影片
以上资料只供参考，请与餐厅确认详情
相关文章
大角咀出名多野食，呢日就打算打卖唔同野食外卖返屋企食，第一站就系呢间韩国炸鸡啦。炸鸡有几种口味选择，比较特别嘅有港式咸蛋黄味，不过今次我地就无试啦，最后拣左柚子柠檬酱双拼三重混合芝士酱（二人份，外卖胶袋+$1，共$159）。当时人比较较多，最后要等大约二十分钟先攞到。等正式食果阵都超过半个钟啦，炸鸡点都无可能好似即食咁脆。芝士酱系分开装嘅，但柚子柠檬酱就一开始淋左落去，但食落仲有少少脆同香口，鸡肉唔太干。柚子柠檬酸酸甜甜几开胃，芝士酱同芝士碎冻左都唔系太差，酱嘅味道本身都几丰富。个底仲有少少泡菜，都几好食。
继续阅读
偷懒咗好耐无写食评啦, 今日又食到好味嘢, 所以写返编食评纪录吓。今次买咯咯鸡炸鸡外卖, 我买嘅系原味, 荒死唔够饱, 再加多个炸鸡芝士饭卷, 好似饥荒咁 🤪 我都服咗自己 😅天气咁热, 谂住买返公司凉住冷气慢慢叹炸鸡, 但不抱太大祈望, 预咗外卖唔会脆。我买嘅系 1/3 份, 一打开外卖纸盒, 有成五件炸鸡, 份量都算多, 虽然行到返公司再消毒埋双手已经过咗 10 分钟, 但店家用钖纸舖喺盒底, 唔会印晒啲油出纸盒令成盒炸鸡出倒汗水而腍晒, 而且仲系热嘅, 入面有鸡中翼同鸡膇, 仲有好厚肉嘅无骨鸡胸, 真系啖啖肉。 咬落去, 首先食到嘅系好脆嘅外皮同一浸薄薄嘅炸粉, 鸡肉好 juicy 亦有鸡味, 亦腌到岩岩好, 唔会太咸, 真系香脆可口, 好好味。另外, 买咗个炸鸡芝士饭卷, 返到上公司, 成条饭卷仲热热地, 即系店家系即叫即做, 每卷饭卷入面嘅芝士仍有少少拉丝效果, 饭卷亦有包蔬菜, 毕竟系饭卷, 所以入面嘅鸡唔算好多, 而味道方面, 相比起炸鸡就比较平实, 但仍有少许芝士味, 配埋入面嘅鸡, 味道同口感都比一般只有蔬菜嘅饭卷丰富, 食完成条饭卷, 再加埋盒炸鸡, 真系超级饱, lunch time 后不久已经饭气攻心, 觉得眼瞓 💤总括, 店家炸鸡同饭卷都系新鲜, 即点即做, 亦有心思用钖纸垫底令炸鸡保持温度同脆度, 而饭卷亦不错, 会再帮衬。
继续阅读
呢度系一间韩风小店,食炸鸡,创新韩式小食为主窝夫pizza 即焗既窝夫加上千岛酱,半溶既芝士个窝夫好脆口带甜味加咸味既PIZZA馅料几特别 口感好丰富牛肉韩国紫菜包饭同5件韩式炸鸡配蜜糖芥末酱牛肉紫菜饭卷 放满蛋,瓜,青瓜,萝卜丝,牛肉,口感脆,牛肉嫩,个饭仲用泡菜炒过微辣饭身加丰富食材,味道好丰富炸鸡小食 无骨鸡肉炸到好脆口 咬开有肉汁之余加上芥末酱汁好惹味平均消费$150评分8/10尖沙咀亚士厘道20A号地舖
继续阅读
系大角咀本物有好多间餐厅想试 咯咯鸡系其中一间 咁终于去买外卖试 本身系打算坐底堂食 但唔多觉有位坐 就买咗外卖 拣咗芥末蜜糖炸鸡。我就好近 所以食既时候d仲系热既 食落个皮仲脆 咬落去d汁好好味 好正。。
继续阅读
第一次食完芥末蜜糖炸鸡好味到念念不忘，买外当日落大雨，买完外卖嗱嗱声上车返屋企开餐喇喂。落雨天加钱七快得去边丫，外卖攞上手到食得已系半个钟后，鸡仍然有温度，皮仍然脆，咬一啖，皮脆汁好味，好食到吖左声，正呀。好快了决左1/2份鸡。自果晚起日日都想再食，今晚趁有朋友帮手食，于是外卖自取三个味道，咸蛋、芥末蜜糖、三重芝士，又系得个字：正。鸡块都好大旧，要剪开黎食，值得写几只字推介下，系呀得一张相乍，卧底见到忘记供奉相机了。
继续阅读