咖啡灣 (太和中心) (已結業)

今日喺大埔踩單車，途經太和，發現一間好啱一家大細去食嘅餐廳，叫做Cafe Swan, 只看外表已好吸引，入邊主要係意粉，漢堡，老公叫咗軟殼蟹太意粉，我叫咗大蝦意粉，意粉嘅味道不錯，好啱小朋友食👍🏻最特別係甜品，適逢阿女星期日生日，所以就當佢預先慶祝🎉全個窩夫只需$85，食到全家都好飽，小朋友又好開心，個賣相又靚❤️又仲有兩球雪糕，食完仲有抽獎券同埋coupon 可以下次再用,店員好有禮貌又好細心, 整體無論環境服務質素同埋食物質素都好好,價錢方面不算貴，簡直係超值

食過一次之後又想再食😂突然間好掛住咖啡灣既軟殼蟹卡邦尼意粉，決定今日放左工去食😂約埋朋友仔一行3人去食晚餐，今次就去位於太和中心既咖啡灣。去到唔算太多人，唔洗等位！坐低左侍應送上暖水比我地，服務幾好！睇睇menu都係叫最愛既軟殼蟹卡邦尼意粉，仲叫左三文魚黑松露意粉，蜜糖芝士炸雞配沙律薯條同埋黑魔王窩夫。軟殼蟹有蟹膏新鮮炸起好脆口，意粉好creamy Keep 到水準👍🏻三文魚份量都幾多有七至八塊，黑松露味都幾重好香而蜜糖炸雞送上枱時熱辣辣新鮮炸起,脆卜卜雞肉好滑唔會話”嚡十十”，仲配埋三款醬汁俾你。最後食埋個甜品，窩夫有2球雪糕又有oreo同朱古力百力支，幾多配料👍🏻

好少去太和，不過有朋友介紹話呢度小店有創意、味道又唔錯！所以今次朋友生日就嚟左試下🍗黑洞芝士麵包金雞：真係有創意有驚喜！！！炸雞點芝士汁🧀配竹炭麵包。嘩，口感一流！炸雞仲好juicy喎估唔到！🍝軟殼蟹黑松露忌廉意大利麵：忌廉都唔會好漏👍🏻 淡淡黑松露味，正！軟殼蟹不過不失～ 份量都算多！唔錯唔錯！🍹水果茶：好香！！賣相都好靚，不過略甜～ 可以請店員加啲水溝淡啲後記：食過就知道唔只係打卡cafe咁簡單, 食物質素都好高！LIKE呀！！

我地一共有8個人，叫咗6點意粉同1碟小食。意粉整得幾好食，超級推薦煙三文魚白汁意粉同墨汁意粉，又靚又好食！但個人唔係幾鍾意香辣帶子意粉，帶子唔夠新鮮，香辣味似中式味道。雖然係幾好食，但意粉份量唔夠，我地要過隔離食多個m記先夠飽。

朋友想食意粉於是就黎左呢到食 入面環境不錯 坐位唔算好多不過排隊入數都唔多呢間算平貴平民化的西餐 大部分主食都係$100內黎到呢到一定要試軟殻蟹意粉 之前試過其他都好好食不過佢份量唔多 我平時食量少都覺得唔係好夠

同朋友都係大埔收工，嚟左附近嘅太和搵野食，貪呢度多選擇又有位泊車朋友住得近呢頭，佢帶路嚟左呢間咖啡灣，佢話佢嚟過幾次都唔會厭。一入去覺得環境好舒服，大約六點到，唔算好多人食，餐牌好靚，重點係圖片與現實符合我地唔太餓，叫左一份意粉同窩夫，一人一杯飲品意粉偏硬好岩我口味，d料都好夾，有洋蔥同木魚，口感豐富我叫左杯抹茶牛奶，只可以整三眼仔😂係幾得意嘅，但味道麻麻地，係唔好味嘅綠茶粉重頭戲就緊係甜品，賣相一流。只係略嫌窩夫唔夠熱，無咁香脆。我地都傾左好耐計，侍應都好好服務，不停斟水。都係可以encore嘅餐廳，岩曬吹水

平安夜前夕雖然唔太凍但冬天打邊爐過過癮是常識吧！普通火鍋已經食左好幾次咁岩咖啡灣推的限定節日款 - 芝士火鍋就試試看選了個咸蛋奶黄芝士鍋芝士需說用了三種但食落不太濃郁可能加了奶溝稀了，怕直接用火煮會燶與傳統瑞士芝士火鍋不同，是沒有酒精味反正我不太好酒精的苦味另外，咸蛋味不太出選了$298款與3百幾的只是分別在食材有用海鮮份量很充足放滿四人枱兩個人食絕對滿足肉丸味道濃，配上味道淡的芝士好好食薯條不沾芝士也很好吃，酥脆可口黑豚肉同雞柳都煮熟，配上沾沾滿芝士醬的烏冬，真的極邪惡！！芝士腸隨便配又好吃基本上是芝士控都很難停下來覺得配什麼也好最後追加一份麵包原本芝士火鍋已配一份但發現菌類配肉片+芝士連麵包食是很match就算超哂quota 都豁出去埋單加1，$350左右雖然都有dd貴，但份量同肉類都恰好不會做成浪費咖啡灣的食物飲品類型也蠻多之前試過幾次水準都能保持得到偶爾也轉新餐單是間會保持新鮮感的餐廳

今日喺深圳放工，直接搭火車返大埔，太和站落車之後周邊有好多小店美食，咖啡灣 以天鵝做標誌，我都食過好多次，水準唔錯所以回頭率幾高。menu 每隔一段時間會有期間限定供應，所以都有一定嘅新鮮感。黑洞芝士麵包金雞 $112價錢吸引而且抵食，賣相已經係一流，黑色的竹炭漢堡包已經夠特別，配上金黃色的鹹蛋黃奶汁，用嚟點炸雞，真係好味到難以形容，食完一件又一件。正！芝士肉醬美國瘋薯條 $48如果淨係薯條就比較單調，加埋芝士肉醬就好開胃啦！鐵板雞扒茄汁燴意大利麵 $72鐵板雞扒外脆肉嫩又多汁，茄汁酸甜味道夠清新，意大利麵彈牙有咬口，高質素麵食。黑魔王窩夫 $82呢度嘅甜品又係唔可以錯過，窩夫製作需時係值得等嘅，賣相好精緻。仲有我老公最愛嘅Oreo餅乾口味，窩夫口感柔軟，跟雪糕一冷一熱的口感，為晚餐寫上完美句號！

呢間餐廳係岩岩開的時後，係有海量的人們係門口排隊。近呢幾次去到都見到無咩人，心諗終於有得試了！餐廳無Dinner Set，全部都要散叫。朋友仔叫左一份卡邦尼蛋汁義大利麵。麵較淋身，忌廉味唔重。呢客黑松露忌廉意粉加了即刨黑松露，見到即刻叮左聲，就係你了！本身以為個汁再加即刨的黑松露，一定會好香⋯ 但嗅落去唔夠香，食落都無咩味，真心有D失望。蒜蓉牛油焗鮮雜菌係用錫紙包住焗，打開個時都幾香牛油味。朋友仔叫左杯青蘋果香檸薄荷茉莉花茶，入口清清地，還可以。綠茶牛奶有可愛的三眼仔拉花，不過飲落綠茶及牛奶味都唔濃。隔離連鎖咖啡都都好飲好多⋯ 我們兩個女仔食完都唔多飽，最後去左M記食熱氣野去(笑)==============================鍾意我分享的，我邀請你訂閲我的食評，我會繼續與大家繼續發掘有咩CP高的冰糧！(敬禮)

Cafe 环境舒适， 服务态度很好，食物质素不错，咖啡好好喝冰滴咖啡 HKD58咖啡味道香浓，好喝CAPPUCINO以为系menu上的天鹅拉花，可惜不是，但真心好喝 黑松露蘑菇汤黑松露味够，汤不会腻咸蛋炸鸡翅略嫌咸蛋味道不够浓生磨黑松露片意粉黑松露味道够，但味道偏淡值得推荐的大埔咖啡厅，果然名不虚传

我們一行八人，有三個小朋友，全部都是三嵗左右。我一坐底已叫左三樣食物，我唸住吃完三樣後，再叫甜品同果茶。誰知女經理態度不友善向我們說，每人最少叫一樣食物，不断叫我們order定甜品，又話可以後起甜品。又話兩位小朋友当一位大人，也要再order多樣食物。我勁嬲，不断被人追叫食物。我係不會再幫襯咖啡湾，食物又貴，價錢仲貴過茶木。

第二次食呢間，之前係粉嶺既分店食，今次係太和既總店。佢個Lunch set包餐湯、主菜同飲品。比起我上次食，個lunch set menu轉左野，同價錢都貴左d，雖然係咁，我都想試下好快就上左餐湯，個杯好靚呀，味道都幾好，幾足料同creamy主菜叫左韓國泡茶芝士卡邦尼長通粉➕生薑伯爵茶($68）。個通粉既汁偏稀，但味道吾錯，泡士同芝士好惹味，再加埋個流心蛋 我勁中意個飲品，好岩冬天飲，又吾會太甜朋友叫左芝士焗流心蛋肉醬千層闊面➕Latte ($88） latte 另外加$10。我無試到，但朋友話幾好食，好惹味。最後仲叫左半份oreo 朱古力雪糕窩夫（$52）賣相好吸引呀，個窩夫口感岩岩好，吾會太實或太鬆軟，配埋雪糕食真係好好味呀最後要讚一讚廚師既誠意同用心，食完後佢出左黎逐個問客人覺得d野食點樣，好欣賞佢地咁重視客人既意見，雖然我比較鐘意舊menu多d,但我都會再幫襯支持佢地！

Tried this cafe the other day with my friend. Lots of good comments online, after we tried it we guess it’s probably because of their reasonable price with okay quality food. .+.+.+.+.+.+.We ordered a pasta and a chicken rice. 👉🏻The pasta looks quite nice. It tastes okay also, not super tasty but with this price it’s okay. Usual tomato sauce with quite a lot of clams. 👉🏻 The rice is soso, but the portion is sufficient! The chicken meat is a bit bland, wish it could have more flavour. But it’s so

成日上網睇到人地介紹「咖啡灣」既野食，講到好吸引咁，今日一於黎試下！今次揀左位於大埔既「咖啡灣」，位置唔算偏僻，係太和火車站行5-10分鐘就到！去到原來都幾細間，位唔算多，每枱限時90分鐘！拿拿淋揀好野食，叫左個出名既軟殼蟹黑松露忌廉意粉，見到lunch set有咖哩飯就叫左個試下！個軟殼蟹黑松露忌廉意粉好好味，軟殼蟹原隻新鮮炸起，仲有啲蟹膏！而個意粉就好creamy,重黑松露味，正！個咖哩飯就有啲失望啦，可能唔係主打野食，好普通，份量唔多，炸魚柳唔夠脆！呢間餐廳可以再一試，不過價錢就有少少貴！

本人於2018年12月16日約6:30前來太和分店，當我們進來時，侍應表示只有側面bar枱位置，但由於我媽媽年紀已高，不便坐那些位置，故順應該侍應要求下等候下一張。其後該侍應要求我們外出等候，但由於當天天氣溫度驟降及大風，故此我們要求留在室內等待，不想老人家吹風病倒，但他仍然堅持要我們外出，聲稱地方細小，我們表示外邊天氣稍冷，我們坐在原先沒有人的枱等候，他只冷冷扔下一句“沒辦法”，完全沒有站在客人的角度換位思考。之後我們坐下吧枱選擇食物，期間有客人要坐了，我們又被要求離開。如是者三番四次俾人趕出門 ，在這麼寒冷的天氣裡，你們同事真的不能/不懂彈性處理嗎？ ！期間，還有一位女同事一直玩着手機，當我們着她過來時，她仍沒有反應應，一直把玩手上電話。這是在星期日裡晚上繁忙時間應該做的事嗎？請多多教導及培訓前線員工，如何應變及彈性處理事情，這實在不是應有的待客態度。