品記鮮粉人家私房菜館

营业中

休息中

已經食咗幾次重慶雞煲，又試過蘿蔔牛腩煲，豬筒骨蜆煲同埋花膠養生雞鍋，全部都係外賣送遞，原煲(好似盆菜嘅盤）送到，明火或者放喺電磁爐加熱10至15分鐘就食得，個盤又可以之後用，又唔使用好多個膠兜咁環保。食物味道好好，份量夠大，非常足料。雞煲仲會送麻辣醬，食完啲雞加水或者上湯就可以打邊爐，可以隨便加火鍋配料，都好多選擇。另外，佢啲小菜同埋小食都好好食，都係幾十蚊蚊有個小菜。有時仲會有飲品有特價，十幾蚊就有支大支裝啤酒，咁嘅價錢真係超抵食。

呢間餐廳嘅性價比都幾高，而且都好多人推介，可以直接打邊爐或者選擇佢嘅雞煲！我哋今日就揀咗佢嘅雞煲，都非常惹味，而且唔會太難，所以都非常適合！整體質素都唔錯！火鍋配料嘅牛肉非常好食，雖然價錢唔係特別平，但係我覺得牛頸脊嘅質素非常好，見到有雪花嘅肉，絕對唔係出邊街邊嘅質素。再加埋本身餐廳嘅湯底味道非常夾！豬大腸亦都使得非常乾淨，冇乜特別嘅異味雲吞就大大隻，而且入邊有最少兩隻鮮蝦！都令到我非常有驚喜！鍾意打邊爐嘅朋友絕對唔可以錯過呢一間餐廳！

今日行完九龍城寨展， 三條友仔又諗食咩， 最後又係搭車去咗品記，哈哈哈哈今晚又係叫咗絕味雞腳( 上次有啲失望，今次補償返) ，豉汁炒釘螺( 好好味，但粒肉好難整出嚟😅) ，特大蒜蓉燒生蠔（好驚喜好多蒜, 大家有機會一定要試下) ，藕尖炒魚卜( 小小辣， 好惹味，魚卜新鮮) ，涼拌海蜇頭（每次都必食， 一定要有個wasabi豉油 )，酸豆角肉碎炒寛薯粉(冇味既，有啲失望， 得個辣字), 甜品- 紅糖糍粑(個糖漿一定要加多啲）炸鮮奶(一般)溫馨提示。。。 嚟呢度食飯，過咗6點半，記得記得記得要訂枱呀

閨蜜三人組又出動食飯， 揀嚟揀去到最後都係揀返品記今次叫咗檸檬豬手( 每次都必食) 絕味雞腳( 今次有啲干身, 冇咩牙力都唔好叫😅 酸菜魚(酸酸辣辣香港人口味)特大即開生蠔(好新鮮, 好大只啊) 麻辣豬耳(麻麻地)涼拌海蜇頭(好爽口)紅糖糍粑(必食推介) 仲有每次我哋都會嗌特大檸檬茶， 都必定會飲曬真係唔知點解， 我哋好鍾意係呢間嘢度食， 坐得又唔係特別舒服，又有時限，都係要嚟😆 好彩今晚，人冇咁多可以食夜啲， 冇畀人趕走

#必試羊腩煲羊腩煲真係我心目中top 3嘅羊腩煲！羊肉肥美，煮得好入味，啖啖都係肉，完全唔腥，份量又好多，食完真係好滿足！#白灼內臟試咗白灼鵝腸同黑白葉，全部都好爽口，彈牙，特別適合配埋啲醬油，唔會太濃又唔會太淡！#炸物炸芋頭同炸蝦卷都好優秀，全部都係外脆內嫩！#總結品記鮮粉人家私房菜館好推薦一大班人嚟食，因為佢所有嘢嘅份量都好多，我每次去都係得兩個人，所以淨係嗌到好少種類嘅嘢食🥹

今日在品記打邊爐，有些失望。環境企理嘅，可惜隔離檯班人太嘈，講真，出嚟食飯，當然想高高興興，但你有你開心，係咪真係唔顧其他人感受呢？？我同坐旁邊嘅fd傾偈，每句都要重覆，根本傾唔到偈，搞到好無癮，最後唯有大家快快趣食完去另一個地方坐講到食物，炸大腸依然係好味嘅，無罨味，夠脆口。火鍋材料，叫了手切肥牛，聽人講到好正，我嘅感覺係名過於實，豬肉片都幾好，脆鯛魚，唔錯，好爽口，豬潤，響鈴，丸類，皇帝菜都正常，芋頭好正，夠粉

肥仔喺葵涌呢間重慶雞煲餐廳食飯，真係一次滿足嘅體驗！🐓招牌重慶雞煲（一隻，$248）雞肉嫩滑多汁，湯底麻辣濃郁，辣椒同花椒嘅香氣撲鼻，食落好惹味，辣得夠爽，每啖都充滿層次感。食完雞肉仲可以加湯打邊爐，湯底越煮越入味，暖胃又過癮，呢個價錢真係抵食！🥬涼拌黃金皮旦（$38）都好驚喜，皮蛋金黃色，切開流心，配自家製酸薑，酸甜開胃，食落完全唔膩，係一道好清新嘅小菜。🥬涼拌鮮魚皮（$88）更加係夏日之選，魚皮冰涼爽脆，調味酸辣適中，仲有芝麻同香菜提味，天氣熱熱地食呢個真係好開胃，份量都夠足。餐廳環境闊落，坐得舒服，氣氛熱鬧，人氣超旺，晚晚都好多人。牆上大電視播緊英超比賽，邊食邊睇波，特別有氣氛，啱晒一班朋友聚會。仲有一點好正，佢哋開到凌晨三點，夜貓子都唔使擔心宵夜時間，隨時可以過來chill。整體黎講，食物質素高，味道正宗，服務都唔錯，係一個值得再黎嘅地方！

臨近母親節，同媽媽試吓新餐廳，就嚟咗土瓜灣打邊爐，屋企人打邊爐除咗要牛肉，最緊要就係食雞，見到有文昌雞，仲要起晒骨，梗係要食啦！胡椒豬肚雞煲 ＄258個湯底又食，又飲，大大煲，又可以飲湯又可以打邊爐，豬肚新鮮彈牙，仲有啲好腍嘅雞腳可以食！鮮魷魚＄88灼十秒就食得，口感彈牙新鮮野生竹笙＄68竹笙大大條，淡淡嘅菇菌香味，用嚟索湯啱晒半隻文昌雞128文昌雞起晒骨，雞皮彈牙雞肉嫩滑，即開乳山生蠔$158估唔到咁大隻生蠔，有手板掌咁大隻嘅生蠔，蠔肉新鮮，食完一隻想再encore！

係啟德睇完演唱會同朋友去打邊爐，品記開到凌晨三點，睇完10點半過到黎呢邊仲可以慢慢食胡椒豬肚雞煲 $258原隻滑雞加豬肚，分量十足大大煲，慢慢煲滾，雞肉係好嫩滑，豬肚好乾淨，入口又淋又軟，湯底都可以飲，胡椒湯底味道適中，少少胡椒香好惹味，之後仲可以打邊爐招牌手切肥牛298淨係牛肉類都有11款，肥牛新鮮，每塊都肥瘦相間，輕輕𤆥7-8秒，入口有牛肉味同有口感，而且仲好大碟脆鯇魚腩$98打邊爐必點魚腩位，每件都去晒骨，全部都係腩位，入口彈牙爽脆，魚油好重，加少少醬油就夠，啖啖肉除左打邊爐仲可以食小菜，新式大排檔格局，大部分都是圓檯，好岩一大班人去，感覺夠涼爽同地方闊落，下午4:00開門已經可以打邊爐如果早食飯，7點半前離座仲有全單八八折

我哋點咗一個重慶雞煲$248，雞件辣味十足，離遠已經聞到香辣誘人，食完仲可免費加湯打邊爐，配上戰鬥碗啤酒，好型啊！手切牛肉價錢$298，份量大且唔肥，保留濃郁牛肉味，肉質鮮嫩多汁，令人滿足。雙拼蚌選擇桂花蚌和珊瑚蚌，$158，鮮甜彈牙，海味十足，非常新鮮。最後，點了原漿啤酒1L，買一送一，$138，口感似1664，令人驚喜，喺香港都可以享受到原漿啤酒，真係好意外有得食正宗重慶雞煲，又有海鮮啤酒，一大享受。

很久沒有吃雞煲了，今天在品記享受文昌雞煲，可以額外加多半隻文昌雞肉吃，更可以在晚上七時半前離座得到八八折優惠，在現時的火鍋餐店中真是很高性價比。五指毛桃文昌雞煲＄228雞煲的醬汁很濃郁卻又不會太鹹，使雞肉非常入味。半隻文昌雞＄128加多了半隻文昌雞，想不到會貼心到為雞肉起骨，服務周到，我們不用自行去骨。雞肉更有淡淡椰子香味，肉質非常嫩滑，不會嚡口，很滿足。生蠔$158半打生蠔即開很新鮮，它的大小更和一個手掌差不多大，煮熟後更沒有縮水很足料。味道鮮甜突出。手打蝦滑$88餐廳標明蝦滑為自家製，它的口感彈牙，更能看見粒粒蝦肉。玻璃樽可樂 $24很少見還有舊款的玻璃樽可樂，非常吸引便點了一枝。

喺紅磡做嘢，夜咗想搵地方宵夜好難，呢度開得夠夜可以坐到凌晨三四點，勝在咩都有得食，打邊爐小菜雞煲食物質素尚可，美中不足係附近冇通宵車返到去觀塘，如果揸車嚟嘅話就飲唔到酒，附近都好多空位泊到車，有錶位又有停車場地方都叫闊落光猛，好多大枱，就算一大班人嚟宵夜都唔需要話特別太緊張訂定枱，小菜嘅話特別推薦椒鹽九肚魚，碟頭夠有鑊氣熱辣辣同埋重慶雞煲，夠辣夠惹味，不過食煙就麻煩少少，要落樓下食，如果一樓有個露台就更加好

喺社交平台見到廣告，專登嚟試一試佢，兩個人食咗$1000，超級熱鬧，最後飽到要打包走毛桃雞煲228 包咗半隻雞，唔使再額外叫，雞肉起晒骨，口感幾好，如果切厚啲就正，裏面仲有啲新鮮雞腸同埋提燈生蠔拼盤有齊雞子桶蠔同埋提燈，大大份都係158，啲蠔幾新鮮煮完都唔會點縮水，應該係大陸生蠔，唔係美國，不過都好大隻幾抵食其他配料正常，嘢飲都唔貴，檸檬茶一大渣都係$38不過附近停車場就要泊去爛地，諗住偷吓雞都唔得，香港政府等錢使一停就抄牌幺叫人留港消費啦

外賣盆菜，一樣出色，包免費送貨添，不過就唔可以送上門要樓下交收，盆菜唔係冰凍，送到過嚟仲有少少熱，加湯落去煮返35至40分鐘就食得，屋企個個都讚8人份屋企一致認為十個都夠食，有鮑魚大蝦燒鴨雞豬手腩肉，蝦肉好新鮮，腩肉嗰個汁唔係食開胃酸盆菜嗰種南乳汁，有少少似紅燒炆豬肉嗰種汁，食落都唔會口渴，跟埋個盤可以直接電磁爐加熱夠方便，唔一定要用Gas爐美中不足嘅就係冇得即日落單，要提前落單，如果住九龍區嘅話過去拎仲有額外九折

同一大班朋友嚟食雞煲之後打濃味邊爐 加得比較少湯我地未用完第一壺湯就俾埋第二壺過多一陣就逼我地加成壺湯落去 明明已經同咗佢講唔好雖然有俾返雞煲醬我地 不過已經搞到成個湯底淡晒味變冇味後嚟我地夠鐘交檯 大家攞返袋抹乾淨個嘴我地嗰檯突然熄咗燈 仲以為咩事點知我地一企起身嗰下 又即刻開返燈可能係我地心多 但係好難唔令我地覺得係熄燈趕我地走對於醬料區我係唔太明白點解咁大個場可以得兩支+一壺豉油 仲要得返半支剩 想講埋個地下好跣 要好小心慢慢行