影片
今日放假，同屋企人出左大埔揾食，因为落雨又要就脚程去买菜，所以拣左系大埔昌运食。见依间咪走鸡午膳时间都好似好旺，加上从来都无食过，就入去试下。环境方面，普通茶记装修，但卫生情况好一般🙃地下有明显垃圾、食物残渣；台面都有少少油。不过都系个句，茶记就唔好咁高要求。午餐方面选择还可以，都系一般茶记必备：但午餐来讲，小炒明显小贵；加上想简单食，所以我地叫左一个叉烧烧鹅濑粉同一个皇牌厚切猪排焗意粉。个叉烧烧鹅，上台个下颜色都唔错，份量都OK，但食落先发觉大部分都系骨，根本无几多肉，真系失望啊🥲味道正常，但份量方面我就觉得要留意下，食烧鹅嘛，唔系食烧鹅骨🙃焗意粉方面，唔算等好耐，厚切猪排唔算好厚切，亦都唔系完整一块，而系切好左既，大约4-5小块，但有小小焗过龙，有d番茄㶶到有D苦。意粉明显煮过龙，发晒之余仲要无调味，好淡口。但猪排就还可以，唔算柴，调味都算适中。整体来讲，份量都足够。但整体而言性价比唔高，食物价钱偏贵，叉烧烧鹅濑粉仲要贵过个焗饭，真系颇失望a🙃
继续阅读
今天6月23日夜晚入座我哋一行三人本身嗌咗三个𩠌，包括咪走鸡、椒盐虾球粉丝煲同腐乳通菜个鸡辣得嚟唔好食，肉质有啲嚡，个虾球粉丝煲就普普通通，冇乜特别漏咗腐乳通菜都算，嗌咗两个套餐，原来净系包白饭同埋例汤，之后又问我哋饮咩，仲以为包埋，原来要另外加钱，都算食食吓饭喺隔篱拖地拖到啲水黑晒，再用返啲黑色水嚟再拖，睇到都唔开胃🤮服务态度又差，真系一定唔会再帮衬。食咗半个钟就要走了，完全唔想再留低俾钱𠮶阵，多谢都冇一句。
继续阅读
同小朋友食下午茶，要鸡髀沙律落咗单之后话冇鸡髀得鸡翼唔紧要我照要鸡翼估唔到同一价钱嘅嘢份量好似儿童餐$42一啲都唔值得本身餐牌鸡翼同鸡髀都系同一价钱我觉得个沙律份量可以多啲，或者只碟可以细啲咁会好睇啲🙂
继续阅读
好耐无去大埔。今日拜山，经过大埔。返嚟饭返个招牌菜咪走鸡餐。下午茶时间$59。同以前一样。味道不变。个白切鸡好多鸡汁，混入白饭一齐食，滋味无穷。有个碗仔系尊放骨头。食得好干净。鸡肉好鲜嫩。入口即溶。加埋杯热奶茶。正宗港式茶餐厅风味。
继续阅读
早餐沙嗲牛肉面餐，食咗两啖面之后见到原只小强🪳，即刻🤮🤮出来，店员有问使唔使换过碗，不过梗系冇晒胃口啦…店员即刻收走咗碗面，取消咗碗面收净饮，人生第一次亲身遇到
继续阅读