咖啡亭 (已結業)

本身訂左食八點半時段, 但突然間知道之後仲要趕去朋友生日派對, D野食實落唔到格, 所以決定改食6點-8點既時段6點準時抵達後, 餐廳比我預期中細, 成間野連埋座位同放食物既地方得2000尺左右, 不過尚算舒適, 唔影響我既食慾係咪我地太準時呢?! 6點得三兩枱客係度, 場面十分冷清 (直到最多人既時候, 好似都唔夠一半客, 係咪因為6點呢舍時段太早?!)食物方面, 先講冷盤海鮮有即開生蠔兩款, 一款法國一款蘇格蘭, 兩款都係海水味比較重, 但係我覺得以自助餐生蠔黎講, 非常滿意, 食左超過兩打蟹腳亦有兩款, 皇帝蟹腳大大碌淡淡肉, 好好味, , 雪場蟹腳唔太突出但都正常兩款蟹腳供應源源不絕, 並非有食家講既只出一轉, 唔知關唔關食6點呢個時段既問題除此之外仲有凍蝦, 青口, 翡翠螺, 小龍蝦等, 味道正常啦, 但係自助餐 吸引唔到我再食另外有一款parma ham, 味道亦都唔錯, 食左幾塊 本人一心已經係主要食蟹同蠔, 其他熱盤講真無咩點試過想試朋友半塊乳豬, D皮韌到我咬唔開要食哂食塊...可以不試其餘都係D咩咖哩豬牛雞呀, 咩菜呀之類啦, 我完全無食過朋友試左佢即整既pasta

去哩間野只係食粗蟹腳,加到貴一貴都要去今次準時8:30pm去到只出了一輪粗蟹腳就冇再出跟住一路出D幼幼的我諗全場D人都非常失望冇人再去攞,你地睇下我覺得有少少比人呃的感覺

剛剛打去7月份平日都要$388一位得8.5拆=$329.8+38.8=$368.6真係唔多值!質數已經越來越差!!!仲不斷係咁加價!!!!d生蠔去一次細隻過一次.....蟹腳去一次霉過一次.....翠螺去一次霉過一次.....dessert去一次少款過一次......總括我覺得好唔值!!!!!

家人慶祝生日食飯就最頭痛... 一個鍾意清淡, 一個鍾意食肉, 一個鍾意中式, 一個鍾意西式.... 所以最好都係揀 buffet 就無死 之前都試過不同酒店 buffet , 貴又有, 平又有. 都係一般咁啦... 多款式得黎每樣又唔係特別好食, 食到有一兩樣好喇, 其他又唔吸引. 但係呢晚去食既呢間, 又確實覺得可以既話會再黎呢度食架喎 ! 究竟點解呢? 先係講下餐廳環境, 係長方形既格局, 整體有 D 細, 我地 6 個人已經要坐大 , 所以如果你地係 8個人以上呢.... 就要分台坐了. 不過都好舒服既~ 又由於餐廳不大, 大家可以想像其實可供 "掃食" 的菜式係絕對 "貴精不貴多"~要記得一個 buffet 有咩野食提供確實有 D 困難... 我只講下我地一家人食左 D 咩啦 (由於小女子掛住食, 好少 "成功" 影到相... ) 冷盤: 生蠔, 翡翠螺, 青口, 龍蝦仔, 巴馬火腿配蜜瓜...etc樓下呢張相就係即開新鮮生蠔. 其有 3 款: 南非, 紐西蘭, 法國.可以 0係 香港食到即開又係 buffet 既生蠔, 真係咩都值哂啦下話? 連加拿大返來的男朋友都話味道

和同事三人行第一次來這吃自助餐, 雖然環境不是很大, 不過食物質素真的不錯, 而且服務員的態度也很好. 這真是很抵讚的地方..而且BUFFET時間其實是12:00 至16:00. 不過我們三人聊天聊到17:00多才走. 這裡的服務員完全沒有吹我們走. 埋完單之後還可以繼續座. 而且出入這酒店有很多帥哥的飛機師和漂亮的空姐. 脫了殼影的龍蝦仔, 龍蝦仔肉有好香的牛油味..呢大蝦都好大隻, 吃蝦都吃飽了..壽司沒有吃多, 不過同事話刺身很好, 很新鮮~~熱葷的青口也很好吃/ 鵝肝很不錯, 可惜每人只限吃一件. 想吃多一件也沒有.羊架味道很好, 連續吃了很多件..沙律的蔬菜也很新鮮整體來說這次的BUFFET真的很不錯

因為男朋友生日,想請佢食自助餐!見到OPENRICE話呢度有優惠,好似好抵咁,,所以就黎左呢度喇!我睇OPENRICE話果度好細....但其實去到都幾GRAND架,雖然都係好細..不過其實細細地都幾骨緻~~~ 離食物又唔遠~雖然話食物種類就唔係好多野撰~但係最尾我係飽到仲想食新野但食唔落!!!!!首先一開始食D冷盤先啦!D翡翠螺都幾鮮甜呀!跟住要左D刺身,,係一份份叫師父切的D吞拿魚係我食過最好食的!跟住食左D熱食!有D牛柳粒,點心,湯,羊架....D熱食就一般啦!不過不得不讚讚D咖哩!真係好好好食!!!!仰有得可以自選意粉,有唔同汁.料.意粉選擇!我要左松露忌廉汁長通粉!好好味呀!!!跟住同男朋友出左去整雪糕..出面有個雪糕機自己想要幾多就唧幾多出黎..係VANILLA 軟雪糕!有得自己加醬同材料~仲有PANCAKE,即叫即整!有STRAWBERRY,BLUEBERRY同香蕉!又可以自己加醬,自己玩下都幾開心最後就係食甜品啦,雖然種類唔多!但樣樣我都鐘意食!正!!!!其實係見到上2篇食評都係話唔好..所以先想寫返篇讚的食評!!因為呢個價錢食得咁好,已經好抵!!!!

兩個星期內再度光臨,因為上次生蠔非常吸引,希望能夠再次滿足一返.可是高興而去,敗興而返.今晚有三款生蠔供應:1. 南非生蠔: 味道較淡,細隻,沒有蠔嘅鮮甜味.2. 塔斯曼尼亞:味道偏咸,食落有少少臭味.3. 美國蠔: 老公食第一隻已經係極臭,之後再食都覺得有臭味,可能作曰啲蠔唔新鮮.之後老公向開蠔嘅人投訴,好快就有位經理向我地道歉及解釋,並把美國蠔收起,改用其它產地嘅蠔代替.但心理問題,老公已沒有再食蠔,而其它又唔係咁吸引,最後要食炒飯飲湯才能吃飽.其實這間餐廳地方好細,食物款式不多,招待客人相對亦少,比較清靜,不用大排長龍等食物,食物供應充足,侍應上下包括厨師都很好禮貌,值得一讚.不過我地可能為蠔而來,為蠔而去.

係新假期週刊睇到尖沙咀隆堡麗景酒店咖啡亭食午市自助餐每位158，ニ位成人第二位就半價優惠，見咁平就約左朋友一齊去食啦，真係非常失望，地方超細連食物選擇同樣好少，麵包都無西餅得兩三款，從未見過自助餐係無麵包供應架囉，扮高級去洗手間都要攞開門咭真麻煩，維一最好既係services，未去食既人都唔使去食喇，可以慳返D錢啦！

No waiting time as booked by phone and was led to table pretty fast.Must say was rather disappointed after all the rave reviews on this place. There was hardly any variety and if you do not eat oysters do not come here as I guess all the good reviews are based on oyster lovers who really have value for money I guess as there was a selection of oysters and apparently tasted quite good.The cheese wheel was interesting and the cheese tasted good, the salad was nice and there was some delicious des

今曰老公話想食自助餐,於是上open rice 睇吓有邊間做優惠,結果選了咖啡亭,因為現在二人惠顧兩小時$598.加一後每人$330,這個價錢可以接受.但如果三個人去第三個要收正價就唔係咁好. 這間餐廳係第一次去,首先一上到去會覺得出事啦咁細嘅,但由於訂咗枱就是但啦.坐低後侍應好有禮貌哋話汽水任飲,有三款口味任君選擇,值得一讚.之後老公立刻去攞生蠔,有三款選擇,每次只可以攞三隻,蠔身細隻但很鮮味,必食.其它海鮮都好新鮮.必試芝士燒牛肉味道唔錯可以一試.任飲汽水.熱食位置吸引甜品櫃.我地食咗4打以上生蠔,加埋海鮮,就算唔食熱食都可以返本,已經計劃下星期再去,因為持今次埋單票尾1個月內再去可平30元.

1. 食物質素 : 即切牛扒 - 好唸, 好入味, 試過好多酒店自助餐都沒有這間好吃 羊架 - 有燒的, 有咖哩的, 都很入味 湯 - 有中湯, 忌廉湯, 冇乜味精 剌身 - 三文魚, 吞拿魚等四款(估唔到LUNCH BUFFET都有刺身)都幾新鮮 甜品 - 香濃朱古力蛋糕及自製朱古力最啱, 真係好濃的朱古力味, 超好食, 不過食得太飽, 食唔到好多 ; 雪耳木瓜糖水都不錯 ; 可自己捲雪糕 ; 沙律好快被人清晒, 所以我冇機會食 ; 自製pancake落新鮮生果 整體來說, 食物款式不算十分多(但我老公認為算多), 但味道不錯, 我們吃LUNCH(12n-4pm), 已不用食DINNER啦!!!2. 服務態度 : 我們有BB車, 他們一早為我們安排了BB椅及有足夠空間放BB車. 大部分員工笑面迎人, 尤其ANGIE WONG(我在意見表都表揚她)細心, 且會氹BB. 廚師哥哥又友善 ; 適逢復活節, 故1:30-3pm在大堂有畫復活蛋

今個月第二次到訪，不過，今次是吃午餐。早上即興BOOK位，淨返近食物BAR位，冇問題啦。12:00PM準時到，入座後，己經可以取食物。熱葷:羊鞍:肉嫩，味道不錯。炸春卷，我喜歡它是素的，脆口，怕熱氣的我也吃了2條。有3款咖喱。帶子西芹/茄汁海鮮/炸著條/蝦餃/燒賣/牛肉/鰻魚炒飯/炒菜是西蘭花/棷菜花--全部味道也很好，用料新鮮。有刺身三款，三文魚/吞拿魚等和選料即做意味。泠盤有凍蝦/龍蝦仔多膏/翡翠螺(唔新鮮，食左1隻冇食)。2款湯:南瓜湯/花生雞腳湯。自助餐款式唔多，但又好幾款都幾岩口味。用左第二位半價優惠。其實平平地過一個悠閒的下午，感覺也不錯。是日沒有拍照。

難得平日有空閒時間，可以選擇較便宜的星期四價錢。8:30場，早左去到，先去空中花園欣賞風景，真的很不錯。8:30PM，準時入座，急不及待取了蟹腳，鮮甜多肉多汁，味道很好，只是偶爾會有一兩隻失水準。生蠔，食左4款。紐西蘭蠔--鮮甜，但食左3隻，個輪出完，就冇再出。美國蠔--較肥，海水味重，味道偏咸。南非蠔--細隻，又係幾咸，蠔味不錯。另一款忘記了。以上幾款蠔，味道非常新鮮。2人都忘記吃了多少隻，事後也沒有肚子痛。當日熱葷，以東南亞菜式主，咖喱蟹的咖喱汁，好好味。本身都係主攻蟹腳和生蠔，沒有將所有食物吃一遍，但是己經很滿足了。最後，甜品也很不錯，辣椒朱古力，很特別，但味道不算突出。

冷盤: 外觀: 不錯, 味道: 相當不錯 (翡翠螺:味很甜)天使麵: 外觀: 不錯, 味道: 相當不錯羊架: 外觀: 不錯, 味道: 相當不錯 (比較肥)串燒: 外觀: 不錯, 味道: 不錯熱盤: 外觀: 不錯, 味道: 不錯點心: 外觀: 不錯, 味道: 不錯咖喱: 外觀: 不錯, 味道: 不錯 (黃咖喱比紅咖喱好味)三文魚: 外觀: 不錯, 味道: 不錯福建炒飯: 外觀: 不錯, 味道 沒有品嚐 (太飽)沙律: 外觀: 不錯, 味道: 沒有品嚐 (太飽)甜品: 外觀: 不錯, 味道: 相當不錯 (清酒啫喱,很好味)COFFEE: 外觀: 不錯, 味道: 太濃咖啡亭,比較清靜,進食不需等,味道相當不錯,食值得再品嚐.

放工突然同朋友想食自助餐，首要條件有生蠔、芝士、甜品！尖沙咀的選擇不多，於事揀了Cafe Express 試一試！臨時6:15pm打電話去book枱，好彩都有，book第二輪8:30pm 兩位，服務態度幾好有禮貌準時入坐，餐廳地方不大，但環境尚可，坐得比較close.冷盤：生蠔- 即叫即開，有三款選擇==>新鮮好味(我一個人食咗兩打, 24隻)三文魚/吞拿魚/錭魚/八爪魚 - 即叫即切 ==> 新鮮yummy 長腳蟹 / 蝦 / 螺 / 青口 ==> ok (龍蝦味道較淡)芝士 ==>食咗三轉，超好味 唔係好多地方做得好似佢咁好！好過好多五星級酒店沙律 : 選擇不多，但味道不錯，我食咗兩碟凱撒沙律燒牛肉：朋友話幾好，因我自己唔食牛其他熱食：選擇一般，不太吸引，所以我無食過甜品： 選擇大約超過12款，又有雪糕機即製的軟雪糕，又有朱古力噴泉！好特別的辣椒朱古力，我初初都不太接受，但食落又幾好味！只係少少辣！木糠布甸同煎糖燈蛋做得幾好樽裝汽水不停供應，酒店自助餐不常見！底讚!!總結：鐘意食生蠔、芝士、魚生、甜品的話就超底！如果想食熱食，就不太理想！