影片
以上资料只供参考，请与餐厅确认详情
招牌菜
其实初初开业来过，那次用餐觉得不过不失，于是昨晚同好友想吃吓鸡煲，又近近地来这里，唉真的唔写这食评，个心都唔舒服啰！又系差到无朋友的餐厅。首先，我和朋友去到是8点，我见到得两桌客，加埋够4人 ，都有些震震地，点会咁静架 ？算啦 老友不想换场，照入去吃好了，加埋我地两人得6个客啫，都甩单甩到叫咩都唔来咁，牛肉每碟3片咁大把 仲要划三次先来一次，其他菜划亲都好像是旦拎些出来咁，宁宁碎碎的，叫十样就来4款！咁既水准我真的唔敢想像可以招呼多几桌客人啰最惨系d 食物又唔得 ，牛我们只吃了6片，因划极都唔来兼都唔好食又无味，我们都索性不划，唔吃了。脆脘鱼不脆又多骨到飞起，真系食紧唔讲得野，好危险啰成晚得个菜似番碟𩠌之外，我真系无野可以有兴趣吃第二件，先别说样样来得小又甩单或无来这个point !再计埋就只可以闹爆收场“而中途有一桌人有两个朋友来了，结果4人倾计的声浪大到像立体声的耶，这小小的店，又窄又细，环境真不好坐，最衰就系你无法把注意力分散在食物上，结果，咪会好像我咁，连都不想拿起，个心就一直数算这里的差.....直至埋单！两人$414-又贵又不值，那些一旧水的火锅放题都好过这里。
继续阅读
睇报纸介绍，9：30之后只需$148可以任饮任食，所以就黎试下。可能星期五关系，都等左阵先入到去，间铺头装修得几企理，店员都几nice。一黎就点左个招牌奇味鸡煲小辣，店员即送上青瓜同鸡翼小食，食住小食，简下打边炉d𩠌，等个鸡煲。十分钟左右，鸡煲终于上枱啦！闲落已经好香，而且个味好浓，仲有莲藕，菜max埋，好有特式。食饱饱就加汤打边炉，哩到除左肥牛，仲有好多选择，有好多类型ge丸，响铃，鱼皮，弹牙巑奇乌冬同出前一丁食，真系好满足！
继续阅读
Li间鸡煲我成日同朋友帮衬，贪佢细细间又吾太迫好好坐吹水一流。佢地个奇味鸡煲好好味！吾系出面重味精好咸ge味，系好浓花生，沙嗲酱咁ge..吾识形容，仲之好特别，出面食吾到，好岩我口味，朋友都话会再帮衬。打边炉配料都几多，最钟意佢个油炸鬼，仲有我至爱ge赞岐乌冬正！好少任食地方有。另外，佢地个牛柳粒都好正，好juice，又重牛肉味，每次都会叫！会继续帮衬，支持！！
继续阅读
食物选择都几多等鸡煲既时候可以食小食过瘾下。青瓜超辣，鸡翼味不错不过肉鞋主角到！小辣但我唔食得辣就觉得很麻辣。而且骨比较多，一系就一大旧好鞋既鸡胸肉。虽然鸡煲无食呢个概念几好，不过食物质素亦一般。其他配料无影相，不过最记得响铃系唔脆又散的。甘既价钱食甘既野我令愿俾多少少食一品
继续阅读
唔知几时开始兴鸡煲, 好似都兴左好耐下, 因为成日见人系facebook post相, 但我真系无试过, 亦无特别谂过去食, 但今次朋友叫到, 就正好俾左个理由我去试下所谓既鸡煲到底系咩料子。咁其实鸡煲尼一样野系我本身系应为好似食大排档咁系无服务既, 但原来入到去又唔系WOR, D店员真系有服务嫁WOR, 虽然平心而论就无话真系好好, 但有就已经令我觉得好好。由于两个男人去食, 所以系咁依叫左个奇味鸡煲就算, 除左奇味鸡煲重有麻辣鸡煲既, 但我真系唔系好食得辣。由于好奇既关系, 我系咁问店员应该点食同有咩唔同, 咁佢都好有耐性咁答我, 真系要加分, 虽然可能只系因为我靓仔。个鸡煲一上, 我见佢有好多洋葱丫, 芫茜丫, 我心谂今次真系重口味, 点知一食, 其实又唔觉有咩。但随住愈煲愈入味, 再加上我地系咁落野, D汁开始浓甚至杰杰地, 但浓之余又唔会觉得入唔到口。
继续阅读