影片
食家推介
相关文章
阴招赶客的餐厅，一行四人星期六去kcc入咗呢间餐厅食饭，到埗时2pm叫咗4个餐，该店一位穿便服男士(应该是经理或老细） 帮我哋落单，2:20pm左右4个餐上齐，未开始食，佢就即刻叫我哋埋单$266， 当时唔为意，以为是该餐厅规矩，就即刻俾钱埋单， 开始食咗10分钟，当时2:30该男士行过嚟话舖头2:40pm要清场，因为要做啲清洁之类的嘢， 我哋当时好惊讶，问返佢点解落单时完全没有讲，佢好串甘答话门口有贴咗纸，仲企系侧边等我哋离场，最后4个餐都系食到一半。 离开时我哋门口睇张所谓的通告用张A4纸贴到劲高系餐牌的最顶，完全唔起眼，而且张纸写系到3pm，但叫我哋2:40pm要走，该餐厅的行为好可恶。
继续阅读
前几日因为只系返半日 所以同同事一齐食完𠮶lunch 再各自返屋企 呢间系间中一个同事介绍嘅 食完都觉得唔错👍我就拣咗𠮶午餐自选套餐Set A 系$63起 不过就要加一服务费 如果要加一就唔系几抵啦 因为唔觉得有非常好嘅服务 但系味道算系👌嘅有三小碟前菜 开头以为响menu入面嘅六款 有得自己拣入面拣三款 原来系冇得拣 系是日前菜 而𠮶日三款前菜分别系 麻辣猪脷 潮式豆干 同埋麻酱时菜 每款各有特色 都整得唔错而主食方面 我拣咗铁板安格斯一口牛(+$5) 呢个好好食 一粒粒牛好松软淋身 黑椒汁亦都好入味 食到最后仲热辣辣 正吖🥰然后饭面方面 拣咗椒麻拌淮山面 呢个觉得唔太好食 𠮶面太干 所以会将啲汤落少少响𠮶面度 但系落咗啲汤 又会冲淡咗啲辣味 如果下次有机会食嘅话 会试下其他款 午市套餐奉送热饮一杯 我就拣咗热奶茶 味道唔错 茶底够香滑👍👍
继续阅读
好耐无出黎食午餐今日特别约出来透透气想坐的舒服些倾计便选了在kcc 8楼 揾食刚好这间有位就入去侍应好好比左窗边位我哋望望餐牌哗！ 63蚊有前菜、主菜、饭面同野饮计埋加一70蚊就ok都几抵wor我哋就叫左三个set Ashare 𩠌肉骨煮得好腍 豆卜冬菇都好入味𩠌多汤都够 抵食补身之选叉烧带子炒滑蛋 多料蛋滑 正樱花虾煎肉饼 最有惊喜煎得香口 又唔油 肥瘦适中加埋樱花虾 配饭食一流佢前菜是是日小菜 果麻辣猪脷同豆干都几好食酸辣米线就够酸但唔够辣 都ok整体来说都是推荐的
继续阅读
葵兴大变天，新商厦为这个残旧老区注入新的生命力。去葵兴探朋友兼顺道食lunch，选择餐厅或食店的条件就是不用排长龙兼野唔难食，我朋友话除了Mos Burger外就只有这一家，于是决定坐低食鸡。第一次帮衬，见到佢有个招牌鸡，可配饭或面，甚至乎可以加钱转肉操饭或者菜饭。我点了招牌鸡配白饭，另加六蚊改饮冻柠檬薏米水。佢个招牌鸡真系唔错，好滑，鸡皮好有弹性，连平时唔食鸡皮的我都忍唔到口食咗一块，白饭就比较硬身，价钱上我就觉得略高少少，不过坐得舒服，ok啦。
继续阅读
记得𠮶日我地去咗新商场KCC行街，约六点嘅时候，开始觉得肚饿，于是就打算喺附近揾嘢食。我地OpenRice咗呢间，有花胶鸡食嘅餐厅，好吸引，所以就拣咗呢间。六点几上到去，竟然冇乜人，于是我地可以舒服地坐喺窗边位睇住夜景食饭，好开心！我地点咗两份皇牌套餐，花胶鸡汤米粉，同埋两款小食，椒盐豆腐同凉菜三小碟，仲有嘢饮，好抵食呀！想讲下碗米粉，俾咗大量芫荽我地，同花胶鸡汤配搭得实在天衣无缝，啱晒我这个芫荽控！值得推介，可以再嚟！
继续阅读