘿咕嚕肉菜飯咕嚕肉個汁酸酸甜甜撈埋個飯食好開胃🥰- 薑茸豬扒撈公仔麵公仔麵硬度適中豬扒就不過不失😆仲有兩條菜🤣不過吸左薑蓉啲油 所以有少少油另外 叫咗一杯凍朱古力加cream嘩 好邪惡呀！唔鍾意cream嘅話 可以選擇唔加都得嘅😆耐唔耐邪惡下 就唔緊要啦😝一邊飲 一邊覺得好正呀😂😂超級多cream😍😍

同朋友專登揸車來開餐，記得好多年前經常一家人周末都係食呢間，而家大個咗就帶人嚟好多餸菜都有著回憶；最緊要手撕雞要預早同店訂，否則試過嚟到話沽清，無咗手撕雞就好似失去主菜一樣，其次必食有南乳豬手，唔知點解出面食唔翻呢個味道，太香口，朋友舉曬手指公大讚，仲有一定要飲凍朱古力，呢杯真係好邪惡好致肥但又必須要飲；好耐無嚟仍然坐滿人，周末一定要打嚟訂位，呢間店位置有啲迫，服務係無嘅，但價錢平喎，食物保持水準，不得不來

💭品香樓，唔知你讀U 個陣有無黎食過飯reu 呢😎食既唔係話有幾好味，而係同朋友相聚既回憶！依家慢慢大左，由以前十幾人既reu 到依家可能小貓三四隻既reu☺️黎品香樓食飯既味道都係一樣架😝🌸啫啫通菜煲🌟🌟🌟🌟jarrrrr jarrrrr 聲既通菜煲，好油，但好食！好有鍋氣的感覺！熱辣辣既通菜煲真係好正！🌸沙拉骨🌟🌟🌟沙拉骨就係要有好多沙律醬+ 罐頭蜜桃先好食！ 味道絕對係記憶中的沙拉骨的味道🤗但唔知點解上菜既時候碟沙拉骨已經凍凍地😰所以無熱辣辣入口時個種滿足🌸生炒糯米飯🌟🌟🌟生炒糯米飯雖然好un 胃，但每次有得叫我都會叫黎食😎涼涼地食糯米飯真係會特別暖😎🌸凍朱🌟🌟🌟🌟🌟黎得品香樓，相信每檯客都會有人點凍朱😎邪惡既cream 加上甜甜既朱古力，好肥！ 不過呢杯野絕對係讀大學時既回憶！

聽聞品香樓之名很久, 終於的起心肝去......去排隊試試佢叫左好多大排檔式小菜, 全部都不錯,有水準,唯獨一味 - 火焰蜜椒牛柳粒, 令我喜出望外呀~有外表 (熊熊烈火上菜), 有內涵 (肉質鮮, 牛味濃, 伴汁惹味)飯桶如我, 送飯一流.推介!!**又唔係佺缺點的, 就係份量太少, 我地一行6人又唔夠食,但叫多碟又吃不下, 其實其他小菜份量正常,唯獨火焰蜜椒牛柳粒真係一人一粒就無了, 唔夠喉

i hv to repeat this 100 times. must try salad bone vege rice salad bone vege rice salad bone vege rice salad bone vege rice salad bone vege rice salad bone vege rice salad bone vege rice salad bone vege rice salad bone vege rice salad bone vege rice salad bone vege rice salad bone vege rice salad bone vege rice.ok enuf. must try. i wont give you reason. u tell me.#food #hkfood #hongkongfood #hongkong #hongkongdessert #hongkongcrusine #omicron #foodig #hkfoodpoet #閃電五連鞭

偶爾想放縱一下自己，就會想拉隊去品香樓食下啲煎炸甜嘢。今次我哋叫咗七味椒鹽豆腐（ $78 ）、蜜桃沙拉骨（ $92 ）、避風塘生蠔（ $108 ）。每碟餸都係熱辣辣上枱，色香味全。椒鹽豆腐外面炸得香脆，豆腐好軟熟而且有豆香。沙拉骨就非常惹味，食到舔舔脷。避風塘生蠔其實即係椒鹽炸蠔，口感同椒鹽豆腐有啲似，但肥美嘅蠔味道濃郁，令佢有自己特別嘅味道，即使一餐有兩道椒鹽菜式，都唔覺得悶。當然唔可以忘記凍朱加忌廉，朱古力又濃又滑，加上邪惡嘅忌廉，完美演繹這放肆又滿足的一餐。

最近成日係FB見到啲朋友去食呢間中菜，又話當飯堂咁食，又話好正！食個飯又玩鹽又玩火，好似好過癮咁🤣，所以山長水遠都要去試吓😝。去到門口，果然好多人等緊，全場爆滿，檯與檯之間非常接近，太多人關係，都幾嘈吵。檯附近有個鐘仔，撳佢鐘仔就有侍應嚟，叫咗個玩火系列😂火焰蜜椒牛柳粒、菠蘿咕嚕肉、粟米魚塊、泰式肥牛脆豆腐、黃金花枝。火焰蜜椒牛柳粒，最特別嘅係錫紙下面啲鹽會着火，係打咭之選，冇期望就冇失望😂，牛柳粒有好多黑椒，所以都有啲辣。菠蘿咕嚕肉嚟到唔係好脆，有啲硬，涼瓜肉片就正常，粟米魚塊又幾好食，仲脆添，送飯之選，啱晒大人同細路。要講吓泰式肥牛脆豆腐，就係好想食脆豆腐先叫，以為佢係炸豆腐，你真係估佢唔到，佢其實係一粒不折不扣嘅玉子豆腐🫥，個汁唔識形容，基本上我哋冇乜人幫襯，佢被打入冷宮🤫。而黃金花枝就唔係我想食嘅嘢，本來我想食嘅係椒鹽鮮魷，但係朋友話想食黃金花枝，所以叫咗，但原來黃金花枝係淋架。🫢火焰蜜椒牛柳粒價錢:$118CP值：⭐️⭐️菠蘿咕嚕肉價錢:$98CP值：⭐️粟米魚塊價錢:$98CP值：⭐️⭐️⭐️⭐️泰式肥牛脆豆腐價錢:$100CP值：⭐️黃金花枝價錢:$108CP值：⭐️涼瓜炒肉片價錢:$85

買外賣下午茶餐，足足等了25分鐘，追問收銀情況，她態度極差，只答下午茶係要等半個鐘啦～眼見在堂食其他食客落單10分內都已經到餐，但為何外賣要等半個鐘，而回答態度簡直不可一世，可能她認為是名店不在乎呀～外賣蠔仔粥回到家變蠔仔飯，一點粥水亦沒有，味道十分咸，極差，食物不掂，服務沒有，名過於實的食店。